Matalikilo 45:21 - Baibo Busansulushi Bwa Libuku Ili

²¹ Bana bakwe Jakobo abo bakacita bweenka mbobakalwiitikwa. Josefu wakabapa shikoci kweelana abwakaamba mwaami Falawo. Wakabapa ashakulya ayi banooya cilya mulweendo.

Matalikilo 45:21 Marejeleo ya Msalaba

Matalikilo 45:19

Anu baambile babwesele limwi ashikoci kuno kuIjipiti kwaamba ayi bamakaabo, bana babo alimwi abaishiwabo bakeendeleemo.

Matalikilo 45:20

Batakalisukami akushiya shintu shabo shimwi. Shintu shiindaawo kubota mucishi coonse ca Ijipiti shilaakuba shabo.”

Matalikilo 45:27

Nacibi boobo, ndibakamulwiita makani oonse Josefu ngaakabaambila, alimwi ndyaakabona shikoci Josefu nshaakatuma ayi beendeleemo, maano akaboolaamo.

Matalikilo 46:5

Jakobo wakanyamuka kuswa kuBiyasheba. Bana bakwe basankwa bakatantika Jakobo, bana babo baniininiini alimwi abamakaabo mushikoci shakatuma mwaami wa Ijipiti.

2 Makani 35:16

Aboobo paciindi ico mulimo woonse wa Mwaami Lesa wakacitwa, nkokwaamba ayi bakasekelela bushiku bwa Pasika bwakwiibaluka kusotokela. Bakabenga milambu yakutenta pacipaililo ca Mwaami Lesa bweenka mwaami Josiya mbwaakalasha.

2 Makani 8:13

Wakabenga milambu yakutenta iyo kweelana aMilawo yakwe Mose yakubenga nshiku shakookesha sha Cibelu, bushiku bwa Mweenshi Upya anshiiku shimwi shakusekelela sha pamwaaka amwaaka mbuli bushiku bwakusekelela kulya Cimaande, bushiku bwakusekelela Kutebula alimwi abushiku bwakusekelela kwa Shimpaka.

Kulonga 17:1

Mpomunyaawo bene Isilaeli boonse bakaswa muluyanga lwiitwa ayi Sini, kabaya bweenda kuswa kumusena umwi akuya kumwi, kweelana ambwaakalinga kubalwiita Mwaami Lesa. Ndibakashika kuLefidimu, bakayaka misumba sombi tekwakalinga maanshi akunwa.

Shikushimikila 8:2

Kamunyumfwila caamba mwaami mukwiinga wakashomesha cakulumbila kunembo lyakwe Lesa ayi ulaakunoocita boobo.

Malilo 1:18

“Mwaami Lesa uliluleme nakubi kwaamba ayi ndakaashukila milawo yakwe. Amunyumfwe mwebo noonse nobantu. Amunaange, mubone mapensho angu. Bacikula bwangu abamyooye bangu batolwa mubusha.

Esekelo 23:24

Balaakwisa mukukulwana kuswa kumatwa ashikoci sha nkondo, shikocibo alimwi amulongo wa bantu. Balaakwiimikana mumisena yabo ya nkondo kumbasu shoonse kabacite mayawo anene aaniini alimwi ashimpoompo. Ndaakukwaaba mumaansaabo kwaamba ayi bakupe mulandu kweelana amilawo yabo.

Shakubelenga 3:16

Aboobo Mose wakababelenga, bweenka bwakamwaambila Mwaami Lesa.