Matalikilo 14:24 - Baibo Busansulushi Bwa Libuku Ili

²⁴ Taaku nceshi mbweseewo ayi ncaangu. Ntootambulabo isho bantu bangu nshibasebensesha. Nakubi boobo abo mbooncafwanaabo munkondo Aneli, Eshiko aMamule balo bapekwe shibeelete.”

Matalikilo 14:24 Marejeleo ya Msalaba

Matalikilo 14:13

Mpomunyaawo musankwa wakaloboka akuya mukuluula shoonse ishi kuli Abulamu muEbulu. Abulamu uyo wakalinga kwikala pafwaafwi amibanga yakwe Mamule mwine Amoli, mukwabo Eshikoli alimwi aAneli. Bamukowa aba boonse Abulamu mbwaakalingaabo pantu pomwi.

1 Makani 10:12

basankwa boonse batacite boowa bakanyamuka akuya mukubwesa mubili wakwe Saulo amibili ya bana bakwe basankwa akwiitola kuJabeshi. Bakeebika uko munshaamubanga akulikasha kulya kwanshiku shili shosanwe ashobilo.

Tushimpi 3:27

Utakaki kucitila bamwi bantu shintu shibotu nshebeelete kucitilwa. Utakaki kubacafwa na webo kookonsha kubacafwa.

Mateyo 7:12

“Nkokwaamba ayi mushintu shoonse amucitile bantu bamwi bweenka mbomusuni ayi bamucitile. Anu uku nkokwiisha kwa Milawo yakwe Mose alimwi akwiisha kwa balaluki bakulukulu.

1 Timoti 5:18

Ceebo Malembo akwe Lesa alaamba ayi, “Mutafwaliki cinsangala musune utoomulyatweetako maila kwaamba ayi alupuke.” “Musebenshi ulyeelete kupekwa malipilo akwe.”