Maako 4:16 - Baibo Busansulushi Bwa Libuku Ili

¹⁶ Bamwi bali anga nimbuto isho shakalokela pabulongo bwa mabwe. Banyumfwabo maswi akwe Lesa, baleendililabo kwaatambula cakusangalala.

Maako 4:16 Marejeleo ya Msalaba

Luka 8:13

Isho mbuto shakalokela pabulongo bwa mabwe shileemikanina baabo banyumfwa maswi akwe Lesa akwaatambula cakusangalala. Sombi taanjili cankusu mumyoyo yabo, balashoma ciindi ciniini, aboobo na basunkwa balawa.

Maako 6:20

ceebo Elodi wakalinga kulemeka Joni camaansa obilo. Wakalinga kwishi kwaamba ayi ngumuntu ululeme alimwi usalalite, aboobo wakamulama. Nakubi kwaamba ayi Elodi wakalinga kupenshekwa mumoyo na wanyumfwa Joni kaamba, wakalinga kusuni kumukutika.

Joni 5:35

Joni Mubombeki wakalinga mbuli lilampi lyakalinga kumunika, alimwi mwakakondwa kwaciindi ciniini mumumuni wakwe.

Milimo ya Batumwi 8:13

Alakwe Simoni wakashoma akubombekwa. Lyalo wakalinga kweendabo aFilipo ceebo wakakankamana ndyaakabona shitondesho sha nkusu sha kwiculu ashaankamiko nshaakalinga kucita.

Milimo ya Batumwi 26:28

Lyalo mwaami Agilipa wakeepusha Paulo ayi, “Sa utooyeeya ayi mumaswi aniinibo aya inga wansandula kuba mwine Klistu?”

Mateyo 13:5

Shimwi shakalokela pabulongo bwa mabwe. Imbuto ishi shakafwambaana kumena ceebo bulongo bwakalingabo peculu.

Maako 4:15

Bantu bamwi bali anga nimbuto isho shakalokela munshila. Bamanabo kunyumfwa maswi akwe Lesa, Satana ulesa waakushaamo.

Maako 4:17

Sombi maswi taanjili cankusu mumyoyo yabo, aboobo taakaali ciindi. Makatasho nabi mapensho na abapolela ceebo ca maswi akwe Lesa, balatentuka kufwambaana.