Maako 3:10 - Baibo Busansulushi Bwa Libuku Ili

¹⁰ Mukwiinga bakanyumfwa ayi Jesu wakashilika baanji, boonse balwashi bakalinga kuya cilimbana kuli nguwe kwaamba ayi mpashi inga bamukumya akuba kabotu.

Maako 3:10 Marejeleo ya Msalaba

Matalikilo 12:17

Sombi ceebo cakwaamba ayi mwaami wakabwesa muka Abulamu, Mwaami Lesa wakatuma malwashi ayoosha kuli nguwe akubaabo boonse bamuŋanda yakubwalo.

Shakubelenga 11:33

Ono ndibakalinga kucicitebo nyama iinji yakulya, Mwaami Lesa wakakalalila bantu akuleta mwaalu pakati kabo.

Mateyo 12:15

Ono Jesu ndyaakeshiba miyeeyo yabo, wakaswaako uko. Mpomunyaawo bantu baanji baanji bakamukonkela, lyalo wakashilika baabo boonse bakalinga kuciswa.

Mateyo 14:14

Jesu ndyaakasubuka, wakabona bantu baanji baanji kababungene. Lyalo wakabanyumfwila nkumbu akushilika balwashi mbobakalingaabo.

Mateyo 14:36

akumusenga ayi asuminishe balwashi kukumyabo cakufwala cakwe. Lyalo boonse bakakumyaako, bakaba kabotu.

Mateyo 4:23

Jesu wakeenda mucishi coonse ca Galili kuya ciisha mushoonde sha baJuda, akushimikila Makani Abotu a Bweene bwa kwiculu alimwi akuya cishilika malwashi apusenepusene.

Maako 5:34

Jesu wakamwaambila ayi, “Nankashi, lushomo lwako lwakupulusha kubulwashi. Koya muluumuno, waba kabotu cancinencine.”

Maako 6:56

Ncakwiila, kuli koonse nkweenga weendila na washika mumishi, mumandabala anene nabi mumitala, bantu bakalinga kutola balwashi kumisena yakalinga kucanika bantu baanji. Lyalo bakamusenga ayi asuminishe balwashi kukumyabo cakufwala cakwe. Lyalo boonse bakakumyaako, bakaba kabotu.

Maako 8:22

Jesu abashikwiiya bakwe bakashika kuBetisaida. Mpeeke kwakesa bantu bamwi bakaleta musankwa moofu kuli Jesu akusenga ayi amucaate amaansa.

Luka 5:3

Jesu wakenjila mubwaato bomwi ubo bwakalinga bwakwe Simoni, mpeeke wakamusenga ayi abushindike kwaamba ayi butalamukeeko kuswa muloombe. Mpomunyaawo wakekala mubwaato watalika kwiisha bantu abo.

Luka 6:19

Bantu boonse bakalinga kweelesha kumukumya, mukwiinga nkusu shakalinga kuswa muli nguwe, shakalinga kubashilika boonse.

Luka 7:2

Kwakalinga mutanjilili umwi wa bashilumamba mwaanda wakalinga kucite musebenshi ngwaakalinga kusuni abuumbi. Uyo musebenshi wakalinga kuciswa cakufwa.

Luka 7:21

Paciindi ceenka ico Jesu wakashilika bantu baanji kumalwashi apusenepusene, kumapensho, kukusha bashikaswa alimwi wakabonya boofu baanji.

Milimo ya Batumwi 5:15

Ceebo ca shitondesho sha nkusu sha kwiculu shakacita batumwi, bantu baanji bakatola balwashi baanji akubooneka pamalo ampasa mumikwakwa mucanika bantu baanji kwaamba ayi Pita pakwiinda, cimfule cakwe mpashi inga ceenda pabalwashi bamwi.

Bene Ebulu 12:6

Ceebo Mwaami ulalulamika muntu woonse ngwaasuni, alimwi ulooma mwaana uli woonse ngwaatambula.”