Maako 4:19 - Baibo Busansulushi Bwa Libuku Ili

¹⁹ sombi shintu sha mucishi ca panshi, kusuna bubile alimwi ashintu shimwi shakulikondelesha, shilafulunganya maswi akwe Lesa, aboobo tabacati shisepo.

Maako 4:19 Marejeleo ya Msalaba

Tushimpi 23:4

Utalipenshi kuyanda kubila, tondesha busongo bwakulicata.

Tushimpi 23:5

Bubile nabi wabucana mbwa ciindi ciniibo. Ndushinisho bulaakuba amapapaminwa akuuluka anga ngumumbankwashi.

Shikushimikila 4:8

Kwakalinga musankwa uyo wakalingabo eenka. Taakalinga kucitewo mwaana musankwa nabi mukwabo. Wakalinga kusebensa cakutookeshaawo, nakubi boobo taakwe kukondwa abubile ubo mbwaakalinga kucite. Wakeepusha ayi, “Ino ngani ngoontoosebensela? Ino ceebonshi ntoolikasha kusangalala?” Ici acalo taaku mbocibete, ee, uku nkupengelabo kapongo kafwite!

Isaya 5:2

Wakaulima akukushaamo mabwe oonse. Lyalo wakashangaamo minyansa iindaawo kubota. Mumuunda uyo wakayakaamo katungu akukabaamo cilindi cakutyaninaamo minyansa. Wakalinga kushomete ayi mulaakuswa shisepo shibotu, sombi mwakaswa minyansa iyo yakalinga kusakamwita.

Isaya 5:4

Ino nciinshi cimwi ciinda mbondakacitila muunda wangu ico ncendakalinga kweelete kuucitila? Nebo ndakalinga kulangila ayi mulaakucata minyansa ibotu. Ceebonshi mwakacata minyansa isakamwita?

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

Mateyo 19:23

Lyalo Jesu wakaambila bashikwiiya bakwe ayi, “Ntoomulwiita calushinisho ayi, nciyumu abuumbi muntu mubile kwinjila muBweene bwa kwiculu.

Mateyo 3:10

Bulya keembe kakutimbwishako shisamu kumiyanda kalibambitwe kale. Aboobo, cisamu coonse citacati shisepo shibotu, cilaakutemwa akuwaalwa mumulilo.

Maako 4:18

Bamwi bali anga nimbuto yakashangwa mumyuumfwa. Aba mbobaabo banyumfwa maswi akwe Lesa,

Luka 10:41

Mwaami Jesu wakamukumbula ayi, “Malita, Malita walisukama akupenshekwa ashintu shiinji!

Luka 21:34

“Amucenjele kwaamba ayi mutabi bantu basunibo kulya mumibala, bacakolwa alimwi balisukamabo shintu sha buumi bwa panshi pano mukwiinga inga bushiku bulya bwamucana kamutalibambite.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

Bene Efeso 2:2

Paciindi ico mwakalinga kweenda munshila sha bantu bakunsengwe. Mwakalinga kukonkela mweendeleshi wa bashikaswa wa muluuwo, mushimu ubiibi uyo weendelesha bantu batanyumfwili Lesa.

Bene Efeso 6:12

Mukwiinga tatutoolwana abantu, sombi tutoolwana ankusu sha mishimu ibiibi ya mwiculu, iyo yeendelesha alimwi icite nkusu, mishimu iyo yeendelesha bantu munshiku shino shili anga ngumunshinshe.

Bene Filipi 4:6

Mutanoolisukama pacintu nabi comwi, sombi mumipailo yanu yoonse amusenge shintu shoonse nshemutacite kuli Lesa. Kamusenga amoyo wakulumba lyoonse.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

2 Timoti 4:10

Ceebo Dimasi wakanshiya mukwiinga wakasunisha shacishi ca panshi cino. Paceebo ceeco wakaya kuTesalonika. Kilesensi wakaya kuGalatiya alakwe Taitasi kuDalumatiya.

2 Pita 1:8

Na mulicite shintu ishi alimwi akutolelela kuya cibikilaawo ashimwi, teshi mukabe batolo, batacite mpindu mulushibo lwa Mwaami wesu Jesu Klistu.

Judi 1:12

Bali anga ngamatombe mushakulya shapakusekelela mubwanabwankashi. Mbantu balyabi, bayeeyabo shabo beene. Bali anga ngamakumbi atolaanishikwabo amuuwo, sombi taaleti mfula. Alimwi bali anga nshisamu shitacati shisepo na cashikila ciindi, nabi shisamu shakashulwa akuyuma cakumaninina.