Matalikilo 35:11 - Baibo Busansulushi Bwa Libuku Ili

¹¹ Lyalo Lesa wakaamba ayi, “Ndime Lesa Shinkusu shoonse. Koba abaana baanji. Mishobo iinji ilaakuswa mulunyungu lwako alimwi ulaakuba mushali wa bamaami.

Matalikilo 35:11 Marejeleo ya Msalaba

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 13:16

Ndaakukupa baana baanji cakwaamba ayi taaku eshi akakonshe kubabelenga. Nkokwaamba ayi na muntu wakonsha kubelenga museese, inga wakonsha kubelenga abamulunyungu lwako.

Matalikilo 15:5

Mwaami Lesa wakatola Abulamu pansengwe akwaamba ayi, “Langilisha mwiculu alimwi weeleshe kubelenga nyenyeenshi. Ncakwiila ulaakuba abamulunyungu lwako baanji anga ninyenyeenshi.”

Matalikilo 17:1

Abulamu ndyaakaba amyaaka ili 99, Mwaami Lesa wakaboneka kuli nguwe akwaamba ayi, “Ndime Lesa Shinkusu shoonse. Nyumfwile alimwi kocita shiluleme lyoonse.

Matalikilo 17:16

Ndaakumupa coolwe alimwi ndaakukupa mwaana kwiinda muli nguwe. Ndaakumupa coolwe, alimwi ulaakuba mushali mwanakashi wa mishobo iinji. Pakati ka bamulunyungu lwakwe palaakuba abamaami.”

Matalikilo 17:4

“Cipangano cangu nceeci. Ndashomesha kwaamba ayi ulaakuba mushali mukulukulu wa mishobo iinji.

Matalikilo 18:14

Sa kuliiwo ciyumu kuMwaami Lesa? Ono bweenka mbondaambaawo kale ayi ndaakwisa kuli ndiwe paciindi ceelete mwakali alimwi Saala ulaakushala mwaana musankwa.”

Matalikilo 18:18

Bamulunyungu lwakwe balaakuba mushobo unene wiindaawo, alimwi nkwiinda muli nguwe mweshi nkapete coolwe mishobo yoonse.

Matalikilo 22:17

Ndashomesha ayi ndaakukupa bamulunyungu lwako baanji anga ninyenyeenshi mwiculu nabi museese wa muloombe lwa lweenge. Bamulunyungu lwako balaakukoma beshinkondonyinaabo.

Matalikilo 28:14

Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.

Matalikilo 32:12

Amwiibaluke kwaamba ayi mwakandasha ayi mulaakunyenshela shintu shoonse kabotu akumpa bamulunyungu abo muntu mbaatakoonshi kubelenga, nkokwaamba ayi baanji anga ngumuseese wa muloombe lwa lweenge.”

Matalikilo 36:31

Meena a baami bakeendelesha cishi ca Edomu mukubalana, mucishi ca Isilaeli kamutana kuba mwaami nabi womwi, ngaaya.

Matalikilo 43:14

Lesa Shinkusu shoonse aalengeshe mweendeleshi uyo kuba ankuumbu kwaamba ayi amuboosheshe Benjameni amukwabanu umwi. Ono kuli ndime, na citokwaamba kusowekelwa baana, akube mbweeke ubo.”

Matalikilo 46:3

Lyalo Lesa wakaamba ayi, “Ndime Lesa, Lesa wa baiso, utaloondi kuya kuIjipiti. Bamulunyungu lwako ndaakubalengesha kuba mishobo inene uko kweenka.

Matalikilo 47:27

Bene Isilaeli bakekala mucishi ca Ijipiti mumusena wa Gosheni uko nkobakabilila akuba abaana baanji.

Matalikilo 9:1

Lesa wakapa coolwe Nowa abana bakwe basankwa akwaamba ayi, “Amushale baana baanji kwaamba ayi bamulunyungu lwako bakekaale koonse koonse mucishi ca panshi.

Matalikilo 9:7

Ulyeelete kuba abaana baanji kwaamba ayi bamulunyungu lwako bakekaale koonse koonse mucishi ca panshi.”

1 Makani 16:16

Ulaakulama cipangano ncaakapanga aAbulaamu, kushomesha nkwaakalumbila kuli Isaki.

1 Makani 16:17

Cipangano ico wakacipanga aJakobo ayi ngumulawo, wakacipanga ayi ncamuyayaya kubene Isilaeli.

1 Makani 16:18

Wakaamba ayi, “Ndaakukupa cishi ca Kenani kwaamba ayi cikabe caako.”

Kulonga 1:7

Sombi bamulunyungu lwabo abo beetwa ayi bene Isilaeli bakashala baana baanji. Mpeeke bakafula abuumbi alimwi akuba ankusu, lyalo bakakumanabo cishi coonse.

Kulonga 2:24

alakwe wakabanyumfwa akwiibaluka cipangano cakwe kuli Abulaamu, Isaki alimwi aJakobo.

Kulonga 6:3

Ndakaboneka kuli Abulaamu, Isaki alimwi aJakobo ayi ndime Lesa Shinkusu shoonse. Sombi nshikwe kuliyubulula kuli mbabo ayi banshiibe liina lyakwaamba ayi Mwaami Lesa.

Bene Lefi 26:42

ndaakwiibaluka cipangano cangu capali Jakobo, Isaki alimwi aAbulaamu. Lyalo ndaakulasha kupa bantu bangu cishi kweelana ambondakabalasha kataanshi.

2 Bene Kolinto 6:18

Ndaakuba ishiwanu, amwebo mulaakuba bana bangu, basankwa abanakashi, Nebo neMwaami Lesa Shinkusu shoonse ndaamba.”