Matalikilo 24:26 - Baibo Busansulushi Bwa Libuku Ili

²⁶ Mpomunyaawo musankwa uyo wakafukama akulambila Mwaami Lesa.

Matalikilo 24:26 Marejeleo ya Msalaba

Matalikilo 22:5

Mpeeke wakaambila basebenshi bakwe ayi, “Amucaale pano ambongolo. Nebo amwanaangu tutooyookulya mukulambila, tutooboola alimwi.”

Matalikilo 24:25

Kuli bwiisu bwakoonaawo buunji ashakulya sha banyama shiinji kuŋanda yesu alimwi musena wakwaamba ayi mwebo inga moona nkooli.”

Matalikilo 24:48

Mpeeke ndafukama akulambila Mwaami Lesa. Ndalumbaisha Mwaami Lesa, Lesa wa baami bangu baAbulaamu, balengesha kwaamba ayi noolulemebo kushikamukowa wa baami bangu akucana mulokashi wabo kuli Isaki.

Matalikilo 24:52

Musebenshi wakwe Abulaamu ndyaakanyumfwa mbobakakumbula, wakafukama akulambila Mwaami Lesa.

1 Makani 29:20

Kuswawaawo Defedi wakaambila bantu boonse ayi, “Amulumbaishe Mwaami Lesa, Lesa wanu!” Mpomunyaawo bantu boonse bakalumbaisha Mwaami Lesa, Lesa wa bamashali babo bakulukulu akufukama cakushisha shiwa panshi kunembo lya Mwaami Lesa alimwi amwaami wabo Defedi.

2 Makani 20:18

Mpomunyaawo mwaami Jeoshafati wakafukama cakushisha ciwa panshi. Abalo bantu boonse bakafukama akulambila Mwaami Lesa.

2 Makani 29:30

Lyalo mwaami Esekiya abamatanjilili bakwe bakaambila bene Lefi ayi balumbe Mwaami Lesa mumaswi akwe Defedi aakwe Asafu mulaluki. Mpomunyaawo bakeemba nyimbo shakulumbaisha cakusangalala kabafukeme alimwi kabalambila Lesa.

Neyemiya 8:6

Mpomunyaawo Esila wakaamba ayi, “Aalumbaishikwe Mwaami Lesa, Lesa munene!” Lyalo bantu boonse bakanyamuna maansaabo akukumbula ayi, “Ameni! Ameni!” Mpeeke bakafukama akulambila Mwaami Lesa cakushisha shiwa panshi.

Kulumbaisha 22:29

Balisumpula boonse balaakufukama pameenso akwe. Muntu woonse uboola kubulongo, ulaakufukama kunembo lyakwe. Nkokwaamba ayi uyo woonse weenga taalilamini buumi.

Kulumbaisha 66:4

Nsengwe yoonse ilalambila ndimwe, balamwiimbila nyimbo shakulumba. Ncakwiila baleemba nyimbo shakulumbaisha liina lyanu.”

Kulumbaisha 72:9

Bantu ba muluyanga balaakufukama kunembo lyakwe, balwani bakwe balaakumumyanguta mumyeendo yakwe.

Kulumbaisha 95:6

Kamwisa tumulambile cakushisha shiwa panshi. Atufukame pameenso a Mwaami Lesa uyo wakatulenga,

Kulonga 12:27

Mwebo mukabakumbule ayi, ‘Njimilambu ya pabushiku bwa Pasika bwakwiibaluka kusotokela mukulemeka Mwaami Lesa, ceebo mbobushiku mbwaakasotokela maandeesu mucishi ca Ijipiti. Wakacaya bene Ijipiti, sombi swebo sobwe.’ ” Mpeeke bene Isilaeli bakafukama, balambila.

Kulonga 34:8

Mpeeke Mose wakeendililabo kufukama cakushisha ciwa panshi akulambila.

Kulonga 4:31

Mpomunyaawo bakashoma. Ono ndibakanyumfwa ayi Mwaami Lesa wakesa akubona mbuli mbobakalinga kupenshekwa bunene, bakafukama akumulambila.

Mika 6:6

Ino nebo nciinshi nceshi ntole kuMwaami Lesa, Lesa wakwiculu pakuya mukufukama akulambila kunembo lyakwe? Sa ntole milambu yakutenta ya boombe bacite mwaaka womwi?

Bene Filipi 2:10

Aboobo ceebo ca bulemu bwa liina lyakwe Jesu, shoonse shilengwa sha kwiculu, sha pacishi ca panshi alimwi asheesho shili panshi lya cishi shilaakufukama kunembo lyakwe.

Boomboloshi 7:15

Ono Gidyoni ndyaakanyumfwa ciloto ico abupandulushi bwa ncico, wakalambila Lesa. Kuswawaawo wakaboolela kumisumba ya bene Isilaelinyina akubaambila ayi, “Amubuke! Mwaami Lesa waaba bene Midyani mumaansaanu!”

1 Samwelo 1:28

Aboobo ntoomubenga kuMwaami Lesa. Unanooli musebenshi wakwe Lesa lyoonsebo.” Mpomunyaawo bakalambila Mwaami Lesa apo.