Maako 9:1 - Baibo Busansulushi Bwa Libuku Ili

¹ Jesu wakatolelela kubaambila ayi, “Ntoomulwiita calushinisho ayi mpobali bamwi pano peenka, beshi bakabule kufwa kabatana kubona Bweene bwakwe Lesa kabwisa ankusu.”

Maako 9:1 Marejeleo ya Msalaba

Mateyo 16:28

Ntoomwaambila calushinisho ayi, mpobali bamwi peenka pano beshi bakabule kufwa, kabatana kubona MwanaaMuntu keesa muBwaami bwakwe.”

Mateyo 24:30

Lyalo kulaakuboneka citondesho ca MwanaaMuntu mwiculu, mpeeke bantu ba mishobo yoonse ya pacishi ca panshi balaakulila, ndyeshi bakabone MwanaaMuntu keesa mumakumbi ankusu alimwi abulemu bukankamika.

Mateyo 25:31

“Ono MwanaaMuntu ndyeshi akese mubulemu abaanjelo bakwe boonse ba kwiculu, ulaakwikala pacuuna cakwe ca Bwaami.

Maako 13:26

Mpomunyaawo bantu balaakubona MwanaaMuntu keesa mumakumbi ankusu shiinji alimwi abulemu.

Maako 13:30

Ntoomulwiita calushinisho ayi shintu shoonse ishi shilaakucitika, bantu boonse baliiwo bulya kabatana kumaninina kufwa.

Luka 2:26

Mushimu Usalashi uyu wakalinga wamuyubulwita kale ayi teshi akafwe kaatana kubona Usalitwe wakwe Lesa.

Luka 22:18

ceebo ntoomulwiita ayi kuswa sunu teshi nkanwe lyobilo maanshi a shisepo sha minyansa, kushikila Bweene bwakwe Lesa bwaakwisa.”

Luka 22:30

Mulaakulya akunwa pantu pomwi anebo muBweene bwangu alimwi mulaakwikala pashuuna sha bwaami akoombolosha mishobo likumi ayobilo ya Isilaeli.

Luka 9:27

Ncakwiila ntoomwaambila ayi mpobali bamwi pano peenka beshi bakabule kufwa kabatana kubona Bweene bwakwe Lesa.”

Joni 21:23

Aboobo mpuwo yakanyumfwika kubashoma muli Jesu boonse ayi shikwiiya uyo teshi akafwe. Sombi Jesu taakwe kwaamba ayi teshi akafwe, sobwe. Wakaamba ayi, “Ino na kaansuni kwaamba ayi uyu anoolibo muumi kushikila nkese, sa ngumulandu wako uyo?”

Bene Ebulu 2:9

Sombi ngotubona nguJesu, uyo wakaceeshekwa kwiinda baanjelo paciindi ciniini, watambula mushini wa bulemu abwaami ceebo ca mapensho ngaakeendaamo ndyaakafwa. Cakaba boobo mukwiinga Lesa muluse lwakwe, wakasuna ayi Jesu afwite bantu boonse.