Malaki 1:3 - Baibo Busansulushi Bwa Libuku Ili

³ sombi ndipatite Esau abamulunyungu lwakwe. Aboobo tulundu twakwe ndakatwaalula luyanga akushiya cishi cakwe kubaumpe.”

Malaki 1:3 Marejeleo ya Msalaba

Matalikilo 25:23

Mwaami Lesa wakamwaambila ayi, “Mumala umo uliyumwite mishobo ya bantu yobilo Ulaakutumbuka bantu ba mishobo yobilo bapatene. Mushobo womwi ulaakunoocite nkusu kwiinda umwi, munenebantu ulaakunoosebensela mwanikebantu.”

Isaya 35:7

Museese ulungula ulaakwaaluka mashiba a maanshi. Cishi cifwite nyotwa ya maanshi cilaakuba tuntupu tubila maanshi. Mumisena umo mwakalinga kwikalaawo bamwaaba, mulaakumena bwiisu alimwi amatete.

Jelemiya 49:10

Sombi nebo ndaakubwesa shintu shoonse sha bamulunyungu lwakwe Esau akumushiya maansabo. Ndaakuyubulula misena yabo iyo njebayubamo kwaamba ayi bakabule kwakuyuba. Bene Edomu boonse balaakuloba, taaku nabi womwi weshi akacaaleewo.

Jelemiya 49:20

Paceebo ceeco amunyumfwe isho nebo neMwaami Lesa nshendakapinga pabene Edomu, munyumfwe sheesho nsheensuni kucita kubaabo bekala kundabala ya Temani. Bana babo boonse balaakukwelanishikwa akutolwa. Ndaakunyonyoola cishi cabo.

Jelemiya 49:33

Asoli ulaakuba musena wa bamwaaba. Ulaakuba matongo kwalyoonse alyoonse. Taaku muntu weshi akekaaleko tubili. Nebo neMwaami Lesa ndaamba.”

Jelemiya 49:7

Pabene Edomu Mwaami Lesa Shinkusu shoonse wakaamba ayi, “Sa busongo bwakamana muEdomu? Sa beshikupandaako maano bakamana? Sa busongo bwabo bwakashimingana?

Jelemiya 49:8

Amusanduluke mucice, muye muyube mushimfwengo shilaamfu mwebo nomwikala kuDedani. Nebo ndaakuleta mapensho pabamulunyungu lwakwe Esau ciindi ndaakubapa mulandu.

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Malilo 4:22

Nobene Siyoni, mulandu wanu wamana. Mwaami Lesa teshi akamulekele mubusha. Sombi mwebo nobene Edomu utoomupa mulandu. Ncakwiila micito yanu ibiibi ulaakwiibika patuba.

Esekelo 36:7

Paceebo ceeco nebo neMwaami Lesa Shinkusu shoonse ndaamba ayi, ‘Ndashomesha cakulumbila kaantambikite lyaansa lyangu mwiculu ayi mishobo imushingulukite ayalo ilaakusebaana.’

Esekelo 36:9

Ndi kulubasu lwako, aboobo ndaakukubikaako maano kwaamba ayi ukaliimwe akushangwa.

Jowelo 3:19

“Cishi ca Ijipiti cilaakuba luyanga. Acalo cishi ca Edomu cilaakuba luyanga umo mutekaali bantu mukwiinga mishobo iyo yakalwana cishi ca Juda akucaya bantu ba ncico batacite mulandu.

Obadiya 1:10

“Ceebo ca shimfulunganya nshemwakacita kubamakwabanu bamulunyungu lwakwe Jakobo, mulaakulenshekwa nsoni, alimwi mulaakunyonywetwabo limwi.

Luka 14:26

“Muntu uli woonse usuni kuba shikwiiya wangu ulyeelete kusuna ndime kwiinda baishi abanyina, bakaakwe abana bakwe, banandumi abanankashi shakwe, ee, nabi buumi bwakwe mwiine.