Maako 3:8 - Baibo Busansulushi Bwa Libuku Ili

⁸ Jelusalemu, Idumeya alimwi akwicwe lya Joodani. Bamwi bakaswa kulubasu lwa mandabala anene a Taya aSidoni. Boonse aba bantu bakaya kuli Jesu mukwiinga bakanyumfwa shintu shoonse isho nshaakalinga kucita.

Maako 3:8 Marejeleo ya Msalaba

Kulumbaisha 45:12

Bantu ba kuTaya balaakukuletela shipo, abalo babile balanoolibotelesha kuli ndiwe ayi utabapaati.

Kulumbaisha 87:4

Lesa ulaamba ayi, “Ndaakulemba Ijipiti, Babiloniya, Filisitiya, Taya aKushi, pakati ka mishobo ya baabo banyumfwila.” Lyalo cilaakwaambwa ayi, “Uyu wakashalilwa mundabala ya Siyoni.”

Isaya 34:5

Ono mupeeni wangu neMwaami Lesa walibambila kale kunyonyoola. Ncakwiila ulaakwisa mukupa mulandu bene Edomu, bantu abo mbondakaamba cakushinisha ayi balyeelete kunyonyoolwa.

Esekelo 35:15

Cilaakusangalala bweenka webo mbowakasangalala cishi ca Isilaeli, ee, cishi cangu, ndicakanyonyoolwa. Ulaakuba luyanga, oKalundu ka Siya, ee, webo a cishi ca Edomu coonse. Lyalo bantu boonse ndyeshi bakeshibe ayi nebo ndi Mwaami Lesa.”

Esekelo 36:5

“Nebo neMwaami Lesa Shinkusu shoonse ndaamba ayi, ‘Ntookalalila mishobo imwi yoonse mubukali bwangu buyoosha, bunene bunene kwaambila bene Edomu. Ntoocita boobo ceebo bakabwesa cishi cangu kwaamba ayi basaale mafulo a ncico cakusangalala amusebaanyo.’

Mateyo 11:21

Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Mateyo 4:25

Lyalo bantu baanji baanji bakamukonkela kuswa kuGalili akuMandabala ali Likumi, kuJelusalemu akuJudeya alimwi akwitala lya Joodani.

Maako 7:24

Lyalo Jesu ndyaakaswaako uko, wakaya kunyinsa ya mandabala anene a Taya aSidoni. Wakenjila muŋanda imwi umo mwaakalinga kusuni kwaamba ayi ekale cakuteshiba bantu. Nakubi boobo bantu bakeshiba ayi mwaali muŋanda.

Maako 7:31

Jesu ndyaakaswaako kucishi ca Taya akuboolela kuLweenge lwa Galili, wakeenda mundabala inene ya Sidoni akuya mukwiinda mucishi ca Mandabala ali Likumi.

Luka 6:17

Jesu ndyaakakunkuluka pakalundu pantu pomwi abatumwi, wakeemikana paselebete. Pakalinga likoto linene lya bashikwiiya bakwe alimwi alikoto linene lya bantu bakaswa kumbasu shoonse sha kuJudeya akuJelusalemu. Bamwi bakaswa kumandabala anene a Taya aSidoni, akalinga muloombe lwa lweenge.

Joshuwa 15:1

Cishi cakapekwa mukowa wakwe Juda kwiinda mushipani shabo, cakalinga kushika kucishi ca Edomu kuya kumalenge a luyanga lwa Sini.

Joshuwa 15:21

Anu mandabala anene akalinga kumalenge lya Edomu kwiine ngobakapekwa nguKabisilu, Eda, Jaga,