Matalikilo 48:22 - Baibo Busansulushi Bwa Libuku Ili

²² Ono webo, mbooli muntu wiindaawo pabamakwanu mubulemu, ndakupa cishi ncendakanyaya bene Amoli mukusebensesha mupeeni abuta.”

Matalikilo 48:22 Marejeleo ya Msalaba

Matalikilo 15:16

Palaakwiinda myaaka ili 400 kwaamba ayi bamulunyungu lwako bese mucishi cino, ceebo bene Amoli teshi nkabatandeemo kabatana kuba bamucita shibi beelete kutondeshekwa bukali.”

Matalikilo 33:19

Palubasu lwa muunda apo wakapaula maali asilifa ali mwaanda kubamulunyungu lwakwe Amo ishi Shekemu.

Matalikilo 34:28

Bakabwesa matanga ambelele, ŋombe, mbongolo alimwi ashintu shimwi shoonse mundabala inene iyo amumyuunda.

1 Makani 1:14

Alimwi Kenani wakalinga mushali mukulukulu wa bene Jebusi, bene Amo, bene Gegashi,

1 Makani 5:2

Nakubi kwaamba ayi mukowa wakwe Juda wakalinga wakaba ushinkusu kwiinda mikowa ya bamakwabo, nkusu sha bunenebantu shakapekwa kuli Josefu.

Esekelo 47:13

Mpeeke Mwaami Lesa Shinkusu shoonse wakaamba ayi, “Nyinsa sha shipansha sha cishi isho nsheshi mukabaanye mikowa ili likumi ayobilo ya bene Isilaeli nsheeshi. Mukowa wakwe Josefu ulyeelete kupekwa shipansha shobilo.

Amosi 2:9

“Nakubi boobo ndakanyonyoola bene Amoli ceebo cabo. Bene Amoli bakalinga balaamfu anga nshisamu sha sida, alimwi bayumu anga njimibanga. Ndakanyonyoola shisepo shabo akunyonyoola miyanda yabo panshi peene.

Joni 4:5

Mpeeke wakashika mundabala ya muSamaliya iitwa ayi Saika, pafwaafwi amuunda Jakobo ngwaakapa Josefu mwanaakwe.

Dutolonomi 21:17

Musankwa uyo ulyeelete kwaabanya buboni bwakwe mushipansha shotatwe, akupa mwaana musankwa wakwiiya shipansha shobilo, nabi taakwe kumushalila mumwanakashi ngwaasuni bunene. Mwaana musankwa wakwiiya ulyeelete kupekwa kweelana ashintu shimweelete.

Joshuwa 24:32

Mafuwa akwe Josefu, ayo bene Isilaeli ngobakakusha kuIjipiti, akabikwa kuShekemu, mukapansha ka cishi Jakobo nkaakoola amaali asilifa ali mwaanda, kuswa kubana bakwe Amoli ishi Shekemu. Musena uyo wakaba cishi ca bamulunyungu lwakwe Josefu.

Boomboloshi 11:23

“Lyalo Mwaami Lesa, Lesa wa bene Isilaeli wakatanda bene Amoli kwaamba ayi bantu bakwe babwese cishi cabo. Ono webo inga twakupetanshi cishi ico?