Malaki 2:2 - Baibo Busansulushi Bwa Libuku Ili

² mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

Malaki 2:2 Marejeleo ya Msalaba

Kulumbaisha 69:22

Amulengeshe kusekelela kwabo kubaletela kunyonyooka. Kusekelela kwabo akube koose kuli mbabo.

Tushimpi 3:33

Mwaami Lesa ulashingana ba muŋanda ya bamucita shibi sombi ulapa coolwe bamuŋanda ya baluleme.

Isaya 42:25

Paceebo ceeco bukali bwakwe bwakesa pali ndiswe. Bukali bwakwe bwakeenda munkondo iyo yakatupolela. Inkondo yakatukalalila soonse mucishi ca Isilaeli. Nakubi boobo tatukwe kuwishiba citoocitika. Ndushinisho taaku ciiyo ncetwakacanaamo nabi comwi.

Isaya 47:7

Webo wakalinga kuyeeya ayi unanoolibo mwaami mwanakashi kwalyoonse alyoonse. Sombi tookwe kulisukamaawo ashintu ishi shitoocitika bulya nabi kuyeeyabo mbweshi shikacitike.

Isaya 57:11

Ono Mwaami Lesa waamba ayi, “Anu mbalesanshi abo bamulenga boowa cakwaamba ayi nebo kamumbeca akundubililaakobo limwi? Sa nceebo cakwaamba ayi ndoomuna bunene ncemwacilekela kunoonda?

Jelemiya 34:17

Paceebo ceeco nebo neMwaami Lesa ntokwaamba ayi, “Mwebo tamukwe kunyumfwila maswi angu pakukaka kwaangulula bakwabanu baEbulu. Aboobo ntoomwaangulula ayi mukafwe kunkondo, mwaalu alimwi akunsala. Ndaakumulengesha kulensha bunya kubwaami boonse bwa pacishi ca panshi.

Esekelo 3:7

Sombi bene Isilaeli balo tabalibambite kukunyumfwila ceebo tabalibambite kunyumfwila anebo. Tabanyumfwili ceebo bene Isilaeli boonse mbayumu myoyo alimwi mbeshicimpamya.

Agayi 1:6

Mwakalima shili anga ngamaila shiinji, sombi mwakatebulamobo shiniini. Mulicite shakulya, sombi tashikwani ayi mukute. Mulicite waini, sombi nyotwa taimaani. Mulicite shakufwala, sombi teshi shiinji cakumukasaasha. Muntu uyo usebensa taafoli amaali akwana kulyaamo.

Agayi 1:9

“Mwakayeeya ayi twatebula shakulya shiinji, sombi mwakatebula shiniini. Ndimwakaleta shakulya isho kumishaanu, nebo ndakashitola amuuwo. Ino ndakacitilanshi boobo? Ici cakacitika mukwiinga Ŋanda yangu icili matongo, sombi mwebo noonse mutooyuwaanabo kumilimo ya pamaandaanu.

Malaki 2:1

Mpeeke Mwaami Lesa Shinkusu shoonse wakaambila bapailishi ayi, “Mulawo ngontoomupa ngooyu,

Malaki 3:9

Mushobo wanu woonse ulishinganishitwe ceebo mulampamba.

Luka 17:18

Ceebonshi kwaboolabo muswamashi eenka mukulumba Lesa?”

Joshuwa 7:19

Ono Joshuwa wakaambila Akani ayi, “Omwanaangu, amba calushinisho pameenso a Mwaami Lesa, Lesa wa bene Isilaeli, ulyaambilile omwiine ico ncewacita. Utacishisi kuli ndime.”

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.

Ciyubululo 14:7

Wakoolobesha ayi, “Amulemeke akulumbaisha Lesa mukwiinga ciindi nceelete koombolosha bantu boonse cashikila! Amumulambile uyo wakalenga liculu, cishi ca panshi, lweenge alimwi atuntupu twa maanshi!”

Ciyubululo 16:9

Aboobo kulungula kwakabatenta abuumbi. Mpeeke bakacobola Lesa ucite nkusu shakuleta myaalu ili bobulya. Nakubi boobo tabakwe kusanduka kuswa kushibiibi shabo kwaamba ayi bamulumbaishe.