Maako 14:11 - Baibo Busansulushi Bwa Libuku Ili

¹¹ Abalo ndibakanyumfwa makani aya, bakakondwa, akushomesha kwaamba ayi balaakumupa maali. Mpomunyaawo Judasi alakwe wakatalika kuyandoola ciindi ceelete cakumwaabilaawo.

Maako 14:11 Marejeleo ya Msalaba

1 Baami 21:20

Lyalo Aabu ndyaakabona Elija wakaamba ayi, “Sa te wancanikisha kale omulwani wangu?” Elija wakakumbula ayi, “Ee, ndamucana, mwebo nomucilibengetebo kukucita shintu shibiibi pameenso a Mwaami Lesa.

2 Baami 5:26

Sombi Elisha wakaamba ayi, “Webo utooyeeya ayi nebo nshindalingaako mumushimu ciindi musankwa ulya ndyaaseluka mucikoci kwaamba ayi akukumanye. Cino ciindi tacishi cakutambula maali, shakufwala, myuunda ya maolifi alimwi aya minyansa nabi mbelele, ŋombe alimwi abasebenshi!

Osiya 7:3

Mwaami Lesa waamba ayi, “Bantu balabeca mwaami abwikaalo bwabo bubiibi, bacinenenene balabasangalasha kububeshi bwabo.

Mateyo 26:14

Mpomunyaawo umwi wa bashikwiiya bakwe Jesu bali likumi abobilo, wiitwa ayi Judasi Isikalyoti, wakaya kubamatanjilili ba bapailishi

Mateyo 26:15

akwiipusha ayi, “Ino inga mwampanshi na ndaaba Jesu kuli ndimwe?” Mpeeke bakabelenga maali asilifa ali makumi otatwe.

Maako 14:10

Womwi wa bashikwiiya bakwe Jesu bali likumi abobilo wiitwa ayi Judasi Isikalyoti, wakaya kubamatanjilili ba bapailishi ayi akaabe Jesu kuli mbabo.

Maako 14:12

Pabushiku butaanshi bwakusekelela kwakulya Cimaande, bushiku ubo ndibakalinga kucaya twana twa mbelele twa pabushiku bwa Pasika bwakwiibaluka kusotokela, bashikwiiya bakwe bakamwiipusha ayi, “Ino nkuli nkomusuni kwaamba ayi tuye tukamubambile kwakulita cakulya ca bushiku bwa Pasika?”

Luka 22:3

Lyalo Satana wakenjila muli Judasi, wiitwa ayi Isikalyoti, uyo wakalinga womwi wa bashikwiiya bali likumi abobilo.

1 Timoti 6:10

Ceebo kusuna maali ngomatalikilo a bubi boonse. Bamwi bakalinga kwaasuni abuumbi, aboobo beengaila kuswa kulushomo akulinjisha mubuumba bunene.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.