Matalikilo 46:1 - Baibo Busansulushi Bwa Libuku Ili

¹ Jakobo wakalongela shoonse nshaakalinga kucite. Lyalo wakaya kuBiyasheba uko nkwaakaya mukubenga mulambu kuli Lesa wakwe Isaki, ishi.

Matalikilo 46:1 Marejeleo ya Msalaba

Matalikilo 12:8

Kuswawaawo wakatuntuluka kuya kumalenge kucishi ca tulundu, kwicwe lya ndabala ya Betelo akuyaka misumba yakwe pakati ka ndabala ya Betelo yalo kaili kumbo, aya Aayi yalo kaili kwicwe. Kulya akwalo wakayaka cipaililo akulambila Mwaami Lesa.

Matalikilo 21:14

Ndibwakaca, Abulaamu wakapa Aga shakulya ankomwi ya cipaya keeswite maanshi. Mpeeke wakabwesa mwaana wamubelekesha akumwaambila ayi anooya. Aga wakanyamuka kaaya ceendaanabo muluyanga lwa Biyasheba.

Matalikilo 21:31

Aboobo musena uyo wakatumbwa ayi Biyasheba, ceebo mpobakapangila cipangano abo bobilo.

Matalikilo 21:33

Lyalo Abulaamu wakashanga mubanga muBiyasheba akulambila Mwaami Lesa wamuyayaya.

Matalikilo 22:13

Abulaamu ndyaakacebooka wakabona mbelele isankwa keecatitwe meeca mutusamu. Wakaya waibwesa akwiibenga mbuli mulambu wakutenta kuleka mwanaakwe.

Matalikilo 28:10

Jakobo wakanyamuka kuswa kuBiyasheba kuya kuAlani.

Matalikilo 28:13

Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

Matalikilo 31:53

Lesa wakwe Abulaamu alimwi aNawoli ulaakoombolosha pakati kesu.” Lyalo muliina lyakwe Lesa uyo Isaki, ishi ngwaakalinga kulambila, Jakobo wakashomesha cakulumbila ayi ulaakulama cipangano ici.

Matalikilo 33:20

Wakayakaawo cipaililo akucitumba ayi Eli, liina lyakwe Lesa wa bene Isilaeli.

Matalikilo 35:3

Tutooswaako kuno akuya kuBetelo uko nkweshi nkayakile Lesa cipaililo, uyo wakancafwa muciindi ca makatasho alimwi uyo wakalinga anebo kuli koonse nkondakaya.”

Matalikilo 35:7

Wakayaka cipaililo uko akutumba musena uyo liina lya Lesa wa kuBetelo, mukwiinga apo peenka Lesa wakaliyubulula kuli nguwe ndyaakalinga kucica mukwabo.

Matalikilo 4:4

Mpeeke Abelo wakaleta twana twa mbelele tutaanshi kushalwa kushaakwe shimwi, watucaya akubenga mulambu wa shipansha shibotu sha ntuto kuli Lesa. Mwaami Lesa wakamukondwa Abelo akutambula mulambu wakwe.

Matalikilo 45:28

Lyalo wakaamba ayi, “Ono ndashooma, ncakwiila mwanaangu Josefu ucili muumi! Ndaakuya nkamuboneewo kaantana kufwa.”

Matalikilo 8:20

Nowa wakayakila Mwaami Lesa cipaililo. Mpeeke pabanyama abayuni basalalite kweelana aMilawo, wakabwesa womwi womwi akubatenta pacipaililo bakabumbulu ayi ngumulambu kuli Lesa.

Jobo 1:5

Ono kwakalinga nkwishibila kwakwe Jobo kwaamba ayi na kusekelela kwamana, lakwe macuunsacuunsa wakalinga kubengela mwanaakwe womwi awomwi mulambu wakutenta mukumusalasha. Wakalinga kucita boobo mukwiinga wakalinga kuyeeya ayi, “Cimwi ciindi bana bangu bakabisha akushingana Lesa cakuteshiba.”

Jobo 42:8

Paceebo ceeci kamuya kuli Jobo musebenshi wangu mutolelele bacende bosanwe abobilo ambelele shisankwa shosanwe ashobilo kwaamba ayi mukalibengele mulambu wakutenta. Jobo utoomupaililako, anebo ntootambula mupailo wakwe kwaamba ayi ntamupi mulandu kweelana abuluya bwanu. Mwebo tamukwe kwaamba makani a lushinisho pali ndime mbuli bwakacita musebenshi wangu Jobo.”

Amosi 7:9

Misena bamulunyungu lwakwe Isaki njebakalinga kulambililaako ilaakunyonyoolwa. Misena isalalite ya bene Isilaeli, ilaakuba matongo. Ndaakulengesha bulelo bwa mwaami Jeloboamu kumana kunkondo.”

Milimo ya Batumwi 7:15

Mpeeke Jakobo wakaya kuIjipiti, uko lakwe abamashali besu bakulukulu nkobakaya mukufwita.

Joshuwa 24:4

Isaki ndakamupa Jakobo aEsau. Esau ndakamupa cishi ca tulundu ca Edomu, sombi Jakobo mushali wanu mukulukulu wakaya kuIjipiti abana bakwe.

1 Samwelo 3:20

Mpeeke bantu boonse mucishi ca Isilaeli, kuswa kuDani tibili akuBiyasheba bakeshiba ayi Samwelo ncakwiila ngumulaluki wa Mwaami Lesa.

1 Samwelo 8:2

Munene bantu wakalinga kwiitwa ayi Jowelo, mwanike bantu kaali Abija. Bakalinga boomboloshi muBiyasheba.