Maako 4:28 - Baibo Busansulushi Bwa Libuku Ili

²⁸ Bulongo bwiine mbobukulisha mumeno akuulengesha kwaamba ayi ucate. Citaanguna ncibuba, kuboolaawo njimifuko, pesule mifuko ndyeiba anseeke.

Maako 4:28 Marejeleo ya Msalaba

Osiya 6:3

Ncakwiila atwishibe Mwaami Lesa. Atweeleshe cankusu kumwishiba. Ulaakuboneka kuli ndiswe bweenka buswa lisuba macuunsa. Ee, ulaakwisa kuli ndiswe akutupa coolwe bweenka bwisa mfula meensa, ncakwiila bweenka mbuli mfula itontosha inshi.”

Bene Kolose 1:10

Lyalo mulaakwikala buumi busuni Mwaami akumusangalasha lyoonse. Kwiinda mukucita milimo ibotu ipusenepusene. Buumi bwanu bulaakubonesha shisepo shibotu alimwi lushibo lwanu lwa pali Lesa lulaakufulilaako.

Bene Filipi 1:6

Ndishinishite kwaamba ayi Lesa wakatalika ncito ibotu muli ndimwe ulaakutolelela akwiimanishisha paBushiku ubo aakuboola Klistu Jesu.

Mateyo 13:26

Ono maila alya ndyaakakula akutalika kusapuka ayalo misonde yakaboneka.

Isaya 61:11

Ono bweenka bulongo mbobumenesha shishango, ee, bweenka muunda mbookusha shakashangwaamo, mbweeke ubo Mwaami Lesa Shinkusu shoonse mbweshi akaboneshe bululami abulemu bwakwe pameenso amishobo imwi yoonse.

Shikushimikila 3:11

Wakalengesha shintu shoonse kubota mushiindi sha nshisho. Ono wakatupa miyeeyo yakusuna kwishiba shakunembo, sombi taatupi lushibo lukwene pashintu nshaakacita asheesho nsheshi akacite.

Shikushimikila 3:1

Shintu shoonse shicitika pacishi ca panshi shilicite ciindi ca nshisho.

Tushimpi 4:18

Nshila ya baluleme ili anga ngumumuni wa kumuyamaca uyo uya ciindaawo kutuba kushikila lisuba lyaswa.

Kulumbaisha 1:3

Lakwe uli anga ncisamu cishangitwe kufwaafwi akalonga ka maanshi, ico cicata shisepo paciindi ceelete, alimwi cicite matewu atayumi. Mushintu shoonse nshaacita, lakwe ulaswitilila.

Matalikilo 2:9

Mpeeke wakalengesha ayi mumene shisamu shibotu akucata shisepo shibotu. Sombi pakati ka muunda pakalinga kwiimfwi cisamu cipa buumi, acisamu cipa lushibo lwa bubotu abubi.

Maako 4:27

Uloona mashiku alimwi akubuka macuunsa na bwaca, sombi coonse ciindi ici imbuto shitoomena akuya cikula, kaateshi ambocicitika.

Maako 4:29

Na shapya, muntu uyo ulatalika kucesa mukwiinga ciindi cakutebula cashikila.”