Maako 6:14 - Baibo Busansulushi Bwa Libuku Ili

¹⁴ Mwaami Elodi wakanyumfwa mpuwo ya makani akwe Jesu ayo akanyumfwika koonse koonse. Bamwi bantu bakalinga kwaamba ayi, “Joni Mubombeki wabuka kuswa kubafu, nceceeco ncaakonshela kucita shaankamiko ishi.”

Maako 6:14 Marejeleo ya Msalaba

2 Makani 26:15

MuJelusalemu bantu bakwe bacibwene shakupangapanga, bakapanga cakuwaalisha mifwi amabwe anene kuswa pamaanda alaamfu amumakonko oonse a lubumbu lwa ndabala. Paceebo ceeco wakaya mpuwo mucishi coonse alimwi wakaba ankusu abulemu mukwiinga Lesa wakalinga kumucafwa.

2 Makani 26:8

Bene Amoni bakalinga kuleta musonko kuli Usiya, lyalo wakaba ankusu abulemu buunji cakwaamba ayi wakaya mpuwo kushika akucishi ca Ijipiti.

Mateyo 9:31

Sombi balo bakaya cilwiita bantu makani akacitika mucishi coonse ico.

Maako 1:28

Mpomunyaawo impuwo yakwiisha kwakwe yakanyumfwika mucishi coonse ca Galili.

Maako 1:45

Ono lakwe uyo wakaba kabotu wakalingooyabo cishimika kubantu boonse. Ncakwiila kwaamba kwakwe kwakalenga ayi Jesu atalike kweenda cakuyubayuba mundabala alimwi wakalinga kwikala kulaale amishi. Nakubi boobo bantu bakalinga kuya kuli nguwe kuswa kumisena ipusenepusene.

Maako 8:28

Balo bashikwiiya bakwe bakamukumbula ayi, “Bamwi balaamba ayi ndimwe baJoni Mubombeki, bamwi ayi ndimwe baElija, abalo bamwi balaamba ayi muli womwi wa balaluki bakulukulu.”

Luka 13:31

Paciindi ceenka ico baFalisi bamwi bakesa kuli Jesu akumwaambila ayi, “Amusweeko kuno, muye kumusena umwi mukwiinga Elodi utooyanda kumucaya.”

Luka 3:1

Wakalinga mwaaka wa likumi ayosanwe Tibelyasi kaali Sisa, muleli munene wa kuLoma, Pontyasi Pilato paciindi ici wakalinga ngomuleli wa cishi ca Judeya. Elodi wakalinga ngomuleli wa cishi ca Galili alakwe Filipo, mukwabo Elodi, wakalinga kweendelesha cishi ca Ituliya aTilakonitisi. Lisaniya wakalinga ngomuleli wa cishi ca Abilini.

Luka 7:17

Kuswawaawo mpuwo yakwe Jesu yakamwaika mucishi coonse ca Judeya alimwi ashishi shoonse shakalinga kushingulukite.

Luka 9:19

Balo bakamukumbula ayi, “Bamwi balaamba ayi ndimwe baJoni Mubombeki, bamwi ayi ndimwe baElija, abalo bamwi ayi muli womwi wa balaluki bakulukulu uyo wakabuka.”

1 Bene Tesalonika 1:8

Bantu baanji baanji, kuteshibo muMakedoniya amuAkeya, bakanyumfwa Makani Abotu apali Jesu. Sombi bakanyumfwa ampuuwo ya lushomo lwanu muli Lesa yamwaika kumisena imwi yoonse. Aboobo taaku nceenga twaambaawo pacikani ico.

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.