Maako 2:16 - Baibo Busansulushi Bwa Libuku Ili

¹⁶ Lyalo bafundishi ba Milawo, baFalisi, ndibakabona ayi utoolya abantu aba, bakeepusha bashikwiiya bakwe ayi, “Ino utoolitanshi abeshikusonkesha alimwi abantu batakonkeli Milawo yakwe Mose?”

Maako 2:16 Marejeleo ya Msalaba

Isaya 65:5

Kuswawaawo balaambila bamwi ayi, ‘Kamusoonoka, mutaseni pafwaafwi anebo mukwiinga ndisalalite abuumbi cakwaamba ayi mwebo tamukonshi kuncata!’ Bantu bamushobo uyo bancimabo anga mbwiishi bwenjila mumashono. Bukali bwangu pali mbabo bulibo anga ngumulilo utashimiki.

Mateyo 18:17

Ono na wakaka kubanyumfwila abalo, ulwiite bantu ba mucoonde. Ono na wakaka kunyumfwila abamucoonde boonse, amumucitebo anga ngumuntu wa kunsengwe nabi musonkeshi.

Mateyo 5:46

Ono na kamusunibo bantu abo bamusuni, nkokwaamba ayi ncilambunshi nceenga mwatambula? Te abalo beshikusonkesha musonko balacita ubo?

Mateyo 9:11

Ono baFalisi ndibakabona boobo, bakeepusha bashikwiiya bakwe Jesu ayi, “Ino mufundishi wanu utoolitanshi abeshikusonkesha alimwi abantu batakonkeli Milawo yakwe Mose?”

Maako 2:15

Ono Jesu wakalinga kulya muŋanda yakwe Lefi. Beshikusonkesha abantu batakonkeli Milawo yakwe Mose bakalya anguwe abashikwiiya bakwe mukwiinga bantu baanji ba mushobo uyo bakamukonkela.

Maako 2:7

“Ino uyu muntu utokwaambilanshi bobulya? Nkucobola Lesa uku! Ngani weenga walekelela shibiibi? Sa te nguLesa eenkabo?”

Luka 18:11

“Mpomunyaawo muFalisi wakanyamuka akupaila ayi, ‘Ndamulumba nobaLesa ceebo nshibete mbuli bamwi bantu boonse bapambi, bataluleme nabi beshibulale alimwi ndalumba ceebo nshibete mbuli musonkeshi uyu.

Luka 19:10

Ceebo MwanaaMuntu wakesa mukuyandoola akupulusha basowekete.”

Luka 19:7

Lyalo bantu boonse bakabona cikani ici bakatalika kutongooka akwaamba ayi, “Amubone muntu uyu waya mukushikila kuŋanda ya mucita shibi.”

Luka 5:30

BaFalisi bamwi abafundishi ba Milawo ba mulikoto lyabo, bakatalika kutongookila bashikwiiya bakwe Jesu ayi, “Ino mutoolitanshi akunwa pantu pomwi abeshikusonkesha alimwi abantu batakonkeli Milawo yakwe Mose?”

Milimo ya Batumwi 23:9

Lyalo ciyobeyobe cakakomena. Mpeeke bafundishi ba Milawo abo bakalinga kulubasu lwa baFalisi bakanyamuka akupikisha cankusu ayi, “Taaku cintu cibiibi nabi comwi ncetwacana mumuntu uyu! Mpashi ngumushimu nabi munjelo ngowakamulwiita shakwaamba.”

1 Bene Kolinto 2:15

Muntu ucite Mushimu Usalashi ulakonsha kwishiba bubi abubotu bwa shintu shoonse alimwi taaku weenga wamukasha.

Bene Ebulu 12:3

Amuyeeye mbuli mbwaakapenshekwa ceebo ca lupato lunene abuumbi lwa bamucita shibi! Anu amwebo mutatyongoli akucileka kushoma.