Matalikilo 24:35 - Baibo Busansulushi Bwa Libuku Ili

³⁵ Mwaami Lesa wakabapa coolwe abuumbi baami bangu cakwaamba ayi babila. Wakabapa matanga a mbelele, mpongo alimwi aŋombe pantu pomwi asilifa, golodi, basha basankwa abanakashi, ngamela alimwi ambongolo.

Matalikilo 24:35 Marejeleo ya Msalaba

Matalikilo 12:16

Ceebo cakwe, mwaami uyo wakamulela kabotu Abulamu akumupa matanga a mbelele a mpongo, ŋombe ambongolo, basha alimwi angamela.

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Matalikilo 13:2

Abulamu wakalinga mubile abuumbi mubanyama bafubwa alimwi asilifa agolodi.

Matalikilo 24:1

Abulaamu wakacembela abuumbi alimwi Mwaami Lesa wakamupa coolwe mushintu shoonse nshaakalinga kucita.

Matalikilo 25:11

Abulaamu ndyaakafwa, Lesa wakapa coolwe abuumbi Isaki mwanaakwe, uyo wakalinga kwikala pafwaafwi aMukalo wa Wooyo Muumi Umbona.

Matalikilo 25:5

Ono Abulaamu wakashiya shoonse nshaakalinga kucite mumaansaakwe Isaki.

Matalikilo 30:43

Munshila iyi Jakobo wakabila abuumbi. Wakaba ambelele ampongo shiinji, basha baanji basankwa abanakashi, ngamela alimwi ambongolo shiinji.

Matalikilo 49:25

NguLesa wa baiso ukucafwa, Lesa Shinkusu shoonse ukupa shoolwe, shoolwe sha mfula kuswa kwiculu, alimwi asha maanshi aanji eshi kuswa panshi. Ulakupa shoolwe shakuba aŋombe shiinji alimwi abaana baanji,

Jobo 1:3

Jobo wakalinga kufubite mbelele shili 7,000, ngamela shili 3,000, shipani sha ŋombe shili 500, mbongolo shili 500 alimwi abasebenshi baanji. Wakalinga mubile abuumbi pabantu bamwi boonse ba kwicwe.

Kulumbaisha 107:38

Mwaami Lesa wakabapa coolwe cakwaamba ayi bakashalana. Ncakwiila taakwe kuleka ayi shifubwa shabo shiceye.

Kulumbaisha 112:3

Bamuŋanda yakwe balaakuba abuboni buunji, ndushinisho bamuŋanda yakwe balaakunooluleme lyoonse alyoonse.

Kulumbaisha 18:35

Nobaami baLesa, mwakampa lupulusho lwanu anga ndiyawo alimwi lucafwo lwanu lwanengesha kuba muntu wa bulemu.

Tushimpi 10:22

Coolwe ciswa kuMwaami Lesa ncecipa muntu kubila, alimwi milimo ya muntu uyo teekoonshi kwiilikaawo cili coonse.

Tushimpi 22:4

Kulibombya akuloonda Mwaami Lesa, nkokuletela bubile, bulemu abuumi bulaamfu.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Luka 12:45

Ono na musebenshi uyo waamba mumoyo wakwe ayi, ‘Mwaami wangu wacelwa kwisa,’ lyalo watalika kuuma basebenshinyina basankwa abanakashi alimwi akutalika kulya, kunwa akukolwa.

1 Timoti 4:8

Kwiisha mubili kuyuma kulacafwa paniini, sombi kwiisha kwikala kweelana akuyanda kwakwe Lesa kulacafwa munshila shoonse, ceebo kulalengesha kuba abuumi bubotu bulya alimwi aciindi citoosa.