Matalikilo 27:33 - Baibo Busansulushi Bwa Libuku Ili

³³ Lyalo Isaki wakatalika kututuma abuumbi. Mpeeke wakeepusha ayi, “Ono ngani wacaya nyama muluundu akwiileta kuli ndime? Ndiwapola apa ndindamanishabo kwiilya. Ndamupa coolwe cangu cakweelaako alimwi ncakwiila unanoolibo aco lyoonse alyoonse.”

Matalikilo 27:33 Marejeleo ya Msalaba

Matalikilo 25:23

Mwaami Lesa wakamwaambila ayi, “Mumala umo uliyumwite mishobo ya bantu yobilo Ulaakutumbuka bantu ba mishobo yobilo bapatene. Mushobo womwi ulaakunoocite nkusu kwiinda umwi, munenebantu ulaakunoosebensela mwanikebantu.”

Matalikilo 27:35

Isaki wakakumbula ayi, “Mukwanu nkwaalinga kuno akunyinda kumaano. Aboobo wabwesa coolwe cako.”

Matalikilo 28:1

Isaki wakeeta Jakobo, wamwaansha, akumwaambila ayi, “Utakeebi mwanakashi mwine Kenani.

Jobo 21:6

Ndeenjeeya shintu ishi shakancitikila ndaloonda, ndushinisho mubili wangu ulatutuma abuumbi.

Jobo 37:1

“Kukalooka uku kulalengesha moyo wangu kuswa cakwaamba ayi ulaakulunkunta abuumbi.

Kulumbaisha 55:5

Boowa akututuma shili pali ndime. Ncakwiila ndatentuka abuumbi kuboowa.

Shakubelenga 23:20

Nebo ndalwiitwa ayi mpe coolwe. Ono na Lesa wapa coolwe, nebo inga nshicisanduliiwo.

Joni 10:10

Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.

Bene Loma 11:29

Na Lesa wasala akupa coolwe muntu, taasanduki.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

Bene Ebulu 11:20

Ndushomo lwakalengesha ayi Isaki ashomeshe Jakobo alimwi aEsau, ndyaakabalwiitilisha ayi balaakutambula shoolwe kunembo.