Matalikilo 25:18 - Baibo Busansulushi Bwa Libuku Ili

¹⁸ Bamulunyungu lwakwe Ishimaeli bakalinga kwikala mucishi cakalinga pakati ka Afila aShuwa kwicwe lya Ijipiti na utooya kuAsilya. Bakapansaana kwikala abamulunyungu lwakwe Abulaamu bamwi mukwiinga bakalinga kupatene.

Matalikilo 25:18 Marejeleo ya Msalaba

Matalikilo 10:29

Ofa, Afila alimwi aJobabi. Boonse bakalinga bamulunyungu lwakwe Jokutani.

Matalikilo 10:7

Bamulunyungu lwakwe Kushi bakalinga Seba, Afila, Sabita, Laama aSabiteka. Bamulunyungu lwakwe Laama bakalinga Seba alimwi aDedani.

Matalikilo 13:10

Loti wakalangalanga akubona kwaamba ayi cinyika coonse ca Joodani, kuyabo akuSowa, cakalinga kucite maanshi abuumbi, anga ngumuunda wa Mwaami Lesa nabi cishi ca Ijipiti. Ici cakalinga nciindi Mwaami Lesa kaatana kunyonyoola mandabala anene a Sodoma a Gomola.

Matalikilo 14:10

Cinyika cilya cakalinga kuswitebo shikaanda mwakalinga kuswa manenekela. Aboobo mwaami wa muSodoma awa muGomola na beelesha kucica nkondo bakalinga kuwita mushikaanda isho, sombi bamaami bamwi botatwe bakacicila kutulundu.

Matalikilo 16:12

Sombi mwanaako uyo ulaakunookala anga nimbongolo ya muluundu. Ulaakunoopatite bantu boonse, alakwe bantu boonse balaakunoomupatite. Ulaakunoopatitwe kubamakwabo boonse.”

Matalikilo 16:7

Ono munjelo wa Mwaami Lesa wakakumanya Aga pakantupu muluyanga, munshila iya kuSheli

Matalikilo 2:11

Utaanshi uleetwa ayi Pishoni alimwi ulakunka kushinguluka cishi coonse ca Afila.

Matalikilo 20:1

Abulaamu wakalonga kuMamule kuya kumalenge a Kenani akwikala pakati ka Kadeshi aSheli. Mukuya kwanshiku ndyaakalinga kwikala muGela,

Matalikilo 21:14

Ndibwakaca, Abulaamu wakapa Aga shakulya ankomwi ya cipaya keeswite maanshi. Mpeeke wakabwesa mwaana wamubelekesha akumwaambila ayi anooya. Aga wakanyamuka kaaya ceendaanabo muluyanga lwa Biyasheba.

Matalikilo 21:21

Banyina bakamweebela mwanakashi mwine Ijipiti.

2 Baami 23:29

Muciindi ca bwaami bwakwe Josiya, Neko mwaami wa bene Ijipiti wakaya abashilumamba bakwe kuMulonga wa Yufuletisi mukucafwa mwaami wa bene Asilya. Mwaami Josiya wakaya mukulwana bashilumamba bene Ijipiti kuMegido. Lyalo Josiya bakamucaya munkondo iyo.

1 Makani 1:23

Ofa, Afila alimwi aJobabi.

Kulumbaisha 78:64

Bapailishi babo bakabacaya amipeeni, bamukalubinje babo bakabakasha kulila.

Kulonga 15:22

Kuswawaawo Mose wakatanjilila bene Isilaeli kuswa kuLweenge Lusalala kuya muluyanga lwiitwa ayi Sheli. Bakeenda nshiku shotatwe muluyanga, sombi tabakwe kucanawo maanshi.

Esekelo 23:23

Ndaakuleta bene Babiloni, bene Kaludeya boonse, basankwa ba kuPekodi, Showa abene Kowa. Ndaakuleta basankwa babotu bene Asilya, nkokwaamba ayi beendeleshi, bamatanjilili ba bashilumamba, bacinenenene boonse alimwi abamatanjilili ba bashilumamba beshikulwanina pamaaki.

1 Samwelo 15:7

Saulo wakalwana bene Amaleki, kubakusha kuAfila tibili akuSheli kwicwe lya Ijipiti.