Matalikilo 25:23 - Baibo Busansulushi Bwa Libuku Ili

²³ Mwaami Lesa wakamwaambila ayi, “Mumala umo uliyumwite mishobo ya bantu yobilo Ulaakutumbuka bantu ba mishobo yobilo bapatene. Mushobo womwi ulaakunoocite nkusu kwiinda umwi, munenebantu ulaakunoosebensela mwanikebantu.”

Matalikilo 25:23 Marejeleo ya Msalaba

Matalikilo 17:16

Ndaakumupa coolwe alimwi ndaakukupa mwaana kwiinda muli nguwe. Ndaakumupa coolwe, alimwi ulaakuba mushali mwanakashi wa mishobo iinji. Pakati ka bamulunyungu lwakwe palaakuba abamaami.”

Matalikilo 17:4

“Cipangano cangu nceeci. Ndashomesha kwaamba ayi ulaakuba mushali mukulukulu wa mishobo iinji.

Matalikilo 24:60

Mpeeke bakapa coolwe Labeka mumaswi akwaamba ayi, “Onankashi yesu, koya ukashale shuulu ashuulu. Bana bako abakakonshe kukoma mandabala anene a balwani babo.”

Matalikilo 25:24

Ciindi ndicakashikila wakatumbuka baana bansankwa bobilo.

Matalikilo 25:27

Basankwa bobilo abo bakakula. Esau wakaba mufwimi ucibwene alimwi wakalinga kusunishi buumi bwakuya muluundu, sombi Jakobo wakalinga kuumwite abuumbi alimwi usuni kucanikabo paŋanda.

Matalikilo 27:29

Mishobo amishobo aikakusebensele abantu bapusenepusene bakakufukamine. Buleli bwa beshikamukowa bako abukabe kuli ndiwe, alimwi bamulunyungu lwa banyoko abakakufukamine. Aakashinganwe uyo woonse weshi akakushingane. Aakapekwe coolwe uyo woonse weshi akakupe coolwe.”

Matalikilo 27:33

Lyalo Isaki wakatalika kututuma abuumbi. Mpeeke wakeepusha ayi, “Ono ngani wacaya nyama muluundu akwiileta kuli ndime? Ndiwapola apa ndindamanishabo kwiilya. Ndamupa coolwe cangu cakweelaako alimwi ncakwiila unanoolibo aco lyoonse alyoonse.”

Matalikilo 27:37

Isaki wakakumbula Esau ayi, “Ndalengesha kale ayi abe mwaami wako, alimwi ayi boonse beshikamukowa bakwe babe basha bakwe. Ndamupa shili anga ngamaila awaini. Ono taaku cacaala nceshi nkupe, omwanaangu!”

Matalikilo 27:40

Ulaakunoocana buumi kwiinda mukusebensesha mupeeni, alimwi ulaakuba musha wa mukwanu. Sombi waakwaashuka, ulaakupatuka kuswa mubweendeleshi bwakwe.”

Matalikilo 32:6

Mbwaakatuma ndibakaboola kuli Jakobo, bakaamba ayi, “Twashika kubakwabanu baEsau alimwi bulya bali kale munshila kwaamba ayi bamukumanye. Banyamuka abasankwa bali myaanda yone.”

Matalikilo 33:3

Jakobo wakatanjila kunembo akufukama akushisha ciwa panshi mankanda osanwe aobilo kaaya kumukwabo.

Matalikilo 36:31

Meena a baami bakeendelesha cishi ca Edomu mukubalana, mucishi ca Isilaeli kamutana kuba mwaami nabi womwi, ngaaya.

Matalikilo 48:19

Sombi baishi bakakaka akwaamba ayi, “Ndishi omwanaangu, ndishi. Alakwe ulaakuba mushobo alimwi alakwe ulaakuba muntu ulemekwa. Nakubi boobo, mwanike wakwe ulaakwiindaawo alimwi bamulunyungu lwakwe balaakuba likoto lya mishobo.”

2 Samwelo 8:14

Mucishi cabo wakashiya wayakamo misumba ya bashilumamba. Mpeeke bene Edomu boonse bakaba basebenshi bakwe Defedi. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

1 Baami 22:47

Cishi ca Edomu tecakalinga kucite mwaami. Cakalinga kulelwa amucafwi wakalinga kusalwa amwaami wa bene Juda.

1 Makani 18:13

Mucishi cabo wakashiya wayakamo misumba ya bashilumamba. Mpeeke bene Edomu boonse bakaba basebenshi bakwe Defedi. Ncakwiila Mwaami Lesa wakalinga kulengesha Defedi kukoma kuli koonse nkweenga waya.

Obadiya 1:21

Beshikupulusha balaakutanta pakalundu ka Siyoni ayi bakeendeleshe bamumalundu a Esau. Mpeeke Mwaami Lesa mwiine ulaakuba Mwaami wabo.”

Shakubelenga 20:14

Kuswawaawo Mose wakatuma bantu kuswa kuKadeshi akuya kumwaami wa kuEdomu akwaamba ayi, “Makani aya aswa kubamakwabanu, mikowa ya bene Isilaeli. Mwebo mulishi makatasho ngotwakalingaamo,

Dutolonomi 2:4

Mpeeke wakandwiita ayi mupe milasho iyi yakwaamba ayi, ‘Muli pafwaafwi kwiinda mucishi ca bamakwabanu, bamulunyungu lwakwe Esau abo bali muEdomu. Batoomuloonda, sombi mucenjele.

Dutolonomi 2:8

“Aboobo twakatolelela kweenda akupambuka nshila iswa kundabala ya Elati aEsiongeba kuya kuLweenge lwa Mwiinyo. Lyalo twakalanga kwicwe lya kumatwa akutola nshila ya muluyanga iya kuMoabu.

1 Samwelo 17:14

Mwanike paboonse wakalinga Defedi. Ono bamanene botatwe abo mbobakaya aSaulo kunkondo,