Maako 2:20 - Baibo Busansulushi Bwa Libuku Ili

²⁰ Sombi ciindi cilaakushika shibwiinga ndyeshi akakushikweewo pali mbabo. Paciindi ico ndyeshi bakalikashe kulya.

Maako 2:20 Marejeleo ya Msalaba

Luka 17:22

Lyalo wakaambila bashikwiiya bakwe ayi, “Cilaakushika ciindi ndyeshi mukayande kubona nabibo bushiku bomwi bwa nshiku sha MwanaaMuntu, sombi teshi mukabuboneewo, sobwe.

Ciyubululo 21:9

Umwi munjelo pabaabo bali bosanwe abobilo bakalinga kucite mbale shifongomene shili shosanwe ashobilo, isho shakalinga kuswite myaalu yamamanino ili yosanwe ayobilo, wakesa mukundwiita ayi, “Kosa nkuboneshe mwanakashi uyo weshi akeebwe kuMwanaambelele.”

Ciyubululo 19:7

Atusangalale akukondwa, tulumbaishe bulemu bwakwe! Mukwiinga ciindi cakusekelela bwiinga bwa Mwanaambelele cashikila, alakwe mwanakashi ngwaatokweeba walibambila kale.

2 Bene Kolinto 11:27

Lyoonse ndakalinga kuyuwaana, mankanda maanji nshindakalinga koona tulo. Liinji liinji ndakalinga kufwabo nsala anyotwa. Alimwi liinji ndakalinga kubula shakulya, kufwa mpewo mukubula ŋanda ashakufwala.

2 Bene Kolinto 11:2

Ndamufwita munyono bweenka mbuli Lesa. Mwebo muli anga ngumooye utana kukumanawo kale amusankwa, uyo ngondakamamikisha kumusankwa womwibo, Klistu.

1 Bene Kolinto 7:5

Tamweelete kukakilana, sombibo na mwasuminishanya kwiimikana kwaciindi ciniini kwaamba ayi mubebo aciindi cakupaila. Camanabo ciindi cakupaila mulyeelete kutalika kukumana alimwi kwaamba ayi Satana atamusunki ceebo cakwaalilwa kulicata.

Milimo ya Batumwi 14:23

Bakasala bamatanjilili ba mushoonde comwi acomwi. Ndibakamana kupaila akulikasha kulya, bakababika mumaansa a Mwaami Jesu uyo ngobakashoma boonse.

Milimo ya Batumwi 3:21

Lakwe ulyeelete kunooli kwiculu kushikila ciindi shintu shoonse shikalengwe cipya, kweelana abwakaamba Lesa kalekale, kwiinda mubalaluki bakulukulu basalalite.

Milimo ya Batumwi 1:9

Ndyaakamana kwaamba boobo, wakatolwa kwiculu boonse kabamubwene. Mpeeke likumbi lyakamufwekelesha bacileka akumubona.

Joni 17:13

Ono ntoosa kuli ndimwe, nakubi boobo ndaamba makani aya kaancili mucishi ca panshi kwaamba ayi basangalale abuumbi bweenka mbuli mboonsangalete.

Joni 17:11

Ono ntoosa kuli ndimwe, teshi nooli mucishi ca panshi, sombi balo mobacili. Ta noMusalalite, amubalaame munkusu sha liina lyanu ndimwakampa, kwaamba ayi abalo babe womwi bweenka swebo mbotuli womwi.

Joni 16:28

Ncakwiila ndakaswa kuli baTa akwisa mucishi ca panshi, alimwi bulya ntooswa mucishi akuboolela kuli baTa.”

Joni 16:7

Ntoomulwiita calushinisho ayi ncibotu abuumbi kuli ndimwe kwaamba ayi nje. Mukwiinga na mbule kuya Mucafwi teshi akese kuli ndimwe. Sombi na nje, ndaakumutuma kuli ndimwe.

Joni 13:33

Nobana bangu, ndanooli amwebo kwaciindi ciniini. Mulaakunangoola, sombi ntoomulwiita bweenka mbondakalwiita baJuda ayi, ‘Uko nkoontooya, mwebo inga tamuyiiko.’

Joni 3:29

Uyo ucite nabwiinga ngushibwiinga. Nakubi boobo mubye shibwiinga uleemikana pafwaafwi akumukutika. Na wanyumfwa liswi lyakwe ulasangalala abuumbi. Mbweeke ubo anebo ndasangalala abuumbi.

Mateyo 26:31

Jesu wakaambila bashikwiiya bakwe ayi, “Sunu lyeenka mashiku, mwebo noonse mutotyongola akunshiya neenka. Kweelana ambokulembetwe ayi, ‘Ndaakucaya mweembeshi, mpeeke mbelele shoonse shilaakupalangana.’

Sekaliya 13:7

Mwaami Lesa Shinkusu shoonse waamba ayi, “Nyamuka, webo omupeeni ulwane mweembeshi wangu! Ee, umulwaane uyo unsebensela. Umucaaye, lyalo mbelele shitoopalangana. Nebo nemwiine ntoolwana bantu bangu.

Isaya 62:5

Bweenka musankwa cikula bwangu mbwaaeba mwanakashi mooye, mbweeke ubo alakwe Mwaami Lesa mbweshi akakweebe. Bweenka shibwiinga mbwaasangalala pali nabwiinga wakwe, mbweeke ubo alakwe Mwaami Lesa mbweshi akanoosangalala pali ndiwe.

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Lwiimbo lwakwe Solomoni 3:11

Amuswe nobanakashi ba kuSiyoni. Kamwisa mweebele mwaami Solomoni. Kamwisa mubone mushini wa bwaami ngwaafwete kumutwi uyo wakamushiila banyina ayi afwale pabushiku bwa bwiinga bwakwe. Ncakwiila pabushiku ubo moyo wakwe ndiwakasangalala abuumbi.

Kulumbaisha 45:11

Lyalo kubota kwako kulaakulengesha mwaami kukusuna. Ulyeelete kunoomupa bulemu ceebo bulya ngumwaami wako.

2 Bene Kolinto 6:5

Mukuumwa, mukwaangwa, mumanyonyongano, mukusebensa cankusu, mukutoona tulo amunsala.

Joni 12:8

Bakandu muli abo nshiku shoonse, sombi nebo teshi nooli anu lyoonse.”

Mateyo 9:15

Jesu wakabakumbula ayi, “Sa babye shibwiinga inga balila shibwiinga kaacili abo? Sobwe! Sombi ciindi cilaakushika shibwiinga ndyeshi akakushikweewo pali mbabo. Paciindi ico ndyeshi bakalikashe kulya.

Maako 2:19

Jesu wakabakumbula ayi, “Sa inga babye shibwiinga bafwa nsala shibwiinga kaacili abo? Sobwe! Kulilabo shibwiinga kaali abo, inga tabakoonshi kufwa nsala.

Maako 2:21

“Taaku muntu utunga cimami ca nsalu ipya pacakufwala cikulukulu. Ceebo cimami cipya mukukokonyana, nsalu ikulukulu ilakwamuka mweenka mwakeela cimami. Aboobo cilyango cilakomenenaako.

Luka 5:35

Sombi ciindi cilaakushika shibwiinga ndyeshi akakushikweewo pali mbabo, lyalo paciindi ico ndyeshi bakalikashe kulya.”