Maako 8:11 - Baibo Busansulushi Bwa Libuku Ili

¹¹ BaFalisi bamwi bakesa kuli Jesu akutalika kupikishanyaakwe. Bakamusenga cakumweelesha ayi ababoneshe citondesho kwaamba ayi bashome na nkusu nshaacite shilaswa kuli Lesa.

Maako 8:11 Marejeleo ya Msalaba

Kulonga 17:2

Paceebo ceeci bene Isilaeli bakatongookela Mose akwaamba ayi, “Tupe maanshi akunwa.” Mose wakabakumbula ayi, “Ino mutootongookelanshi? Mutokweelesheshanshi Mwaami Lesa?”

Kulonga 17:7

Mpeeke musena uyu bakootumba ayi Masa alimwi ayi Meliba, mukwiinga bene Isilaeli bakatongooka alimwi akweelesha Mwaami Lesa ndibakaamba ayi, “Sa Mwaami Lesa ncakwiila uli aswebo nabi tau?”

Malaki 3:15

Ono cicitika ncakwaamba ayi balisumpula mbobacite shoolwe. Ndushinisho, bamucita shibi tabeelibo mukusumpuka, sombi balasunka kukomenya moyo kwakwe Lesa kwiinda mukucita shibiibi, nakubi boobo tabapekwi mulandu.”

Mateyo 12:38

Lyalo bamwi bafundishi ba Milawo abaFalisi bakaambila Jesu ayi, “NoBafundishi, tulisuni ayi mutucitile citondesho cakuswa kwiculu.”

Mateyo 19:3

Mpomunyaawo baFalisi bamwi bakesa kuli Jesu mukumusunka ayi, “Sa cilasuminishikwa muMilawo muntu kuleka mukaakwe paceebo cili coonse?”

Mateyo 21:23

Mpomunyaawo Jesu wakenjila muŊanda yakwe Lesa, ono ndyaakalinga kwiisha, bamatanjilili ba bapailishi abamaloba ba baJuda bakaya mukumwiipusha ayi, “Ino ninkusunshi nshoocite shakucita shintu ishi? Wakakupa nkusu shakucita bobulya ngani?”

Mateyo 22:15

Ono baFalisi bakanyamuka kuya mukulifuyafuya ayi bacate Jesu kwiinda mukwaamba kwakwe.

Mateyo 22:18

Sombi Jesu wakeshiba ayi batokwiipusha cakubeca. Lyalo wakabaambila ayi, “Mwebo nobantu nomwaamba nshemutaciti! Ino mutoonsunkilanshi?

Mateyo 22:23

Pabushiku bweenka ubo baSaduki bamwi bakesa kuli Jesu. Bantu aba mbobaamba ayi bantu bakafwa teshi bakabukeewo. Mpeeke bakamwiipusha ayi,

Maako 12:15

Sombi Jesu wakeshiba ayi batokwiipushabo cakubeca. Lyabo wakabeepusha ayi, “Ino mutoonsunkilanshi? Amundetele lyaali ndiboone.”

Maako 2:16

Lyalo bafundishi ba Milawo, baFalisi, ndibakabona ayi utoolya abantu aba, bakeepusha bashikwiiya bakwe ayi, “Ino utoolitanshi abeshikusonkesha alimwi abantu batakonkeli Milawo yakwe Mose?”

Maako 9:16

Mpomunyaawo Jesu wakeepusha bashikwiiya bakwe ayi, “Anu mutoopikishanyanshi abaaba bantu?”

Luka 10:25

Kuswawaawo kwakesa mufundishi wa Milawo wakasunka Jesu akumwiipusha ayi, “NoBafundishi, ndyeelete kucitanshi kwaamba ayi nkabe abuumi butamaani?”

Luka 11:16

Ciindi ceenka ico bamwi bakeelesha kusunka Jesu ayi abatondeshe citondesho kuswa kwiculu cakubonesha ayi Lesa ngowakamutuma.

Joni 4:48

Jesu wakamwaambila ayi, “Na mwabula kubona shaankamiko ashitondesho sha nkusu sha kwiculu shimwi, tamushomiiwo tau.”

Joni 6:30

Mpeeke bakamwiipusha ayi, “Ino ncaankamikonshi nceshi mucite kwaamba ayi tubone akumushoma? Mutoocita mulimonshi?

Joni 7:48

Sa mulishiwo mweendeleshi pakati kesu nabi muFalisi wakashoma muli nguwe? Taakuuwo!

Joni 8:6

Bakeepusha bobulya kwaamba ayi babone pakumupeta mulandu. Sombi Jesu wakakotama akutalika kulemba panshi amunwe.

Milimo ya Batumwi 5:9

Mpomunyaawo Pita wakamwaambila ayi, “Nceebonshi mwakapangana ayi mweeleshe Mushimu wa Mwaami? Bona, basankwa balinga mukufukila beebayo balibo pamulyango, ono awebo batookutola.”

1 Bene Kolinto 10:9

Tatweelete kusunka Mwaami Lesa bweenka bwakacita bamwi pakati kabo akucaikwa kunsoka.

Dutolonomi 6:16

“Mutasunki Mwaami Lesa, Lesa wanu mbuli mbomwakacita kuMasa.