Matalikilo 35:16 - Baibo Busansulushi Bwa Libuku Ili

¹⁶ Ono Jakobo abamuŋanda yakwe bakaswaako kuBetelo. Sombi ndibakashika kufwaafwi aEfulati, Lakelo mumala mwakabuka. Ono cakashupa kutumbuka.

Matalikilo 35:16 Marejeleo ya Msalaba

Matalikilo 3:16

Mpeeke wakaambila mwanakashi ayi, “Ndaakulengesha ayi paciindi wakunooba pakati mapensho ako akafuule. Ulaakunoonyumfwa kucisa abuumbi pakutumbuka. Nacibi boobo unanoosunibo ibayo alimwi ngweshi anookweendelesha.”

Matalikilo 35:19

Lakelo ndyaakafwa, bakamubika mweela nshila iya kuEfulati uko bulya kwiitwa ayi Betileemu.

Matalikilo 48:7

Ici ntoocicita ceebo ca banyoko baLakelo. Ndakaba abuumba bunene abuumbi ndibakafwa muKenani, pafwaafwi aEfulati, ndindakalinga kuswa kuMesopotamya. Ndakababika kweenka kulya munshaanshila iya kuEfulati.” Efulati bulya iletwa ayi Betileemu.

2 Baami 5:19

Elisha wakaamba ayi, “Koya muluumuno.” Alakwe Naamani wakaya. Naamani ndyaakeendakobo mushinso ufwaafwi,

1 Makani 2:19

Lyalo Asuba ndyaakafwa, Kalebu wakeeba Efulati uyo wakamushalila mwaana musankwa, Ulu.

Kulumbaisha 132:6

Twakanyumfwa shaLibokoshi lya Cipangano muEfulata. Twakalicana mumyuunda ya ndabala ya Jeyalimu.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Mateyo 2:1

Jesu wakashalilwa mundabala ya Betileemu mucishi ca Judeya, munshiku isho Elodi ndyaakalinga mwaami wa mucishi ico. Ndyaakashalwabo, bantu basongo bakaswa kwicwe bakashika muJelusalemu akwiipusha ayi,

Mateyo 2:16

Ono Elodi ndyaakabona ayi bamwiinda kumaano bantu balya basongo, wakakalala abuumbi. Lyalo wakatuma bantu ayi baye bakacaye baana basankwa boonse muBetileemu alimwi amumisena yakalinga kushingulukite, abo bakalinga kucite myaaka yobilo kuboola panshi. Wakapima myaaka iyo kweelana aciindi nceyakaboneka nyenyeenshi mbuli mbobakamulwiita basongo.

Mateyo 2:18

“Liswi lyanyumfwika muLama, kooloma kwa mibila. Lakelo utoolila bana bakwe, wakaka akuumushikwa mukwiinga bafwa.”

1 Timoti 2:15

Sombi mwanakashi ulaakupulushikwa kwiinda mukushala baana, na watolelela kushoma, kuba alusuno, kunoosalalite alimwi akulibombya.

Lute 4:11

Bamaloba abamwi boonse bakalinga kumwinjililo wa ndabala bakaamba ayi, “Ee tuli bakamboni. Mwaami Lesa aalengeshe bakaako kuba mbuli Lakelo aLeya, abo bakashalila Jakobo baana baanji. Aakulengeshe kubila mucipani cakwe Efulati akupuka muno muBetileemu.

1 Samwelo 10:2

Waswa kokuno sunu, utookumanya basankwa bobilo pafwaafwi acuumbwe cakwe Lakelo kuSelusa mucishi cakwe Benjameni. Basankwa abo batookulwiita ayi mbongolo nshemwakalinga kulangoola shacanika. Aboobo baiso bacileka kulisukama pambongolo, sombi balilisukemebo pali ndiwe. Balicitekobo kuliipusha ayi, ‘Anu ntoocita buyani pamwanaangu.’

1 Samwelo 4:20

Ndyaakalinga kuya citula moyo balutundu bakalinga kumutumbusha bakamulwiita ayi, “Yumya moyo! Watumbuka mwaana musankwa!” Sombi taakwe kubikaako amaano alimwi taakwe kukumbulaawo.