Matalikilo 31:24 - Baibo Busansulushi Bwa Libuku Ili

²⁴ Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”

Matalikilo 31:24 Marejeleo ya Msalaba

Matalikilo 20:3

Bumwi bushiku mashiku Lesa wakaboneka kuli nguwe muciloto akwaamba ayi “Utoofwa mukwiinga wabwesa mwanakashi uyu weebetwe kale.”

Matalikilo 20:6

Lyalo Lesa wakamwaambila muciloto ayi, “Ee ndishi kwaamba ayi ici wakacicita amiyeeyo iluleme. Aboobo ndakulama kwaamba ayi utabishi pameenso angu kwiinda mukumushika pamubili.

Matalikilo 24:50

Labani aBetiwelo bakakumbula ayi, “Ici caswa kuBaami baLesa, aboobo swebo taaku mbweenga twacicita ayi citabi boobo,

Matalikilo 28:5

Lyalo Isaki wakamuleka Jakobo waya kuMesopotamya kuli Labani, uyo wakalinga mwanaakwe Betiwelo mwine Alamiya, alimwi ngonandumi yakwe Labeka, banyina Jakobo aEsau.

Matalikilo 31:10

“Muciindi cakushalana ndakalota, ndakabona ayi bapeepe bakalinga kutanta bakalinga bamyuubimyuubi, bamabalamabala, alimwi abacisekeleli.

Matalikilo 31:11

Munjelo wakwe Lesa wakabandika anebo muciloto akwaamba ayi, ‘Jakobo!’ Lyalo ndakakumbula ayi, ‘Nkambo.’

Matalikilo 31:23

Wakabwesa bantu bakwe akukonkela Jakobo. Wakatola nsondo kaakonkelabo kushikila wamucana muGilyadi, cishi ca tulundu.

Matalikilo 31:25

Labani ndyaakeensha Jakobo, Jakobo wakalinga wayaka misumba yakwe mutulundu, alakwe Labani wakayakila nkomunya uko mucishi ca tulundu ca Gilyadi pantu pomwi abeshikamukowa bakwe.

Matalikilo 31:29

Ndicite nkusu shakukucisa, sombi Lesabo wa baiso ngowancenjesha mashiku ainda ayi ntakulengeshi boowa munshila ili yoonse.

Matalikilo 31:42

Necakalinga cakwaamba ayi Lesa wa bamashali bangu bakulukulu, Lesa wa baAbulaamu abaIsaki taakalinga anebo, naakwiinga mwakambooshaamo kale amaansabo. Sombi Lesa wabona mapensho angu anciito nshendakacita, aboobo mashiku ainda aya wamubonesha ayi taakondetweewo.”

Matalikilo 31:7

Ono bakancenjeeka akusandula malipilo angu mankanda likumi. Sombi Lesa taakwe kubasuminisha ayi banciise.

Matalikilo 40:5

Mashiku amwi kabali muntolongo umo, shikulama waini amunene wa beshikupanga shinkwa boonse bakaba ashiloto isho shakalinga kucite bupandulushi bupusene.

Matalikilo 41:1

Ndipakeenda myaaka yobilo, Falawo mwaami wa Ijipiti wakalota kaaimfwi munshaaMulonga wa Nailo,

2 Samwelo 13:22

Mpeeke Abusalomu wakapata Amunoni cakutaambooshanyaawo napaceyi ceebo cakusebaanya Tama nankashi yakwe.

1 Baami 3:5

Bushiku ubo Mwaami Lesa wakaboneka kuli nguwe muciloto akumwiipusha ayi, “Nciinshi ncoosuni ayi nkupe?”

Jobo 33:25

Lyalo mubili wakwe ulaboolabo mbuli mwaana muniini. Ndushinisho ulaba ankusu akuyuma nta mbuli cikula bwangu.

Isaya 37:29

Ono ceebo cakwaamba ayi wancobola alimwi ndanyuumfwa shakubula bulemu kwako, ntoobika ndobo munshono yako alimwi anshimbi yangu mukanwa mwako. Lyalo ndaakukulengesha kuboola kumishaanu anshila yeenka njewakesitaamo.’ ”

Osiya 12:12

Jakobo wakacicila kucishi ca Silya. Isilaeli wakasebensa kwaamba ayi eebe mukaakwe. Ee, kwaamba ayi amulipilile, wakeembela mbelele.

Shakubelenga 12:6

Lyalo Mwaami Lesa wakaamba ayi, “Ono amunyumfwe nceshi ŋambe! Na pali mulaluki pakati kanu, ndaliyubulula kuli nguwe kwiinda mushili anga nshiloto alimwi akwaambaakwe mushiloto.

Shakubelenga 22:20

Pabushiku ubo mashiku, Lesa wakesa kuli Balaamu akumwaambila ayi, “Na basankwa aba besa mukukwiita, libambile uyaabo, sombi ucitebo ceenka nceshi nkulwiite.”

Shakubelenga 22:26

Munjelo wakaswaawo apo akuya mukwiimikana panembo. Lyalo wakeemikana pamusena uniini, patakalinga musena wakupambukilaawo kumbasu shoonse shobilo.

Shakubelenga 24:13

nabi wampa silifa alimwi agolodi yoonse ili muŋanda yakubwalo, inga nshikaki kukonkela mulawo wa Mwaami Lesa kwiinda mukucita nceensuni nemwiine. Nebo ndaakwaambabo ceenka Mwaami Lesa nceshi akandwiite.”

Mateyo 1:20

Ndyaakalinga kuciyeeya cikani ici, munjelo wakwe Lesa wakaboneka kuli nguwe muciloto kaamba ayi, “Josefu, omwanaakwe Defedi, utaloondi kweeba Maliya, mukwiinga ulimitite lyankusu sha Mushimu Usalashi.

Mateyo 2:12

Lesa wakabacenjesha muciloto mashiku ayi batabooleli kuli Elodi, aboobo bakeenda nshila imwi pakuya kumishaabo.

Mateyo 27:19

Pilato ndyaakalinga kushiite pacuuna cakoombolosheshaawo, mukaakwe wakatumya maswi akwaamba ayi, “Mutaciti cintu nabi comwi pamuntu uyo utacite mulandu ceebo sunu mashiku ndapenshekwa abuumbi muciloto ceebo ca nguwe.”

Dutolonomi 26:5

Lyalo kunembo lya Mwaami Lesa, Lesa wanu mulaakunokwaamba ayi, ‘Mushali wangu mukulukulu wakalinga mwine Alamu shikwiingaila uyo wakatola bamuŋanda yakwe kucishi ca Ijipiti. Pakuya bakalingabo baniini, sombi bakafula akuba mushobo unene wa nkusu.