Malaki 3:15 - Baibo Busansulushi Bwa Libuku Ili

¹⁵ Ono cicitika ncakwaamba ayi balisumpula mbobacite shoolwe. Ndushinisho, bamucita shibi tabeelibo mukusumpuka, sombi balasunka kukomenya moyo kwakwe Lesa kwiinda mukucita shibiibi, nakubi boobo tabapekwi mulandu.”

Malaki 3:15 Marejeleo ya Msalaba

Esita 5:10

Nakubi boobo wakalicata. Lyalo wakaya kuŋanda yakwe akwiita babye alimwi aSeleshi mukaakwe.

Jobo 1:22

Mumapensho aya oonse, Jobo taakwe kubishaawo kwiinda mukucobola Lesa.

Jobo 12:6

Bapambi abantu bamwi bakalasha Lesa balekalabo muluumuno. Sombi balo mbantu bacinka manungo munkusu shabo beene ayi ngolesa wabo.

Jobo 21:30

Balaamba ayi pabushiku bwa bukali bwakwe Lesa mucita shibi ngoopulushikwa. Ee, ayi mucita shibi lakwe ngoofunwa mubushiku bwa bukali ubu.

Jobo 22:23

Sandukila kuli Shinkusu shoonse cakulibombya, akuleka kucita shintu shibiibi muŋanda yako.

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Kulumbaisha 106:14

Muluyanga bakayewa shakulya abuumbi ee, muluyanga bakeelesha Lesa.

Kulumbaisha 141:4

Mutalekeli moyo wangu kusuna shibiibi. Mutandekeleshi ayi ncite shibiibi pantu pomwi abamucita shibi. Ee, kutandekelesha ayi ndye shilyo shabo shapakusekelela kwabo.

Kulumbaisha 49:18

Nakubi kwaamba ayi muntu wabona ayi ncakwiila walya pacishi ca panshi, alimwi na walumbaishikwa kubantu ceebo cakusumpuka mubuumi bwakwe

Kulumbaisha 58:2

Sobwe. Mumyoyo yanu mulayeeyabo bubi mbomukonsha kucita, alimwi mulaleta shimfulunganya mucishi.

Kulumbaisha 73:12

Amubone bantu babiibi mbobabete. Balo lyoonse balaba ashiinji alimwi balabililaawo.

Kulumbaisha 73:3

mukwiinga ndakakumbwa camunyono kubalisumpula. Ee, ndindakabona bantu babiibi batalika kubila.

Kulumbaisha 78:18

Bakasunka Lesa cakashanga, mukusenga shakulya nshebakalinga kusuni.

Kulumbaisha 78:41

Lyobilo lyobilo bakalinga kusunka Lesa, akulengesha Lesa usalalite wa bene Isilaeli kukalala.

Kulumbaisha 78:56

Sombi bantu bakasunka Lesa, bakaashukila Lesa wa kwiculu Wiindaawo, ncakwiila bakakaka kukonkela milawo yakwe.

Kulumbaisha 95:9

Uko bakanjelesha akunsunka, nacibi kwaamba ayi bakabona nshendakabacitila.

Tushimpi 12:12

Bamucita shibi balisuni sheesho nshebacana mumicito yabo, sombi baluleme balaakushimpa anga ncisamu catola miyanda panshi peene.

Shikushimikila 8:14

Kuli cintu acimwi citaaku mbocibete pacishi ca panshi. Kuli baluleme abo bapekwa milandu yeelete bamucita shibi, abalo bamucita shibi balapekwa shilambu sheelete baluleme. Acalo ici taaku mbocibete.

Isaya 2:22

Amucileeke kucinka manungo mumuntu ufwa. Muntu taaku mbwaabete, ino inga wamucafwa buyani?

Jelemiya 7:10

Mwamana kucita shintu ishi shilensha bunya, mulesa mukwiimikana pameenso angu muŊanda yangu ino akwaamba ayi, ‘Swebo tatucite cakulisukama.’

Danyelo 4:30

wakalyaamboosha ayi, “Amubone kukomena ndabala inene ya Babiloni iyo njendakayaka kutondesha nkusu shangu shoonse, bulemu bwangu alimwi abwaami!”

Danyelo 4:37

“Paceebo ceeco nebo neNebukadinesa ndalumbaisha akulemeka Mwaami wa Kwiculu mukwiinga shoonse nshaacita nshibotu alimwi nshila shakwe shoonse shililuleme. Lakwe ulakonsha kubombya baabo balisumpula.”

Danyelo 6:16

Paceebo ceeco mwaami wakaamba ayi Danyelo aacatwe akuwaalwa mucilindi ca nkalamu. Nakubi boobo wakaambila Danyelo ayi, “Lesa wako, uyo ngoosebensela cakushomeka, aakupulushe.”

Malaki 2:17

Mwalemya Mwaami Lesa mumyaambo yanu. Sombi mwebo nobantu muleepusha ayi, “Ino twamulemya buyani?” Mwamulemya mukwiinga mulaamba ayi, “Boonse bacita shibiibi bali kabotu pameenso a Mwaami Lesa alimwi ulakondwa muli mbabo.” Alimwi amukwiipusha ayi, “Ino Lesa shibululami uli kuli?”

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Milimo ya Batumwi 12:21

Pabushiku Elodi mbwaakasala mwiine, wakafwala shakufwala sha bwaami akwikala pacuuna cakwe ca bwaami. Lyalo wakatalika kubaambila bantu abo.

Milimo ya Batumwi 5:9

Mpomunyaawo Pita wakamwaambila ayi, “Nceebonshi mwakapangana ayi mweeleshe Mushimu wa Mwaami? Bona, basankwa balinga mukufukila beebayo balibo pamulyango, ono awebo batookutola.”

1 Bene Kolinto 10:9

Tatweelete kusunka Mwaami Lesa bweenka bwakacita bamwi pakati kabo akucaikwa kunsoka.

Bene Ebulu 3:9

Muluyanga umo, bakansunka nabi bakabona nshendakacita mumyaaka ili makumi one.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”