Maako 9:2 - Baibo Busansulushi Bwa Libuku Ili

² Ndipakeenda nshiku shosanwe abomwi, Jesu wakatola Pita, Jemusi alimwi aJoni kukalundu kalaamfu, akutanta peculu beenkabo. Mpomunyaawo mubili wakwe Jesu wakasanduka akutalika kuboneka bumbi mumeenso abo.

Maako 9:2 Marejeleo ya Msalaba

1 Baami 18:33

Lyalo wakabika nkuni peculu lya cipaililo. Wakatimboola mucende shipimpitapimpita akushibika pankuni. Lyalo wakabaambila ayi, “Amubike maanshi mumingomo yone akwaatila pamulambu ankuuni.” Abalo bakacita bweenka ubo.

1 Baami 18:42

Aboobo Aabu wakaya mukulya. Elija lakwe wakatanta Kalundu ka Kamelo, waya wafukama amutwi wakwe waubika mukati ka mabelo.

Kulonga 24:13

Mpomunyaawo Mose alimwi aJoshuwa shikumucafwa, bakalibambila. Lyalo bakatalika kutanta kalundu kakwe Lesa.

Isaya 33:17

Lyalo muntu uyo ulaakubona mwaami mubulemu bwakwe alimwi ulaakubona acishi citandabukite mumbasu shoonse kulaale.

Isaya 53:2

Musebenshi wakwe ulya wakakula anga ninsoonseela kumeenso akwe Lesa nabi anga ngumuyanda watuntula mubulongo buyumu. Taakalinga kucitewo bulemu alimwi taakalingawo mubotu cakukonsha kutukwelela kuli nguwe Mbonekelo shakwe teshakalinga kukonsha kutapa myoyo yesu kuya pali nguwe.

Mateyo 14:13

Jesu ndyaakanyumfwa makani aya, wakenjila mubwaato akuswaako uko. Wakaya kumusena umwi eenkabo kwatakalinga kwikala bantu. Ono bantu baanji ndibakanyumfwa ayi Jesu waya, bakeenda kwitala kuswa mumandabalaabo bamukonkela.

Maako 14:33

Mpeeke Jesu wakaya aPita, Jemusi alimwi aJoni. Wakatalika kupenshekwa abuumbi akulisukama mumoyo.

Maako 16:12

Kuswawaawo, Jesu wakaboneka mumushobo umwi kubashikwiiya bakwe bamwi bobilo, ndibakalinga kuya bweenda munshila iya mumishi.

Maako 5:37

Lyalo taaku aumwi ngwaakasuminisha kuyaakwe, sombibo Pita, Jemusi alimwi aJoni mukwabo Jemusi.

Luka 6:12

Muciindi ico Jesu wakaya kukalundu mukupaila alimwi bwakamucetabo kaapaila.

Joni 1:14

Mpeeke Liswi ili lyakaba muntu akwisa mukwikala pakati kesu, kaaswite luse alushinisho. Twakabona bulemu bwakwe ubo mbwaakatambula ceebo wakalinga Mwaana eenkabo wa baIshi.

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

2 Bene Kolinto 13:1

Ono luno ndwatatu ndoondibambite kwisa kooko kuli ndimwe. Malembo akwe Lesa alaamba ayi, “Makani oonse alyeelete kwiimikaninwa abakamboni bobilo nabi botatwe.”

Bene Filipi 3:21

Lakwe ulaakusandula mibili yesu ilefukite ya buntu kwaamba ayi ikabe mbuli mubili wakwe wa bulemu. Ulaakucita boobo munkusu shakwe isho shikoma shintu shoonse akushilela.

Ciyubululo 20:11

Mpomunyaawo ndakabona cuuna ca bwaami cituba cinene alimwi awooyo wakalinga kushiiteewo. Cishi ca panshi alimwi aliculu shakacica kuswa kuli nguwe. Mpeeke tashikwe kubonekaawo alimwi.