Matalikilo 22:18 - Baibo Busansulushi Bwa Libuku Ili

¹⁸ Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 22:18 Marejeleo ya Msalaba

Matalikilo 12:2

Ndaakukupa bamulunyungu lwako baanji, alimwi balaakuba mushobo wiindaawo. Ndaakukupa coolwe akulengesha liina lyako kupuka ayi bantu bakabe acoolwe ceebo ca ndiwe.

Matalikilo 12:3

“Ndaakupa coolwe boonse abo bakupa coolwe, sombi ndaakushinganya boonse bakushinganya. Alimwi kwiinda muli ndiwe ndaakupa coolwe mishobo yoonse.”

Matalikilo 18:18

Bamulunyungu lwakwe balaakuba mushobo unene wiindaawo, alimwi nkwiinda muli nguwe mweshi nkapete coolwe mishobo yoonse.

Matalikilo 18:19

Ndamusala kwaamba ayi aambile bana bakwe abamulunyungu lwakwe ayi banyumfwile akucita shiluleme. Mukucita boobo, ndaakumucitila shoonse nshindakamulasha.”

Matalikilo 22:10

Mpomunyaawo wakabwesa cibeshi ayi amucaaye.

Matalikilo 22:3

Macuunsacuunsa bushiku bwakaboolaawo wakatimbula nkuni shakutentesha mulambu, watantika pambongolo yakwe akunyamuna Isaki pantu pomwi abasebenshi bobilo. Bakanyamuka akuya kumusena Lesa ngwaakamulwiita.

Matalikilo 28:14

Balaakufula anga ngumuseese pacishi ca panshi. Balaakukomenesha cishi mumbasu shoonse alimwi kwiinda muli ndiwe abamulunyungu lwako, ndaakupa coolwe mishobo yoonse.

Kulumbaisha 72:17

Liina lya mwaami alikakalilile, ee, likanooliikobo bweenka mbuli lisuba. Mishobo imwi yoonse aikalilile kupekwa shoolwe kuswa kuli Lesa, mbweeke mbwaakapa mwaami uyo.

Kulonga 7:6

Mpeeke Mose aAloni bakacita kweelana aMwaami Lesa bwakabalasha

Jelemiya 4:2

na kamulumbila cakushomeka, cabululami ee, cakubula kampenda ayi, ‘Bweenka mbocibete lushinisho ayi Mwaami Lesa ngumuumi,’ mishobo yoonse ilaakupekwa coolwe kuswa kuli ndime neMwaami Lesa. Ncakwiila boonse balaakunoosangalalila muli ndime.”

Jelemiya 7:23

Sombi ndakabapa amulawo wakwaamba ayi kabanyumfwila ingaawo nkabe Lesa wabo abalo bakabe bantu bangu. Beende munshila shangu isho nshendakaambila kwaamba ayi shintu shinoobeendela kabotu.

Mateyo 1:1

Jesu Klistu wakashalwa mulunyungu lwakwe Defedi aAbulaamu.

Milimo ya Batumwi 3:25

Shintu shoonse Lesa nshaakashomesha kwiinda mubalaluki bakulukulu nshanu ceebo muli bamucipangano ico Lesa ncaakacita abamashali banu bakulukulu kweelana ambwaakaambila Abulaamu ayi, ‘Kwiinda mulunyungu lwako ndaakupa coolwe bantu boonse ba mucishi ca panshi.’

Bene Loma 1:3

Makani Abotu aya alaamba shaMwanaakwe, Mwaami wesu Jesu Klistu, wakashalwa mulunyungu lwakwe Defedi mukushalwa kwabuntu.

Bene Galatiya 3:16

Anu Lesa wakashomesha Abulaamu shintu shimwi alimwi aumwi wamulunyungu lwakwe. Taakwe kwaamba ayi, “Bamulunyungu lwako” anga mbaanji, sombi ayi, “Wamulunyungu lwako” ceebo wakalinga kwaambabo muntu womwi, Klistu.

Bene Galatiya 3:18

Ono na Lesa ulapa muntu cipo ceebo wakakonkela Milawo, nkokwaamba ayi cipo ico tacipekwi ceebo Lesa wakatushomesha. Sombi Lesa wakapa Abulaamu coolwe ceebo wakamushomesha ayi ulaakumupa.

Bene Efeso 1:3

Atulumbe Lesa, baIshi Mwaami wesu Jesu Klistu! Mukwiinga kwiinda muli Klistu, wakatupa shoolwe sha mushimu shoonse shicanika mucishi ca kwiculu.

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.