Matalikilo 31:53 - Baibo Busansulushi Bwa Libuku Ili

⁵³ Lesa wakwe Abulaamu alimwi aNawoli ulaakoombolosha pakati kesu.” Lyalo muliina lyakwe Lesa uyo Isaki, ishi ngwaakalinga kulambila, Jakobo wakashomesha cakulumbila ayi ulaakulama cipangano ici.

Matalikilo 31:53 Marejeleo ya Msalaba

Matalikilo 11:31

Tela wakanyamuka amwanaakwe musankwa Abulamu, Loti mushikulu wakwe uyo wakalinga mwanaakwe Alani, Salai mulokashi wakwe uyo wakalinga muka Abulamu, akuya kuKenani kuswa mundabala inene ya Ulu mucishi ca Babiloniya. Bakaya amukushika kuAlani uko nkobakaya mukwikala.

Matalikilo 14:22

Abulamu wakakumbula ayi, “Ndashinisha pameenso aMwaami Lesa wakwiculu Wiindaawo, mulengi wa liculu acishi ca panshi,

Matalikilo 16:5

Lyalo Salai wakaambila Abulamu ayi, “Ndimwe mwalengesha kwaamba ayi Aga ansebaanye. Nebo nemwiine ndime ndakamupa kuli ndimwe. Ono kuswabo mbwaakashibila ayi wamita, ulansebaanya. Ncibotu, Lesa mwiine aomboloshe akwishiba ululeme pali ndiswe sobilo, mwebo na nebo!”

Matalikilo 17:7

“Ndaakucita mbondashomesha kuli ndiwe akubamulunyungu lwako mumyaaka iinji itoosa kweelana ambocili ncipangano camuyayaya. Ndaakuba Lesa wako awa bamulunyungu lwako.

Matalikilo 28:13

Mwaami Lesa alakwe kaaimfwi palubasu lwakwe. Lyalo wakaamba ayi, “Ndime Mwaami Lesa, Lesa wakwe abulaamu aIsaki. Ndaakukupa cishi ici umo moobete akubamulunyungu lwako.

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

Matalikilo 31:52

Mulwi wa mabwe amwaandami wa ciibalusho shoonse shobilo nshiibalusho. Teshi nkasotokeewo mulwi uyu ayi nkalwaane awebo, alimwi awebo tooelete kusotokaawo libwe lya ciibalusho ili kwaamba ayi undwaane.

Matalikilo 47:31

Mpomunyaawo Jakobo wakaamba ayi, “Shomesha cakulumbila ayi ulaakucita ubo.” Josefu wakashomesha cakulumbila. Lyalo Jakobo wakalumba kaali pabulo bwakwe.

Kulonga 3:6

Nebo ndime Lesa wa bamashali bako bakulukulu. Ndime Lesa wakwe Abulaamu, Isaki alimwi aJakobo.” Mpeeke Mose wakalifweka pameenso ceebo wakaloonda kulangilisha Lesa.

Kulonga 5:21

Lyalo bantu aba bakaambila Mose aAloni ayi, “Mwaami Lesa wabona shoonse nshemwacita. Aboobo utoomupa mulandu ceebo mwalengesha ayi mwaami Falawo alimwi abacinenenene bakwe batupaate. Mwalengesha ayi bacane nshila yakutucailaawo.”

Dutolonomi 6:13

Mukanoolemeka Mwaami Lesa, Lesa wanu. Mukanoolambilabo nguwe eenka akunooshomesha shintu cakulumbila muliina lyakwe.

Joshuwa 24:2

Joshuwa wakaambila bantu boonse ayi, “Mwaami Lesa, Lesa wa bene Isilaeli waamba ayi, ‘Kalekale bamashali banu bakulukulu bakalinga kwikala kwitala lya Mulonga wa Yufuletisi kabalambila balesa bamwi. Womwi wa bamashali banu abo nguTela, ishi Abulaamu aNawoli.

Boomboloshi 11:27

Nebo nshikwe kukubishishaawo, sombi webo utoombishisha mukuyanda kundwana. Mwaami Lesa, moomboloshi, aaomboloshe akwishiba ulubite pakati ka bene Isilaeli abene Amoni.”

1 Samwelo 20:23

Ono pacikani webo anebo ncetwakapangana, ibaluka kwaamba ayi Mwaami Lesa ngokamboni pakati kesu lyoonse.”

1 Samwelo 24:12

Ncibotu, Mwaami Lesa oomboloshe pakati kanu anebo. Alimwi Mwaami Lesa aabooshe cishole pashilubo nshemwacita pali ndime, nakubi boobo nebo teshi nkamutyunkeewo nabibo munwe.