Maako 5:34 - Baibo Busansulushi Bwa Libuku Ili

³⁴ Jesu wakamwaambila ayi, “Nankashi, lushomo lwako lwakupulusha kubulwashi. Koya muluumuno, waba kabotu cancinencine.”

Maako 5:34 Marejeleo ya Msalaba

2 Baami 5:19

Elisha wakaamba ayi, “Koya muluumuno.” Alakwe Naamani wakaya. Naamani ndyaakeendakobo mushinso ufwaafwi,

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Bene Lefi 14:48

“Sombi na mupailishi wesa mukwiibona akucana ayi kubunda takukwe kwiindaawo kuswabo ndiyakashingulwa, ulaakwaamba ayi ŋanda iyo ilisalalite kweelana aMilawo mukwiinga kubunda koonse kwamana.

Mateyo 9:2

Mpeeke bantu bamwi bakatola musankwa wakalinga kuyuminite mubili kuli nguwe, kaalete pamacila. Jesu ndyaakabona lushomo lwabo, wakaambila wakalinga kuyuminite mubili ayi, “Kalika moyo ndaba, shibiibi shako shalekelelwa.”

Mateyo 9:22

Mpomunyaawo Jesu wakacebuka, ndyaakamubona wakamwaambila ayi, “Kalika moyo nankashi, lushomo lwako lwakupulusha kubulwashi.” Paciindi ceenka ico, mwanakashi uyo wakaba kabotu.

Maako 10:52

Lyalo Jesu wakamwaambila ayi, “Koya unooya, lushomo lwako lwakushilika.” Paciindi ceenka ico wakatalika kubona. Lyalo wakakonkela Jesu nkwaakalinga kuya.

Maako 3:10

Mukwiinga bakanyumfwa ayi Jesu wakashilika baanji, boonse balwashi bakalinga kuya cilimbana kuli nguwe kwaamba ayi mpashi inga bamukumya akuba kabotu.

Maako 5:29

Mpomunyaawo mukunko wakamana alimwi wakanyumfwa ayi waba kabotu mumubili wakwe.

Maako 5:33

Mpomunyaawo mwanakashi uyo mukwishiba cakacitika kuli nguwe, wakaya kuli Jesu caboowa akututuma. Wafukama kunembo lyakwe akumulwiita makani oonse calushinisho.

Luka 17:19

Kuswawaawo, Jesu wakaambila shimanata uyo ayi, “Nyamuka, koya, lushomo lwako lwakushilika.”

Luka 18:42

Lyalo Jesu wakamwaambila ayi, “Talika kubona, lushomo lwako lwakushilika.”

Luka 7:50

Ono Jesu wakaambila mwanakashi uyo ayi, “Lushomo lwako lwakupulusha, koya muluumuno.”

Luka 8:48

Jesu wakamwaambila ayi, “Nankashi, lushomo lwako lwakupulusha kubulwashi, koya muluumuno.”

Milimo ya Batumwi 14:9

Musankwa uyo wakalinga kushiite kaakutika bwakalinga kwaamba Paulo. Ono Paulo ndyaakabona ayi musankwa uyo ulicite lushomo lwakwaamba ayi ashilikwe, wakamulangishisha.

Milimo ya Batumwi 15:33

Ndibakekalako nsondo shiniini, bashomi bakabalasha ayi beende muluumuno, mpeeke bakaboolela kubaabo bakabatuma. [

Milimo ya Batumwi 16:36

Lyalo shikulindilila wakaambila Paulo ayi, “Boomboloshi batumya maswi ayi webo aSailasi mwaangululwe. Aboobo kamuya mweendebo muluumuno.”

Jemusi 2:16

umwi pakati kanu na wamwaambila ayi, “Lesa akupe coolwe ucane shakulifweka acakulya,” sombi wabula kumupa shiyandika, ino ici inga camucafwanshi?

1 Samwelo 1:17

Eli wakaamba ayi, “Koya muluumuno alimwi Lesa wa bene Isilaeli aakupe ncewamusenga.”

1 Samwelo 20:42

Jonasani wakaambila Defedi ayi, “Koya muluumuno, ceebo twakashomeshanya kuba beshicibusa muliina lya Mwaami Lesa, nditwakaamba ayi, ‘Mwaami Lesa ngokamboni pakati kangu awebo, pakati ka bamulunyungu lwangu abaako lyoonse.’ ” Lyalo Defedi wakanyamuka waya, alakwe Jonasani wakaboolela kundabala.