Matalikilo 49:24 - Baibo Busansulushi Bwa Libuku Ili

²⁴ Nakubi boobo buta bwakwe lakwe tabutenkaani. Lyaansa lyakwe lyayuma ceebo ca nkusu shakwe Lesa Shinkusu shoonse, Lesa wakwe Jakobo, Mweembeshi alimwi Mukwabilishi wa bene Isilaeli.

Matalikilo 49:24 Marejeleo ya Msalaba

Matalikilo 45:11

Na kamuli muGosheni inga ndakonsha kumubikaako maano. Kucili myaaka yosanwe ya nsala. Aboobo nshisuni kwaamba ayi mwebo, bana banu, ashifubwa shanu mufwe kunsala.’ ”

Matalikilo 45:5

Ono mutakankamani akulipa mulandu nobeene ceebo cakungulisha kokuno. NguLesa mwiine wakantanjisha kuli ndimwe kwaamba ayi mpulushe bantu.

Matalikilo 45:7

Lesa wakantanjisha kokuno kunembo lyanu ayi mupulushe munshila ikankamanisha iyi, alimwi ayi ncakwiila mwebo abamulunyungu lwanu mutafwi.

Matalikilo 47:12

Josefu wakapa shakulya baishi, bamakwabo, alimwi abamwi boonse bamuŋanda ya baishi kubikaako awooyo wakalinga mwanike paboonse.

Matalikilo 48:15

Mpeeke wakapa coolwe Josefu ayi, “Lesa uyo bata baAbulaamu abaIsaki ngobakalinga kusebensela aape coolwe baana aba! Lesa uyo wakantanjilila kushikila asunu aabape coolwe!

Matalikilo 49:23

Balwani bakwe bakamulwana ciyoosha akumutandaanya kabacite mata amifwi.

Matalikilo 50:21

Taaku ncemweelete kuloonda. Ndanoomulama pantu pomwi abana banu.” Mpeeke wakabakalika myoyo amaswi ankumbu ayo akabeensha misusu.

2 Samwelo 5:2

Kale kale, Saulo kaacili mwaami wesu, ndimwe mwakalinga kutanjilila bashilumamba ba bene Isilaeli kuya kunkondo. Paciindi ico Mwaami Lesa wakamulwiita ayi, ‘Ulaakutanjilila bantu bangu bene Isilaeli akuba mwaami wabo.’ ”

2 Baami 13:16

Lyalo Elisha wakamwaambila ayi alibambe kwiiwaala. Mwaami wa bene Isilaeli wakalibamba, mpeeke Elisha wakabika maansa pamaansa a mwaami.

Neyemiya 6:9

Anu bakalinga kweelesha kutukonga ayi tucileeke mulimo wesu. Sombi ndakapaila ayi, “Ono nobaLesa, amumpe nkusu.”

Jobo 29:20

Ndakalinga kulumbaishikwa ciindi coonse ashalo nkusu shangu tashikwe kumanaawo napaceyi.

Kulumbaisha 118:22

Libwe bayaki ndibakakaka, lyakaba ndyelibwe liyandika lya mulikonko lya ŋanda.

Kulumbaisha 132:1

NoBaami baLesa amwiibaluke Defedi alimwi amapensho oonse ngaakeendaamo.

Kulumbaisha 132:2

Amwiibaluke nobaLesa mbwaakashomesha, ee, mbwaakashomesha cakulumbila kuli ndimwe noBeshinkusu bakwe Jakobo.

Kulumbaisha 132:5

kushikila nkacane musena wakulambililamo Mwaami Lesa, ncakwiila Ŋanda ya Ushinkusu wakwe Jakobo.”

Kulumbaisha 18:1

Ndimusuni noBaami baLesa bangu mwebo nomumpa nkusu.

Kulumbaisha 18:30

Nshila ya Mwaami Lesa teecite kampenda. Maswi aMwaami Lesa ncakwiila alashomeka. Mwaami Lesa ulibo anga ndiyawo kubaabo bayuba kuli nguwe.

Kulumbaisha 23:1

Mwaami Lesa ngomweembeshi wangu, teshi nkapengeewo sobwe.

Kulumbaisha 27:14

Anu amucinke manungo muMwaami Lesa, amube alushomo cakutatyongola. Ee, amucinke manungo muMwaami Lesa.

Kulumbaisha 28:8

Mwaami Lesa ngoopa nkusu bantu bakwe, ngoofuna akupulusha mwaami uyo ngwaakasala.

