Matalikilo 27:29 - Baibo Busansulushi Bwa Libuku Ili

²⁹ Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Matalikilo 27:29 Marejeleo ya Msalaba

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Matalikilo 25:33

Jakobo wakakumbula ayi, “Taanguna shomesha cakulumbila ayi utoompa bunenebantu bwako.” Esau wakashomesha cakulumbila akupa Jakobo bunenebantu bwakwe.

Matalikilo 27:30

Isaki ndyaakamanisha kumupa coolwe, Jakobo wakacita ingayi asweekobo kuli baishi, alakwe Esau nkupola kuswa mukufwima.

Matalikilo 27:37

Isaki wakakumbula Esau ayi, “Ndalengesha kale ayi abe mwaami wako, alimwi ayi boonse beshikamukowa bakwe babe basha bakwe. Ndamupa shili anga ngamaila awaini. Ono taaku cacaala nceshi nkupe, omwanaangu!”

Matalikilo 27:40

Ulaakunoocana buumi kwiinda mukusebensesha mupeeni, alimwi ulaakuba musha wa mukwanu. Sombi waakwaashuka, ulaakupatuka kuswa mubweendeleshi bwakwe.”

Matalikilo 37:10

Ndyaakalwiitaako abaishi ciloto ico, bakamukalalila akwaamba ayi, “Anu nciloto buyani acalo ico? Sa utoyeeya kwaamba ayi banyoko, bamakwanu anebo tulaakwisa mukukukotamina?”

Matalikilo 37:7

Soonse twalinga mumuunda katwaanga mile ya witi, mule wangu ndiwaliimika cakuteengashila. Mpeeke yaanu yashinguluka waangu akuukotamina.”

Matalikilo 9:27

Lesa aakomeneshe buleelo bwakwe Jafeti. Bamulunyungu lwakwe banookala abamulunyungu lwakwe Shemu, alimwi Kenani aabe musha wakwe.”

1 Baami 22:47

Cishi ca Edomu tecakalinga kucite mwaami. Cakalinga kulelwa amucafwi wakalinga kusalwa amwaami wa bene Juda.

1 Baami 4:21

Solomoni wakalinga kweendelesha shishi shoonse kuswa kuMulonga wa Yufuletisi kuya mukushika kucishi ca Filisitiya kumanyinsa a Ijipiti. Aba boonse bakalinga kusonkela kuli nguwe alimwi wakabeendelesha kwabuumi bwakwe boonse.

1 Makani 5:2

Nakubi kwaamba ayi mukowa wakwe Juda wakalinga wakaba ushinkusu kwiinda mikowa ya bamakwabo, nkusu sha bunenebantu shakapekwa kuli Josefu.

Kulumbaisha 72:8

Cishi cakwe acikaswe kulweenge lomwi tibili akulweenge lumwi. Acikaswe kuMulonga wa Yufuletisi tibili akupilila lisuba!

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 60:12

Ceebo bamucishi nabi mubulelo beshi bakabule kukusebensela, balaakuloba. Balaakunyonyoolwa cakumaninina.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Shakubelenga 23:8

Ino nebo inga ndashingana buyani abo Lesa mbwaatakwe kushingana? Ino nebo inga ndalamba buyani malwesa abo Mwaami Lesa mbwaatakwe kulamba?

Shakubelenga 24:18

Bene Edomu balaakukomwa bene Siya, balwani bakwe, abalo balaakukomwa sombi bene Isilaeli balaakutolelela kukoma.

Shakubelenga 24:9

Mushobo wabo uli anga ninkalamu icite nkusu, na ililete, taaku weelesha kwiibusha. Anu uyo woonse upa coolwe bene Isilaeli ulaakupekwa coolwe, alakwe uyo woonse ushingana bene Isilaeli, ulaakushinganwa.”

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Mateyo 25:45

Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”