Maako 2:26 - Baibo Busansulushi Bwa Libuku Ili

²⁶ Nshiku isho Abyata ndyaakalinga mupailishi munene, Defedi wakenjila muŊanda yakwe Lesa akulya cimaande cisalalite. Wakalya cimaande ico cakalinga kulyabo bapailishi kweelana aMilawo akupaako babye.”

Maako 2:26 Marejeleo ya Msalaba

2 Samwelo 15:24

Alakwe Sadoki wakalingaawo abene Lefi boonse abo bakalinga kunyamwite Libokoshi lya Cipangano ca Mwaami Lesa. Mpeeke bakatula Libokoshi ilyo panshi kushikila bantu boonse bamana kuswa mundabala inene ya Jelusalemu. Alakwe Abyata wakalingaawo.

2 Samwelo 15:29

Mpeeke Sadoki aAbyata bakaboosha Libokoshi lya Cipangano ca Mwaami Lesa kuJelusalemu akwikala.

2 Samwelo 15:35

Cabota ncakwaamba ayi Sadoki aAbyata bapailishi nkobali kweenka uko. Inga koobalwiita cili coonse nceenga wanyuumfwa kuŋanda ya bwaami.

2 Samwelo 20:25

Shefa wakalinga ngomulembi wa kubwalo. Bapailishi bakalinga Sadoki aAbyata,

2 Samwelo 8:17

Bapailishi bakalinga Sadoki mwanaakwe Aitubu aAimeleki mwanaakwe Abyata. Selaya ngowakalinga ngomulembi wa kubwalo.

1 Baami 1:7

Mpeeke Adonija wakanyumfwana aJoabu mwanaamwanakashi wiitwa ayi Seluiya alimwi aBiyata mupailishi. Abalo bakasumina kumucafwa mucikani ico.

1 Baami 2:22

Mwaami Solomoni wakeepusha ayi, “Nceebonshi mulisuni kwaamba ayi nsuminishe Adonija kweeba Abishagi? Sa te kunembo inga mwamusengela acuuna ca bwaami? Kuteelabo waawo, Adonija ngumunene wangu, alimwi Abiyata mupailishi aJoabu mwanaakwe Suluiya bali kulubasu lwakwe.”

1 Baami 4:4

Mutanjilili wa bashilumamba wakalinga Benaiya mwanaakwe Jeoiyada. Bapailishi bakalinga Sadoki aAbiyata.

1 Makani 24:6

Mpeeke Shemaya mulembi mwanaakwe Netanelo wakalemba meenaabo pameenso a mwaami, bacinenenene, Sadoki mupailishi, Aimeleki mwanaakwe Abiyata alimwi abamatanjilili ba bamumaanda a bapailishi alimwi abene Lefi. Cisolo cakalinga kuuma koonse koonse, nkokwaamba ayi ŋanda yomwi pabamulunyungu lwakwe Eliyasa, ŋanda yomwi pabakwe Itama.

Mateyo 12:4

Wakenjila muŊanda yakwe Lesa, lakwe ababye bakalya cimaande cakasalashikwa, nabi tecakalinga kusuminishitwe muMilawo. Cimaande ico cakalinga kulyabo bapailishi.

Maako 2:25

Jesu wakabakumbula ayi, “Sa tamuna kubelengaawo cakacita Defedi ciindi lakwe ababye ndibakanyumfwa nsala kabatacite cakulya?

1 Samwelo 21:1

Mpeeke Defedi wakaya kumupailishi Aimeleki kuNobu. Aimeleki wakaswa ayi akumanye Defedi kaatutuma akumwiipusha ayi, “Ino weenda buyani weenka sunu kwisa kokuno?”

1 Samwelo 23:6

Ono Abiyata mwanaakwe Aimeleki ndyaakaloboka akuya mukwikala aDefedi muKeila, wakabwesa acakufwala ca bupailishi ciitwa ayi efodi akuyaaco.

1 Samwelo 23:9

Defedi ndyaakeshiba ayi Saulo utooyeeya kumulwana, wakaambila Abiyata mupailishi ayi, “Leta efodi.”