Matalikilo 49:18 - Baibo Busansulushi Bwa Libuku Ili

¹⁸ “Ono oMwaami Lesa, ntoolindilila lupulusho lwako.

Matalikilo 49:18 Marejeleo ya Msalaba

Matalikilo 49:17

Dani ulaakuba anga ninsoka mweelanshila, nsooka icite buyoka bucaya mweelanshila, iluma liaki mukapokoso, kwaamba ayi ushiiteewo alokele kwisule.

Kulumbaisha 119:166

NoBaami baLesa, ndalangila ayi mulaakumpulusha alimwi ndakonkela milawo yanu.

Kulumbaisha 119:174

Nobaami baLesa, ntoolangilabo lupulusho lwanu. Ncakwiila milawo yanu ilansangalasha.

Kulumbaisha 119:41

NoBaami baLesa, amuntondeshe lusuno lwanu lutamaani. Amumpulushe kweelana ambomwakashomesha.

Kulumbaisha 123:2

Bweenka mbuli musha mbwaalangilisha kumwaami wakwe, bweenka musebenshi mwanakashi mbwaalangilisha kumwaami wakwe mwanakashi, mbweeke ubo aswebo mbotulangilisha kuli ndimwe, noBaami baLesa, baLesa besu, kushikila mukatufwite nkumbu.

Kulumbaisha 130:5

Ndalindila lucafwo lwa Mwaami Lesa amoyo woonse. Ndicinkite manungo mumaswi akwe.

Kulumbaisha 14:7

Ncakwiila inga cabota abuumbi lupulusho lwa bene Isilaeli kuswa kuSiyoni! Mwaami Lesa aakuboosesha bantu bakwe bubile, boonse bamulunyungu lwakwe Jakobo, ee, bene Isilaeli ndyeshi bakasangalale.

Kulumbaisha 40:1

Ndakalindila lucafwo lwa Mwaami Lesa camoyonteeka. Lyalo wakakutika kulila kwangu akunkumbula.

Kulumbaisha 62:1

Moyo wangu ulababo tontolo kulangila kuli Lesa, mukwiinga kuli nguwe eenka nkokuswa lupulusho lwangu.

Kulumbaisha 62:5

Omoyo wangu umunabo tontolo mukushoma kuli Lesa, mukwiinga kuli nguwe eenka nkokuswa lulangilo lwangu.

Kulumbaisha 85:7

NoBaami baLesa, amutuboneshe lusuno lwanu lutamaani, alimwi amutupe lucafwo lwa lupulusho lwanu.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Tushimpi 14:32

Mucita shibi ulanyonyoolwa ceebo ca shibiibi shakwe, sombi ululeme ulicite kwakuyuba ceebo cakushomeka kwakwe.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 30:18

Nakubi boobo Mwaami Lesa ulisuni abuumbi kumunyumfwila luse. Ulilibambite kumunyumfwila nkumbu ceebo ulacita shintu shiluleme. Balicite coolwe bacinkite manungo muMwaami Lesa!

Isaya 33:2

NoBaami baLesa amutunyumfwile luse mukwiinga taaku aumwi ngotucinkitemo manungo. Kamutupa nkusu macuunsa lyoonse akuba bapulushi besu ciindi ndituba mumapensho.

Isaya 36:8

Kosa tunyumfwane muliina lya mwaami wa bene Asilya. Ntookupa maaki ali 2,000 na ucane bantu beenga baatanta!

Isaya 8:17

Mwaami Lesa walishisa kubamulunyungu lwakwe Jakobo. Nakubi boobo nebo ndicinkite manungo muli nguwe. Kulangila kwangu mweshi kunoobete.

Malilo 3:25

Mwaami Lesa ngumubotu kuli baabo balangila kuli nguwe. Ncakwiila ngumubotu kuli wooyo uyandoola lucafwo kuli nguwe.

Osiya 12:7

Mwaami Lesa waamba ayi, “Bene Isilaeli tabashomeki bweenka mbuli bene Kenani. Balisunishi kunyengelela bamwi mukusebensesha shakupimisha shabubeshi.

Mika 7:7

Sombi nebo ndanoolangila lucafwo kuswa kuMwaami Lesa. Ndanoolindila Lesa Mupulushi wangu. Ndushinisho Lesa wangu ulaakunkutika.

Mateyo 1:21

Ulaakushala mwaana musankwa, ukamutuumbe liina ayi Jesu, mukwiinga ngweshi akapulushe bantu bakwe kuswa kushibiibi shabo.”

Maako 15:43

Josefu wa kuAlimateya, mweendeleshi ulemekwa munkuta ya baJuda, wakalinga kulangilabo Bweene bwakwe Lesa. Muntu uyu wakaya kuli Pilato cakubula boowa mukusenga mutuntu wakwe Jesu.

Luka 1:30

Mpomunyaawo munjelo wakamwaambila ayi, “Utaloondi Maliya, mukwiinga Lesa wakubeta luse.

Luka 2:25

Ono muJelusalemu mwakalinga muntu wakalinga kwiitwa ayi Simyoni. Wakalinga muntu usalalite ulemeka Lesa alimwi wakalinga kulangila kupulushikwa kwa bene Isilaeli. Mushimu Usalashi wakalinga pali nguwe.

Luka 2:30

Mukwiinga lupulusho lwanu ndalubona ameenso angu,

Luka 23:51

alimwi wakalinga kulangilabo Bweene bwakwe Lesa. Nakubi kwaamba ayi alakwe wakalinga mweendeleshi wa munkuta ya baJuda, taakalinga kusumina miyeeyo amicito imwi ya beendeleshinyina.

Bene Loma 8:19

Shintu shoonse Lesa nshaakalenga shitoolindila abuumbi kuyubululwa kwa bana bakwe.

Bene Loma 8:25

Aboobo na tutoolangila cintu ncetutabwene, tulyeelete kutolelela kulangila.

Bene Galatiya 5:5

Sombi kwiinda muMushimu Usalashi usebensa mulushomo lwesu, swebo tutoolangila kwaamba ayi Lesa ulaakutululamika.

1 Bene Tesalonika 1:10

Peculu lya waawo mutoolindilila Mwanaakwe kuswa kwiculu wiitwa ayi Jesu, uyo Lesa ngwaakabusha kuswa kubafu. Jesu uyo ngootufuna kuswa kubukali bwakwe Lesa.