Maako 9:19 - Baibo Busansulushi Bwa Libuku Ili

¹⁹ Lyalo Jesu wakakumbula ayi, “Mwebo nobantu nomutacite lushomo! Anu nkale anu ciindi cilaamfu buyani? Anu nindilile ciindi cilaamfu buyani kwaamba ayi mushome? Amumulete kokuno.”

Maako 9:19 Marejeleo ya Msalaba

Kulumbaisha 78:22

Shakacitika mukwiinga tabakwe kumushoma nabi kucinka manungo mulupulusho lwakwe.

Shakubelenga 14:11

Mpomunyaawo Mwaami Lesa wakaambila Mose ayi, “Ino bantu aba batootola ciindi cilaamfu buyani kabankaka? Ino batootola ciindi cilaamfu buyani kabacikaka kushoma muli ndime, nakubi kwaamba ayi ndacita shaankamiko shiinji pali mbabo?

Shakubelenga 14:22

taaku nabi womwi pabaaba bantu eshi akashikeeko kucishi cilya. Bakabona bulemu bwangu alimwi ashaankamiko nshendakacita mucishi ca Ijipiti amuluyanga, sombi banjelesha lyobilo lyobilo akukaka kunyumfwila.

Shakubelenga 14:27

“Ino bamucita shibi aba batootola ciindi cilaamfu buyani kabacitongooka? Matongooshi aya andemya kwaanyumfwa!

Mateyo 17:17

Lyalo Jesu wakabakumbula ayi, “Mwebo nobantu nomutacite lushomo, nobeshicimpamya, anu nkalaanu ciindi cilaamfu buyani? Anu nindilile ciindi cilaamfu buyani kwaamba ayi mushome? Amumulete kokuno!”

Maako 16:14

Kumamanino, Jesu wakaboneka kubashikwiiya bali likumi awomwi kabalya. Wakabakalalila ceebo cakubula lushomo akuyuma myoyo, mukwiinga tabakwe kushoma baabo bakamubona kaabukite kuswa kubafu.

Maako 9:18

Kulilabo koonse nkweenga wamucatila, ulamuwaala panshi. Lyalo ulatalika kuswa lyoofu kumulomo akulumanya meeno. Awalo mubili ulaboolabo nta. Ono ndalinga ndasenga bashikwiiya banu aba ayi bamukuushe, sombi baalilwa.”

Maako 9:20

Ncakwiila bakamutola kuli Jesu. Shikaswa ndyaakabonabo Jesu, wakamunyukumuna mwanike musankwa uyo. Lyalo wakawita panshi akutalika kwaalabangana. Mpeeke lyoofu lyakatalika kuswa kumulomo.

Luka 24:25

Lyalo Jesu wakabaambila ayi, “Mwebo nobantu baluya nomucelwa kushoma shintu shoonse shakaamba balaluki bakulukulu!

Luka 9:41

Lyalo Jesu wakakumbula ayi “Mwebo nobantu nomutacite lushomo, nobeshicimpamya, anu nkalaanu ciindi cilaamfu buyani? Anu nindilile ciindi cilaamfu buyani ayi mushome? Amumulete kokuno mwanaanu.”

Joni 12:27

“Ono moyo wangu wapenshekwa. Sa ŋambe ayi, ‘Ta amumfuune kuciindi ca mapensho ici’? Sobwe, mukwiinga mapensho aya ngondakeshita.

Joni 20:27

Lyalo wakaambila Tomasi ayi, “Njisha munwe wako apa alimwi ubone amaansaangu. Fungulula lyaansa lyako unjishe kumbafu shangu. Ono cileke kutonsha, ushome.”

Dutolonomi 32:20

Wakaamba ayi, ‘Ndaakubafutatila, tubone na balaakweela kuli. Mukwiinga ndunyungu lushicimpamya, ncakwiila mbaana batashomeki.