Maako 3:5 - Baibo Busansulushi Bwa Libuku Ili

⁵ Jesu wakakalala ndyaakabalangilisha, sombi wakabafwita nkumbu ceebo cakuyuma kwa myoyo yabo akuluba. Mpeeke wakaambila musankwa uyo ayi, “Fungulula lyaansa lyako.” Wakalifungulula, mpomunyaawo lyakaba kabotu alimwi.

Maako 3:5 Marejeleo ya Msalaba

Matalikilo 6:6

wakafwa nsoni kwaamba ayi wakalenga bantu akubabika pacishi ca panshi. Mpeeke cakamucisa abuumbi kumoyo.

1 Baami 13:6

Mwaami Jeloboamu wakaambila mulaluki ayi, “Ndakusenga mpailileeko kuMwaami Lesa wako kwaamba ayi alengeshe lyaansa lyangu kuba kabotu!” Mpeeke mulaluki wakapaila kuMwaami Lesa, lyalo lyaansa lya mwaami lyakaba kabotu.

Neyemiya 13:8

Ndakakalala abuumbi akusoweela shintu shakwe Tobiya shoonse pansengwe lya cipinda ico.

Kulumbaisha 95:10

Ndakalinga kukalalite pabantu abo kwamyaaka makumi one. Ndakaamba ayi, “Aba bantu tabashomeki abuumbi! Bakaka kukonkela milawo yangu.”

Mateyo 12:13

Mpomunyaawo Jesu wakaambila muntu uyuminite lyaansa ayi, “Fungulula lyaansa lyako.” Mpeeke wakalifungulula, lyalo lyakaba kabotu bweenka mbuli libye.

Maako 3:4

Wakeepusha bantu ayi, “Ino Milawo ilatusuminisha kucitanshi pabushiku bwakookesha bwa Cibelu? Kucita cibotu nabi kucita cibiibi kumuntu? Kupulusha buumi bwa muntu nabi kubunyonyoola?” Sombi taaku ncebakaambaawo.

Luka 13:15

Lyalo Mwaami Jesu wakamukumbula ayi, “Mwebo nobantu nomwaamba nshemutaciti! Ngani mulikoto weenga taacalwiti musune nabi mbongolo yakwe mucimpati akwiitola mukunwa maanshi pabushiku bwakookesha bwa Cibelu?

Luka 17:14

Jesu ndyaakababona wakabaambila ayi, “Kamuya kubapailishi bakamuboone ayi mwaba kabotu.” Lyalo ndibakalinga kuya bweenda munshila, bakaba kabotu.

Luka 6:10

Amane kwaamba boobo wakalangilisha bantu boonse bakalinga mucoonde ca baJuda, mpeeke wakaambila musankwa uyo ayi, “Fungulula lyaansa lyako.” Alakwe wakalifungulula, lyalo lyakaba kabotu.

Joni 9:7

Lyalo wakamwaambila ayi, “Koya ukasambe kumeenso mulishiba lya Sailomu.” (Ili liina lilaamba ayi, “Kutumwa.”) Aboobo musankwa uyo wakaya wasamba akuboolela kaabona.

Bene Loma 11:25

Nobamakwesu, kuli cikani cimwi calushinisho ico calinga kushishitwe nceensuni kwaamba ayi mwishibe, na mucishibe mutoocileka kulibona busongo. Cikani ico nceeci, cimpamya cicite bene Isilaeli bamwi teshi cikatolelele, sombi balaakushoma na baswamashi bakunsengwe bakasalwa, bakasanduke kuswa kushibiibi shabo akushoma Lesa.

2 Bene Kolinto 3:14

Ncakwiila maano abo alicalitwe ceebo kushikila sunu cisani ceenka ico cilafweka maano abo ndibabelenga Cipangano ca Kale kale. Cisani cilakushikwabo na muntu wekala muli Klistu.

Bene Efeso 4:18

alimwi miyeeyo yabo icili mumunshinshe. Bantu abo tababeteko lubasu kubuumi ubo Lesa mbwaapa mukwiinga taaku ncebeshi alimwi mukwiinga mbeshicimpamya.

Bene Efeso 4:26

Ono na mwakalala, kukalala kwanu kutamulengeshi kubisha alimwi tamweelete kukalala cakwipisha lisuba.

Bene Efeso 4:30

Mutalengeshi Mushimu Usalashi wakwe Lesa kuungumana mukwiinga ncecishibilo cakwe Lesa cakwaamba ayi muli bantu bakwe kushikila pabushiku bwa lupulusho.

Bene Ebulu 3:10

Aboobo, ncendakakalalila bantu abo akwaamba ayi, ‘Lyoonse balakusha myoyo yabo kuli ndime, alimwi balakaka kukonkela milasho yangu lyoonse.’

Bene Ebulu 3:17

Ino mbaani abo bakakalasha Lesa myaaka ili makani one? Mbantu abo bakabisha akufwita muluyanga.

Bene Ebulu 5:9

Ndyaakamanisha mulimo wakwe woonse, wakaba nshila ya lupulusho lutamaani kubaabo boonse bamunyumfwila.

Ciyubululo 6:16

Bakaambila tulundu alimwi amyaandami ayi, “Amutuwiite kwaamba ayi mutushiseeko kuli wooyo ushiite pacuuna ca bwaami alimwi akubukali bwa Mwanaambelele!

Boomboloshi 10:16

Kuswawaawo bakacileka kukonkela balesa bamwi akutalika kusebensela Mwaami Lesa alimwi. Aboobo wakabafwita nkumbu kumapensho ngobakalinga kucite.

1 Samwelo 20:34

Jonasani wakanyamukaawo pacakulya kaaya cisuntabo kubukali. Pabushiku bwabili mumweenshi ubo Jonasani taakwe kulyaawo mukwiinga wakulisebaanya baishi nkobakacita pacikani cakwe Defedi.