Maako 2:1 - Baibo Busansulushi Bwa Libuku Ili

¹ Ndipakeenda nshiku shiniini, Jesu wakaboolela muKapenaumu alimwi bantu bakanyumfwa ayi nkwaali kuŋanda.

Maako 2:1 Marejeleo ya Msalaba

Mateyo 4:13

Wakashiya ndabala ya Nasaleti akuya mukwikala mundabala ya Kapenaumu, yakalinga muloombe lwa lweenge mushishi sha Sebuluni aNafutali.

Mateyo 9:1

Jesu wakenjila mubwaato akusubuka lweenge kushika kumushi kumishaabo.

Maako 1:45

Ono lakwe uyo wakaba kabotu wakalingooyabo cishimika kubantu boonse. Ncakwiila kwaamba kwakwe kwakalenga ayi Jesu atalike kweenda cakuyubayuba mundabala alimwi wakalinga kwikala kulaale amishi. Nakubi boobo bantu bakalinga kuya kuli nguwe kuswa kumisena ipusenepusene.

Maako 2:2

Bantu baanji bakayoboloka cakwaamba ayi kwakabula amusena wakacaala, apamulyango poonse pakesula. Lyalo Jesu wakabashimikila maswi akwe Lesa.

Maako 3:20

Lyalo Jesu wakaya kuŋanda. Aboobo bantu baanji baanji bakabungana cakwaamba ayi Jesu abashikwiiya bakwe bakabula aciindi cakulya.

Maako 7:17

Lyalo Jesu ndyaakashiya bantu abo akwinjila muŋanda, bashikwiiya bakwe bakamwiipusha shacikoshanyo ici.

Maako 7:24

Lyalo Jesu ndyaakaswaako uko, wakaya kunyinsa ya mandabala anene a Taya aSidoni. Wakenjila muŋanda imwi umo mwaakalinga kusuni kwaamba ayi ekale cakuteshiba bantu. Nakubi boobo bantu bakeshiba ayi mwaali muŋanda.

Maako 9:28

Ono Jesu ndyaakenjila muŋanda, bashikwiiya bakwe bakamwiipusha kulubasu ayi, “Ino swebo twaalilwa buyani kukusha shikaswa ulya?”

Luka 4:23

Mpomunyaawo wakabaambila ayi, “Mulaakuŋambila kashimpi aka ayi, ‘Omushiliki lishilike omwiine,’ alimwi mulaakuŋambilaawo ayi, ‘Nshiwakacita kuKapenaumu nshitwakanyumfwa, shicite akwalo kuno kucishi cine mishaanu.’ ”

Luka 5:18

Mpomunyaawo bantu bamwi bakaleta musankwa wakalinga kuyuminite mubili pamacila. Bakeelesha kumwinjisha muŋanda ayi bamooneke muliimfwa lyakwe Jesu.

Joni 4:47

Ndyaakanyumfwa ayi Jesu wakesa muGalili kuswa kuJudeya, wakaya kuli nguwe akumusenga ayi aye ashilike mwanaakwe, uyo wakalinga pafwaafwi akufwa.

Milimo ya Batumwi 2:6

Ndibakanyumfwa ciyobeyobe ici, bantu baanji baanji bakabungana. Boonse bakakankamana abuumbi ceebo womwi awomwi wakanyumfwa bashomi kabaamba mumulaka wakwe mwiine.