Maako 15:19 - Baibo Busansulushi Bwa Libuku Ili

¹⁹ Kuswawaawo bakatalika kumuuma mumutwi akasako, kumushipila mate alimwi akunoofukama panshi, kumulemeka cakubeca.

Maako 15:19 Marejeleo ya Msalaba

Matalikilo 24:52

Musebenshi wakwe Abulaamu ndyaakanyumfwa mbobakakumbula, wakafukama akulambila Mwaami Lesa.

Matalikilo 43:28

Bakakumbula ayi, “Baishiwesu, musebenshi wanu mubombu ngumuumibo alimwi uli kabotu.” Mpeeke bakafukama kunembo lyakwe mukumulemeka.

1 Baami 19:18

Nakubi boobo ndaakushiyaawo bantu bali 7,000 boomi muIsilaeli, abo boonse bashomeka kuli ndime alimwi batana kufukaminaawo Baali nabi kufyontaawo cibumbwabumbwa cakwe.”

Jobo 13:9

Sa na Lesa wamulangalanga kabotu inga taamucanini cilubo? Sa mutooyeeya ayi inga mwamwiinda kumaano bwiindwa bantubo?

Kulumbaisha 69:12

Ndime ndaba mubandi wa batooya ceenda mumikwakwa, abalo bacakolwa ndime batoobika munyimbo nshebatoopanga.

Isaya 45:23

Ndashomesha cakulumbila muliina lyangu nemwiine. Mulomo wangu waamba cakushinisha, kwaamba maswi eshi akabule kusandulwaawo akwaamba ayi, ‘Linungo lya muntu woonse lilaakufukama kunembo lyangu alimwi mulomo wa muntu womwi awomwi ulaakunoolumbila muliina lyangu.’

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Isaya 50:6

Ndakaaba musana wangu kubaabo bakalinga kunguma. Macili angu ndakaalansha kubaabo bakalinga kuncelebula akunshipila mate.

Isaya 52:14

Bantu baanji bakalinga kukankamana ndibakamubona. Ciwa cakwe cakalinga caswa mubuntu, cakwaamba ayi cakalinga ciyumu kwishiba ayi ngumuntu.

Mika 5:1

Nobene Jelusalemu, amubunjike bashilumamba banu, twashingulukwa a balwani. Booma muleli wa bene Isilaeli kumeenso amusako.

Mateyo 27:30

Lyalo bakamushipila mate akumunyaya litete akumuumishako pamutwi.

Maako 10:34

Abalo abo balaakumuwela, kumushipila mate, kumukwiipa alimwi akumucaya. Sombi pabushiku bwatatu, ulaakubuka kuswa kubafu.”

Maako 14:65

Mpomunyaawo bamwi bakatalika kumushipila mate, bamufweka pameenso, bamuuma akumwiipusha ayi, “Twaambile na inga wamwishiba wakuuma?” Abalo beshikulindilila bakeendililabo kunomuuma makoofi.

Maako 15:18

Lyalo bakatalika kumwaansha anga nkumulemeka ayi, “Waboneka oMwaami wa baJuda!”

Maako 15:20

Ndibakamana kumuseka akumuweluluka boobo, bakamufuula cisani cifubelafubela cilya akumufwalika shakufwala shakwe. Lyalo Jesu bakamutola kuya mukumupopa pamucilingano.

Maako 9:12

Lyalo Jesu wakabakumbula ayi, “Ncancinencine, Elija ngweshi akataangune kwisa kwaamba ayi akaboteshe shintu shoonse. Ino kulilembetwe buyani ayi MwanaaMuntu ulyeelete kupenshekwa abuumbi alimwi akusuulwa?

Luka 22:63

Mpeeke basankwa bakalinga kulindilila Jesu bakamuweluluka akumuuma.

Luka 23:11

Elodi abashilumamba bakwe bakaweluluka Jesu akumunyansha. Lyalo bakamufwalika cisani cibotu akumuboosha kuli Pilato.

Luka 23:36

Bashilumamba abalo bakamuweluluka, bakesa akumupa waini ulula usashite,

Bene Loma 11:4

Sombi Lesa wakakumbula ayi, “Ndilamite basankwa bali shuulu shosanwe ashobilo abo batana kulambilawo Baali, lesa wakubumba.”

Bene Filipi 2:10

Aboobo ceebo ca bulemu bwa liina lyakwe Jesu, shoonse shilengwa sha kwiculu, sha pacishi ca panshi alimwi asheesho shili panshi lya cishi shilaakufukama kunembo lyakwe.

Bene Ebulu 13:13

Paceebo ceeco, atuye kuli nguwe pansengwe lya musena mwikala bantu alimwi akusebaana pantu pomwi anguwe.