Matalikilo 19:28 - Baibo Busansulushi Bwa Libuku Ili

²⁸ Wakalangilisha Sodoma aGomola aliwesa lyoonse. Mpeeke wakabona bwiishi kabusunta anga butooswa mumunyumbi unene.

Matalikilo 19:28 Marejeleo ya Msalaba

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Kulonga 19:18

Kalundu ka Sinayi koonse kakalinga kuswitebo bwiishi mukwiinga Mwaami Lesa wakaselukila pali nkako mumulilo. Bwiishi bwakalinga kuya mwiculu anga mbwiishi bwa mumunyumbi alimwi kalundu koonse kakatenkaana abuumbi.

Malaki 3:2

Ono ngani eshi akakonshe kwiimikana mubukali bwakwe pabushiku bwakwisa kwakwe? Ino ngani eshi akakonshe kuba muumi aakuboneka? Mukwiinga ulaakuba anga ngusoopo utubya abuumbi nabi anga ngumulilo usungulula sheela.

2 Pita 2:7

Lesa wakapulusha Loti, muntu ululeme uyo wakalinga kupenshekwa abuumbi ceebo ca buumi butaluleme, bwa bamucita shibi abo.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Ciyubululo 18:18

Ndibakabona bwiishi kabusunta ndabala inene iyo ndiyakalinga kupya, bakoolobesha ayi, “Takuna kubawo kale ndabala inene aimwi ili mbuli ndabala inene iyi!”

Ciyubululo 18:9

Mpeeke bamaami boonse ba mucishi ca panshi, abo bakacitaakwe bufuule alunkumbwa lumwi loonse, balaakulila akuba abuumba bunene pakubona bwiishi bweshi bukanoosunta pakupya ndabala inene iyo.

Ciyubululo 19:3

Bakoolobesha alimwi ayi, “Aalumbaishikwe Lesa! Bwiishi bwa mulilo utootenta ndabala inene iyo, bulaakunoosuntabo lyoonse alyoonse!”

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 9:2

Nyenyeenshi yakacalula cilindi citeeli ici, mpeeke mwakaswa bwiishi ubo bwakalingabo anga butooswa mumunyumbi unene. Mumuni wa lisuba alimwi amuuwo shakaboolabo mbi ceebo ca bwiishi bwakalinga kuswa mucilindi citeeli.