Matalikilo 25:20 - Baibo Busansulushi Bwa Libuku Ili

²⁰ Isaki wakalinga kucite myaaka ili 40 ndyaakeeba Labeka mwanaakwe Betiwelo uyo wakalinga mwine Alamiya kuswa kuMesopotamya, alimwi nankashi yakwe Labani.

Matalikilo 25:20 Marejeleo ya Msalaba

Matalikilo 22:23

Betiwelo ngowakalinga ishi Labeka. Milika ngowakashala baana aba bali bosanwe abotatwe kuli Nawoli mukwabo Abulaamu.

Matalikilo 24:15

Kaatana kumanisha kupaila Labeka wakapola anongo pacifushi. Wakalinga mwanaakwe Betiwelo uyo wakalinga mwanaakwe Milika mukaakwe Nawoli, mukwabo Abulaamu.

Matalikilo 24:29

Labeka wakalinga kucite nandumi yakwe wakalinga kwiitwa ayi Labani. Lakwe wakacica kuswa muŋanda waya kumukalo uko kwakalinga musebenshi wakwe Abulaamu.

Matalikilo 24:67

Mpeeke Isaki wakenjisha Labeka mutente yakalinga koonaamo Saala, banyina, lyalo wakamweeba. Isaki wakalinga kumusuni Labeka abuumbi, aboobo wakacileka kuyeeya banyina bakafwa.

Matalikilo 25:26

Wabili wakashalwa kaacatite cankusu kukashindi kakwe Esau. Paceebo ceeco wakatumbwa ayi Jakobo. Isaki wakalinga kucite myaaka ili 60 ndibakashalwa.

Matalikilo 27:43

Ono omwanaangu ucite nceshi nkwaambile. Unyamuke bulya uye kuli nandumi yangu Labani kuAlani.

Matalikilo 28:2

Sombi uye kuMesopotamya, kuŋanda ya bankambiyako baBetiwelo, ukeebele nkuko pakati ka bana babo bashimishaanu baLabani.

Matalikilo 28:7

Alimwi wakanyumfwa kwaamba ayi Jakobo wakanyumfwila baishi abanyina akuya kuMesopotamya.

Matalikilo 31:18

Lyalo shifubwa shoonse wakashibingila kunembo. Wakabwesa ashintu shimwi shoonse nshaakalinga wabaasho uko kuMesopotamya, akuboolela kuli Isaki, ishi, kucishi ca Kenani.

Matalikilo 31:20

Jakobo wakeenda Labani mwine Alamiya kumaano mukutamwishibisha ayi utooya lweendo.

Matalikilo 31:24

Mashiku ayo Lesa wakaambila Labani muciloto ayi, “Cenjela kwaamba ayi utalengeshi boowa Jakobo munshila ili yoonse.”

Matalikilo 33:18

Pakuboolela kuswa kuMesopotamya wakashikabo kabotu pandabala inene ya Shekemu mucishi ca Kenani akuyaka misumba mumuunda wakalinga pafwaafwi andabala inene iyo.

Matalikilo 35:26

Bana bakwe Silupa, musha wakwe Leya, nguGadi alimwi aAsha. Aba baana bakashalilwa kuMesopotamya.

Matalikilo 35:9

Jakobo ndyaakaboolela kuswa kuMesopotamya, Lesa wakaboneka alimwi kuli nguwe akumupa coolwe.

Matalikilo 46:15

Aba mbaana basankwa Jakobo mbwaakashalila muli Leya kabacili kuMesopotamya kuleka Daina mwanaakwe mwanakashi. Ono boonse pantu pomwi bamulunyungu lwakwe Jakobo muli Leya bakaba makumi otatwe abotatwe.

Luka 4:27

Mbweeke ubo kwakalinga bakalinga kuciswa manata baanji muIsilaeli munshiku shakwe Elisha mulaluki mukulukulu. Ono sombi Naamani wa kuSilya eenkabo ngowakasalashikwa akuba kabotu.”

Dutolonomi 26:5

Lyalo kunembo lya Mwaami Lesa, Lesa wanu mulaakunokwaamba ayi, ‘Mushali wangu mukulukulu wakalinga mwine Alamu shikwiingaila uyo wakatola bamuŋanda yakwe kucishi ca Ijipiti. Pakuya bakalingabo baniini, sombi bakafula akuba mushobo unene wa nkusu.