Maako 7:22 - Baibo Busansulushi Bwa Libuku Ili

²² bulale, lunkumbwa, bubi, bubeshi, kutalilemeka, munyono, bufuyishi, kulisumpula alimwi abuluya.

Maako 7:22 Marejeleo ya Msalaba

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

Kulumbaisha 10:4

Bamucita shibi tababikiiko amaano kuMwaami Lesa ceebo cakulisumpula. Mukuyeeya kwabo balabona Mwaami Lesa ayi taacite ncito kuli mbabo.

Kulumbaisha 119:36

Amwiishe moyo wangu kusuna kwiisha kwanu. Ee, amunjiishe kusuna kwiisha kwanu kuteshi bubile.

Tushimpi 12:23

Muntu ucenjete ulashisa lushibo ndwaacite, sombi baluya balaambabo caambaambe.

Tushimpi 22:15

Buluya bulekala mumoyo wa mwanike, sombi na woomwa amusako, buleendela palaamfu.

Tushimpi 23:6

Utaliti pantu pomwi amuntu mwiinyu nabi kupetelela shakulya shakwe shibotu

Tushimpi 24:9

Miyeeyo ipanga muluya nkucita shibiibi, alimwi bantu balipatite muntu shikucelebula.

Tushimpi 27:22

Muluya nabi mumutwe muncili, ee, kumutwa amwiinshi anga ngamaila, sombi buluya teshi bukasweewo muli nguwe.

Tushimpi 28:22

Muntu mwiinyu ulisunibo kubila cakufwambaana, sombi teeshi kwaamba ayi bukandu bulibo muliimfwa.

Shikushimikila 7:25

Aboobo nebo ndakalyaaba ayi nyumfwishe shintu. Ndakalinga kusuminite kulangoola busongo abukumbulo kumiipusho yangu. Ndakalinga kusuni kunyumfwisha buluya bwa bubi alimwi akucinkuka kuli mubuluya.

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Isaya 59:7

Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Jelemiya 17:9

“Moyo wa muntu ngubeshi abuumbi kwiinda pashintu shimwi shoonse alimwi ulicite bulwashi butashilikiki. Anu ngani weenga wakonsha kuushiba?

Mateyo 20:15

Sa nsheelete kucita mbuli mboonsuni pabuboni bwangu? Mpashi wamfwita munyono mukwiinga nshisalululi pakupa?’ ”

Mateyo 6:23

Sombi na meenso anu katabete kabotu, nkokwaamba ayi mubili woonse ulaba mumunshinshe. Ono na mumuni waba munshinshe, ingayi munshinshe uyo ulaakubabo mbi!

Maako 7:21

Ceebo mumyoyo ya bantu momuswa miyeeyo ibiibi, ya bufuule, bwiipi, bucayi,

Maako 7:23

Ncakwiila shibiibi shoonse ishi shilaswa mumoyo wa muntu, alimwi nsheshimubisha.”

2 Bene Kolinto 10:5

Tulamanisha kupikishanya akulisumpula uko kulengesha bantu ayi bateshibi Lesa. Tulakoma miyeeyo yoonse kwaamba ayi ibe yeeyo inyumfwila Klistu.

Dutolonomi 15:9

Tamweelete kukaka kumukweletesha ncaasuni ayi mukwiinga mwaaka wakulekelela nkongole uli pafwaafwi. Muyeeyo uyu ubiibi tooelete kuba muli ndimwe. Na mwakaaka kumukweletesha, ulaakulilila kuMwaami Lesa, lyalo mwebo mukabe amulandu.

Dutolonomi 28:54

Paciindi ico amusankwa woonse uteekenye alimwi ucite nkumbu pakati kanu, teshi akabe ankuumbu pamukwabo ngwaakashalwaakwe lifumo lyomwi, mukaakwe usunikwi nabi bana bakwe abo beshi bakacaleewo.

Dutolonomi 28:56

Alakwe mwanakashi woonse uteekenye alimwi ucite nkumbu, mubile uyo utana kulyatawo kale panshi mububile bwakwe, ulaakucita mbomunya mbuli musankwa.

1 Pita 2:15

Mukwiinga nkuyanda kwakwe Lesa ayi kwiinda mukucita shiluleme muumushe kwaamba kwa baluya kwakubula lushibo.

1 Pita 5:5

Amwebo nobasankwa bacikula bwangu mulyeelete kunoolibombya kubamanene basankwa. Noonse mulyeelete kunoolibambite kusebenselana cakuliceesha. Kweelana amaswi akwe Lesa aamba ayi, “Lesa ulakaka bantu balisumpula, sombi ulapa luse kubaabo baliceesha.”