Matalikilo 24:48 - Baibo Busansulushi Bwa Libuku Ili

⁴⁸ Mpeeke ndafukama akulambila Mwaami Lesa. Ndalumbaisha Mwaami Lesa, Lesa wa baami bangu baAbulaamu, balengesha kwaamba ayi noolulemebo kushikamukowa wa baami bangu akucana mulokashi wabo kuli Isaki.

Matalikilo 24:48 Marejeleo ya Msalaba

Matalikilo 22:23

Betiwelo ngowakalinga ishi Labeka. Milika ngowakashala baana aba bali bosanwe abotatwe kuli Nawoli mukwabo Abulaamu.

Matalikilo 24:52

Musebenshi wakwe Abulaamu ndyaakanyumfwa mbobakakumbula, wakafukama akulambila Mwaami Lesa.

Esila 8:21

Ono kulya kuMulonga wa Aafa ndakapa mulawo wakwaamba ayi soonse tulikaashe kulya alimwi akuliceesha pameenso a Lesa wesu, kumusenga kututanjilila mulweendo lwesu alimwi akutufuna swebo abana besu pantu pomwi ashintu shesu shoonse.

Kulumbaisha 107:7

Ee, wakabatanjilila mumukwakwa ululeme, kuya kundabala iyo njeenga bekalaamo.

Kulumbaisha 32:8

Mwaami Lesa ulaamba ayi, ndanookwiisha mbobeelete kweenda, ndanookupandaako maano akukulama.

Kulumbaisha 48:14

Ceebo Lesa uyo ngoLesa wesu kwamuyayaya Ndushinisho ulaakunootutanjilila tibili akumeelelesho.

Kulonga 18:20

Ulyeelete kubeeisha milasho amilawo yakwe Lesa akubasansulwita mbuli mbobeelete kwikala alimwi anshebeelete kucita.

Tushimpi 4:11

Ndakutanjilila munshila sha busongo akukwiisha nshila shiluleme shakwikalilamo.

Isaya 48:17

Lesa Usalalite wa bene Isilaeli, Mwaami Lesa, Mupulushi wanu waamba ayi, “Ndime Mwaami Lesa, Lesa wanu, uyo umwiisha shintu sheelete kucafwa ndimwe nobeene. Ndamutanjilila munshila shibotu nshemweelete kukonkela.