Matalikilo 29:25 - Baibo Busansulushi Bwa Libuku Ili

²⁵ Lyalo macuunsa Jakobo wakacana ayi nguLeya. Mpeeke wakaya kuli Labani akumwaambila ayi, “Ino mwancitilanshi bobulya? Nebo ndakasebensela Lakelo. Ino mwancenjeekelanshi?”

Matalikilo 29:25 Marejeleo ya Msalaba

Matalikilo 12:18

Lyalo Falawo wakatuma nkombe ayi Abulamu ese. Mpeeke wakamwiipusha ayi, “Nciinshi ncewakacita kuli ndime? Tookwe kundwiitilanshi ayi mwanakashi uyu ngumukaako?

Matalikilo 20:9

Lyalo Abimeleki wakeeta Abulaamu akumwiipusha ayi, “Nciinshi ncewacita kuli ndiswe? Ncibiibinshi ncendacita kuli ndiwe calengesha kwaamba ayi ulete malwesa pali ndime abulelo bwangu boonse? Kutabi muntu nabi womwi weshi akaciboosheewo ncewacita kuli ndime.”

Matalikilo 26:10

Abimeleki wakaamba ayi, “Ono nceciinshi ici ncewacita kuli ndiswe? Calinga cuubu womwi pabasankwa bangu koona amukaako ono naakwiinga ndiwe walengesha kwaamba ayi tube amulandu.”

Matalikilo 29:16

Ono Labani wakalinga kucite baana banakashi bobilo. Munenebantu wakalinga kwiitwa ayi Leya, mwanikebantu kaali Lakelo.

Matalikilo 29:24

Labani wakapa Leya musha wakwe mwanakashi wiitwa ayi Silipa ayi abe mulandakashi wakwe.

Matalikilo 29:26

Labani wakakumbula ayi, “Cilatonda kuno kweebesha mwanikebantu, munenebantu kaatana kweebwa.

Matalikilo 31:26

Labani wakaambila Jakobo ayi, “Ino wanyindilanshi kumaano cakubwesa bana bangu anga mbantu bacatwa munkondo?

Matalikilo 31:7

Ono bakancenjeeka akusandula malipilo angu mankanda likumi. Sombi Lesa taakwe kubasuminisha ayi banciise.

Tushimpi 11:31

Ono na baluleme balalambulwa kweelana ambobeelete pacishi ca panshi cino, ino kubantu bateshi Lesa abamucita shibi cilaakweela kuli?

Mateyo 7:12

“Nkokwaamba ayi mushintu shoonse amucitile bantu bamwi bweenka mbomusuni ayi bamucitile. Anu uku nkokwiisha kwa Milawo yakwe Mose alimwi akwiisha kwa balaluki bakulukulu.

Mateyo 7:2

Mukwiinga ubo bweenka mbomoombolosha bamwi alakwe Lesa mbweshi akamoomboloshe, amilawo njemusebensesha pakoombolosha bamwi, alakwe Lesa njeshi akasebenseshe pali ndimwe.

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

1 Bene Kolinto 3:13

Ono Bushiku bwakwisa kwakwe Klistu, milimo ya muntu ilaakuboneka patuba ceebo Bushiku ubo bulaakwiitondesha. Bushiku ubo bulaakwisa amulilo uyo weshi ukeeleshe kubota kwa milimo ya muntu womwi awomwi.

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.

Boomboloshi 1:7

Mpeeke Adonibeseki wakaamba ayi, “Ndakasutula shikumo shinene sha kumaansa akumyeendo sha bamaami bali makumi osanwe aobilo abo mbondakaambila kunoobweselela busekele panshi lya tebulu lyangu. Ono Lesa wambooshesha cishole.” Kuswawaawo bakamutola kuJelusalemu uko nkwaakaya mukufwita.

Lute 4:11

Bamaloba abamwi boonse bakalinga kumwinjililo wa ndabala bakaamba ayi, “Ee tuli bakamboni. Mwaami Lesa aalengeshe bakaako kuba mbuli Lakelo aLeya, abo bakashalila Jakobo baana baanji. Aakulengeshe kubila mucipani cakwe Efulati akupuka muno muBetileemu.

1 Samwelo 28:12

Mwanakashi uyo ndyaakabona Samwelo, wakoolobesha kuli Saulo ayi, “Ono mwambecelanshi? Ndimwe baSaulo!”