Maako 8:6 - Baibo Busansulushi Bwa Libuku Ili

⁶ Mpomunyaawo Jesu wakaambila bantu abo ayi bekale panshi. Lyalo wakabwesa shinkwa uyo wosanwe awobilo, ndyaakamana kulumba Lesa, wakakomoona shinkwa akupa bashikwiiya bakwe kwaamba ayi baabile bantu. Ncakwiila abalo bashikwiiya bakabaabila.

Maako 8:6 Marejeleo ya Msalaba

Mateyo 26:26

Ndibakalinga kulya, Jesu wakabwesa cimaande, walumba Lesa, akukomoona wapa bashikwiiya akubalwiita ayi, “Amutambule mulye, uyu ngumubili wangu.”

Maako 8:20

“Anu ndindakakomoona shinkwa uli wosanwe awobilo ayi bantu bali shuulu shone balye, ntutundu tongaye twa shinkwa ngobakashiyaako bantu ntomwakesusha?” Abalo bakakumbula ayi, “Twakesusha tutundu tosanwe atobilo.”

Maako 8:5

Jesu wakabeepusha ayi, “Ino mulicite shinkwa wongaye?” Abalo bakakumbula ayi, “Tulicite wosanwe awobilo.”

Maako 8:7

Bakalinga kucite atuswi tuniininiini tongayebo. Ndyaakamana kulumba Lesa patuswi utu, Jesu wakaambila bashikwiiya bakwe ayi atwalo batwaabile bantu.

Luka 12:37

Balicite coolwe basebenshi beshi bakacanike kabalangila alimwi kabalibambite mwaami wabo aakuboola. Ntoomwaambila calushinisho ayi mwaami wabo ulaakufwala shakufwala shakusebenselaamo, kwikalika basebenshi aba panshi akubapa shakulya.

Luka 24:30

Ndyaakekalaabo pakulya wakabwesa shinkwa akulumba Lesa. Mpeeke wakaukomoona akubaabila.

Joni 2:5

Nakubi boobo banyina Jesu bakalwiita basebenshi ba pabwiinga ayi, “Mucite cili coonse nceshi amwaambile.”

Joni 6:23

Lyalo maato amwi akaswa kuTibelyasi akashika pafwaafwi ampobakalita shinkwa bantu, Mwaami Jesu ndyaakamana kulumba Lesa.

Bene Loma 14:6

Uyo woonse uyeeya ayi bushiku bumwi bulyeelete kulemekwa ulacita boobo mukulemeka Mwaami, alakwe uyo ulya cili coonse ulacita boobo mukulemeka Mwaami mukwiinga ulalumba Lesa ceebo ca cakulya ico. Uyo woonse ukaka kulya shakulya shimwi ulacita boobo mukulemeka akulumba Lesa.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

1 Samwelo 9:13

Mwashikabo mundabala mutoomucana kaatana kuya pakalundu mukulya. Mukwiinga bantu tabakoonshi kutalika kulya kaatana kushika uko akusengela coolwe mulambu. Lyalo bantu batambwa ndyeenga balya. Ono kamuya, mulamucana ciindi ceenka cino.”