Matalikilo 25:34 - Baibo Busansulushi Bwa Libuku Ili

³⁴ Lyalo Jakobo wakamupaawo shinkwa amusushi umwi. Wakalya, amanishe wakanyamuka, waya. Ubo Esau mbwaakakaka bunenebantu bwakwe.

Matalikilo 25:34 Marejeleo ya Msalaba

Matalikilo 25:29

Bumwi bushiku Jakobo ndyaakalinga kuteleka musushi wa cileemba, Esau wakapola kuswa mukufwima kaafwite nsala.

Matalikilo 25:33

Jakobo wakakumbula ayi, “Taanguna shomesha cakulumbila ayi utoompa bunenebantu bwako.” Esau wakashomesha cakulumbila akupa Jakobo bunenebantu bwakwe.

Matalikilo 26:1

Kwakaba aimwi nsala mucishi ico kuleka imwi yakataanguna muciindi cakwe Abulaamu. Isaki wakaya kuli Abimeleki, mwaami wa bene Filisiti, kuGela.

Matalikilo 27:32

Isaki wakeepusha ayi, “Ndiwaani?” Wakakumbula ayi, “Ndime Esau, mwanaanu wakwiiya.”

Kulumbaisha 106:24

Mpomunyaawo bakanyansha cishi ico cibotu abuumbi, mukwiinga tabakwe kushoma kushomesha kwakwe Lesa.

Shikushimikila 8:15

Anu bulya nebo ndashinisha kwaamba ayi muntu ulyeeletebo kusangalala mukwiinga taaku cibotu cicanika pano pacishi ca panshi kwiinda kulya, kunwa alimwi akusangalala. Na wacita boobo, ulaakunoosangalete mumilimo ya nshiku shoonse sha buumi bwakwe ubo Lesa mbwaakamupa pacishi ca panshi.

Isaya 22:13

Sombi amubone, kulibo kusangalala akusekelela, kucaya ŋombe ambelele! Ncakwiila kulibo kulya nyama akunwa waini! Batokwaamba ayi, “Atulitoolimwi akunwa ceebo ciilo tulaakufwa.”

Sekaliya 11:13

Mpomunyaawo Mwaami Lesa wakaŋambila ayi, “Waala maali ayo mucipinda cakusungilaamo buboni ca muŊanda yangu.” Lyalo ndakabwesa maali a silifa ali makumi otatwe ayo ngobakayeeyela ayi ngoonjelete kupekwa akwaawaala mucipinda ico.

Mateyo 22:5

Sombi abo bakatambwa tabakwe kubikaako amaano. Umwi wakaya kumuunda wakwe, alakwe umwi wakaya mukuulisha shintu shakwe.

Mateyo 26:15

akwiipusha ayi, “Ino inga mwampanshi na ndaaba Jesu kuli ndimwe?” Mpeeke bakabelenga maali asilifa ali makumi otatwe.

Milimo ya Batumwi 13:41

‘Amubone, mwebo nomucobola maswi akwe Lesa! Mulaakukankamana akufwitilila! Mukwiinga ndaakucita cintu munshiku shanu, ico nceshi mukabule kushoma, nabi muntu umwi akamusansulwite!’ ”

1 Bene Kolinto 15:32

Ono na ndakalwana abantu muEfeso abo bakalinga anga ninkalamu kwiindabo miyeeyo iswa kubantu, ingayi nebo mpindu yangu nciinshi? Sombi na taaku kubuka kwa bafu, anu nkucitabo bweenka bwaamba bantu ayi, “Atulye akunwa ceebo ciilo mabala tulaakufwa.”