Kulumbaisha 44:7

Sombi ndimwe mutulengesha kukoma balwani besu. Ncakwiila ndimwe mulensha nsoni abo batupatite.

Kulumbaisha 73:23

Nakubi boobo ndaba amwebo lyoonsebo. Mwebo mulancata kulyaansa lyalulyo.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Kulumbaisha 89:1

NoBaami baLesa, lyoonse ndaakwiimba lusuno lwanu lutamaani, alimwi ndaakwaamba pakushomeka kwanu mumashalane oonse acisa.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Isaya 29:24

Paciindi ico baluya balaakuba amaano, abalo abo beshikunootongookabo balaakusumina kwiishikwa.”

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Sekaliya 10:12

Ndaakulengesha bantu bangu kuba ankusu alimwi balaakunoonambila akunyumfwilabo ndime. Nebo neMwaami Lesa ndaamba.”

Sekaliya 3:9

Bona, libwe ndindabika kunembo lyako webo Joshuwa. Palibwe ilyo pali meenso ali osanwe aobilo. Ntootalaawo malembo pali ndilyo alimwi ndaakukusha shibiibi sha cishi cino mubushiku bomwibo.

Mateyo 21:42

Lyalo Jesu wakabeepusha ayi, “Sa tamukwe kubelengawo kale Malembo akwe Lesa akwaamba ayi, ‘Libwe bayaki ndibakakaka lyakaba ndyelibwe lya mulikonko lya ŋanda, libwe lisuniki abuumbi. Mwaami Lesa ngowacita ceeci, alimwi ncintu cikankamika abuumbi mumeenso esu?’

Maako 12:10

Sa tamukwe kubelengawo kale Malembo akwe Lesa akwaamba ayi, ‘Libwe bayaki ndibakakaka lyakaba ndyelibwe lya mulikonko lya ŋanda, libwe lisuniki abuumbi.

Luka 20:17

Jesu wakabalangishisha akubeepusha ayi, “Ono malembo aya alaambanshi? ‘Libwe bayaki ndibakakaka, lyakaba ndyelibwe lya mulikonko lya ŋanda.’

Milimo ya Batumwi 4:11

Jesu ngowooyo waambwa muMalembo akwe Lesa ayi, ‘Libwe ndimwakakaka akusuula mwebo nobayaki lyakaba ndyelibwe liyandika lya mulikonko lya ŋanda.’

Bene Loma 14:4

Tooelete kubona musebenshi wa muntu umwi ayi utoobisha. Ngumwaami wakwe mwiine ngweenga wakonsha kwishiba na wacita kabotu nabi tau. Kwalo ndishi kwaamba ayi ulaakucita kabotu mukwiinga Lesa ulaakumuyumya.

Bene Efeso 2:20

Anu amwebo mwayakilwa waawo pakayakila batumwi alimwi abalaluki, Klistu Jesu mwiine ndyelibwe lya mulikonko lya ŋanda.

Dutolonomi 32:4

“NguMwaandami, milimo yakwe teecite kampenda. Nshila shakwe shoonse shililuleme. NguLesa ushomeka utabishi, ulacita shiluleme akoombolosha kabotu.

Dutolonomi 33:27

Lesa ngoomufuna lyoonse, maansaakwe amuyayaya ngaamulama. Ulatanda balwani kunembo lyanu, akumwaambila ayi mubanyonyoole.

Dutolonomi 34:9

Ono Joshuwa mwanaakwe Nani wakesushikwa busongo mukwiinga Mose wakabika maansaakwe pali nguwe. Paceebo ceeci bene Isilaeli bakalinga kumunyumfwila akunoocita shoonse Mwaami Lesa nshaakalwiita Mose.

Bene Kolose 1:11

Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala

2 Timoti 4:17

Sombi Mwaami wakalinga anebo akumpa nkusu kwaamba ayi nshimikile makani akwe cakumaninina ayi baswamashi bakunsengwe boonse banyumfwe. Aboobo ndakapuluka mukanwa ka nkalamu.

Joshuwa 17:18

sombi cishi ca tulundu acalo cilaakuba cinenu, nacibi kwaamba ayi nduundubo. Mulaakusokola kuswa kweela akweela. Nabi bene Kenani balicite shikoci sha nshimbi alimwi mbayumu, mwebo inga mwabatanda mucishi umo.”

Boomboloshi 1:22

Ono mukowa wakwe Efuleemu awakwe Manase bakaya mukulwana ndabala inene ya Betelo. Mwaami Lesa wakalingaabo.