Matalikilo 29:13 - Baibo Busansulushi Bwa Libuku Ili

¹³ Ndibakanyumfwa shamwiicwa wabo, Jakobo, bakacica kwaamba ayi baye bamwaanshe. Mpeeke bakamukumbata, bamufyonta akuya mukumwinjisha muŋanda. Jakobo ndyaakalwiita Labani shoonse shakacitika,

Matalikilo 29:13 Marejeleo ya Msalaba

Matalikilo 24:29

Labeka wakalinga kucite nandumi yakwe wakalinga kwiitwa ayi Labani. Lakwe wakacica kuswa muŋanda waya kumukalo uko kwakalinga musebenshi wakwe Abulaamu.

Matalikilo 24:31

akwaamba ayi, “Katiya kuŋanda. Webo uli musankwa wapekwa coolwe kuswa kuMwaami Lesa. Tookoonshi kunokwiimfwi kokuno. Nkocili kale cipinda cabambilwa ndiwe muŋanda yangu alimwi amusena wa ngamela shako nkooli.”

Matalikilo 24:32

Mpeeke wakenjila muŋanda, lyalo Labani wakaselusha shakalinga kuyumwite ngamela akushipa bwiisu bwakoonaawo ashakulya sha nshisho. Kuswawaawo wakaleta maanshi ayi musebenshi wakwe Abulaamu uyo abantu bakwe basambe kumyeendo.

Matalikilo 33:4

Nakubi boobo Esau lakwe wakacica akukumbata Jakobo alimwi akumufyonta. Boonse bobilo bakalinga kulila.

Matalikilo 45:15

Lyalo kaacilila buumpute wakakumbata bamakwabo boonse womwi awomwi akubafyonta. Mpeeke ndyaakamana kucita boobo bamakwabo bakatalika kwaambaakwe.

2 Samwelo 19:39

Kuswawaawo bantu boonse bakasubuka Mulonga wa Joodani, lyalo mwaami alakwe wakasubuka. Mpeeke mwaami wakafyonta Basilayi mukulashanya akumupa coolwe. Mpomunyaawo Basilayi wakaboolela kumishaabo.

Kulonga 18:7

Mose wakamucinsha. Ndibakakumana, Mose wakafukama akumufyonta. Kuswawaawo bakeepushanya mbuli mbobakalinga kubuka, akwinjila mumusumba wakwe Mose.

Kulonga 4:27

Paciindi ici, Mwaami Lesa wakalinga waambila Aloni ayi, “Koya muluyanga ucinshe Mose.” Mpeeke wakaya mukumukumanishisha pakalundu kasalalite. Ndyaakamukumanya, wakamufyonta mukumwaansha.

Luka 7:45

Webo tookwe kufyontaawo pakuŋansha, sombi lakwe kuswabo mbondeshita muŋanda taana kucilekaawo kufyonta shimpanta shangu.

Milimo ya Batumwi 20:37

Boonse bakalinga kulila ndibakalinga kumukumbata akumufyonta pakulashanya.

Bene Loma 16:16

Mwaanshanye calusuno lwancinencine. Bamushoonde shoonse shakwe Klistu, bamwaansha.

Bene Kolose 4:5

Bwikaalo bwanu pabantu batashomi muli Klistu abube bwa busongo alimwi mulyeelete kusebensesha kabotu ciindi cakushimikila Makani Abotu kuli mbabo.