Matalikilo 25:21 - Baibo Busansulushi Bwa Libuku Ili

²¹ Labeka taakalinga kukonsha kushala, aboobo Isaki wakamupaililaako kuMwaami Lesa. Lesa alakwe wakakumbula mupailo wakwe lyalo wakamita.

Matalikilo 25:21 Marejeleo ya Msalaba

Matalikilo 11:30

Salai taakalinga kushala.

Matalikilo 16:2

Aboobo wakaambila Abulamu ayi, “Mwaami Lesa wankasha kwaamba ayi mbe abaana. Kamuya mukumanebo amusha wangu. Mpashi inga wanshalilaako baana.” Abulamu wakasumina cakaamba Salai.

Matalikilo 30:22

Mpomunyaawo Lesa wakeebaluka Lakelo akukumbula mupailo wakwe. Mpeeke wakamulengesha kukonsha kuba abaana.

1 Makani 5:20

Bantu aba bakalinga kucinkite manungo muli Lesa, aboobo bakapaila kuli nguwe ayi abacaafwe. Lesa wakabacafwa akubalengesha kukoma bene Agi abaabo mbobakalinga kucafwanaabo.

2 Makani 33:13

Lyalo Mwaami Lesa wakanyumfwa kusenga kwakwe Manase akumuleka ayi aboolele kuJelusalemu kuya mukulela alimwi. Ici cakabonesha mwaami Manase ayi Mwaami Lesa nguLesa wancinencine.

Esila 8:23

Aboobo twakalikasha kulya akusenga Lesa wesu pamakani aya, alakwe wakakumbula mipailo yesu.

Kulumbaisha 127:3

Baana ncipo kuswa kuMwaami Lesa, ncakwiila ncilambu ncaatupa.

Kulumbaisha 145:19

Abo bamulemeka ulabapa shoonse nshebasuni. Ulanyumfwa kulila kwabo akubafuna.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 65:2

Mwebo ndimwe mukumbula mipailo. Aboobo boonse balaakwisa kuli ndimwe.

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Tushimpi 10:24

Bamucita shibi balapekwa shintu isho nshebaloonda, sombi baluleme balatambula shoonse nshebasuni.

Isaya 45:11

Ono Mwaami Lesa, Lesa Usalalite wa bene Isilaeli uyo wakababumba waamba ayi, “Sa inga mwanjipusha shabana bangu nabi kundwiita nceenjelete kucita?

Isaya 58:9

Lyalo mwaakupaila, nebo neMwaami Lesa ndaakumukumbula. Mwaakusenga lucafwo nebo ndaakumucafwa. “Ndushinisho mwaakumanisha shakulyatililana, shakutondekana minwe amyaambo ya mfundilishi,

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

Luka 1:13

Sombi munjelo uyo wakamwaambila ayi, “Utaloondi Sekaliya, Lesa wanyumfwa kupaila kwako, aboobo mukaako Lisabeti ulaakushala mwaana musankwa uyo ngweshi ukatumbe ayi Joni.

Luka 1:7

Sombi tebakalinga kucitewo mwaana mukwiinga Lisabeti taakalinga kushala alimwi baalinga bacembela.

1 Samwelo 1:11

Mpeeke wakashomesha cakulumbila ayi, “NoBaami baLesa Beshinkusu shoonse, amumboone nemusebenshi wanu! Amulangishishe mapensho angu akunyumfwila nkumbu! Mutamfutatili! Na mwampa mwaana musankwa, ndashomesha ayi ndaakumupa kuli ndimwe kwa buumi bwakwe boonse alimwi ayi teshi akaceseewo misusu yakwe.”

1 Samwelo 1:17

Eli wakaamba ayi, “Koya muluumuno alimwi Lesa wa bene Isilaeli aakupe ncewamusenga.”

1 Samwelo 1:2

Elikana wakalinga kupalikite banakashi bobilo, Aana aPenina. Penina wakashala baana, sombi Aana taakalinga kuciteewo nabibo womwi.

1 Samwelo 1:27

Ndakasenga mwaana uyu kuswa kuMwaami Lesa. Mpeeke wakakumbula kusenga kwangu.