Maako 13:8 - Baibo Busansulushi Bwa Libuku Ili

⁸ Mushobo umwi ulaakubukila ubye, abwalo buleelo bulaakubukila bulelonyina. Kulaakuba shitentanshi mumisena ipusenepusene alimwi ansala. Shoonse ishi ngamatalikilobo a mapensho.

Maako 13:8 Marejeleo ya Msalaba

2 Makani 15:6

Cishi comwi cakalinga kulyatililwa acishi cimwi, ayalo ndabala yomwi yakalinga kulyatililwa andabala imwi mukwiinga Lesa wakalinga kuleta mapensho abuumba pali mbabo.

Kulumbaisha 48:6

Mpomunyaawo boowa bwakabacata akulisukama kunene. Ee, cakubabo anga ngumwanakashi ucite lifumo lyabuka.

Isaya 19:2

Mwaami Lesa waamba ayi, “Ndaakulengesha bene Ijipiti kubukila bene Ijipitinyina. Nkokwaamba ayi musankwa ulaakubukila mukwabo musankwa, shikamukobo ulaakubukila shikamukobonyina, ndabala ilaakubukila ndabalanyina, bulelo bulaakubukila bulelonyina.

Isaya 29:6

Mwaami Lesa Shinkusu shoonse ulaakwisa mukukupulusha acilulumo, citentaanshi alimwi acoongo cinene. Ulaakwisa amfuula ya muuwo, cipuupu cinene alinyaku lya mulilo ukali.

Isaya 37:3

Isaya bakamulwiita ayi, “Mwaami Esekiya waamba ayi, ‘Sunu mbushiku bwa buumba, mapensho alimwi bwa nsoni. Twaba anga ngumwanakashi usuni kutumbuka, sombi wabula nkusu shakutumbuka.

Jelemiya 13:21

Ino mulaakwaamba ayinshi Mwaami Lesa aakulengesha baabo mbomwakalinga kuyeeya ayi mbabyaanu kumweendelesha? Sa te mulaakunyonwabo anga ngumwanakashi uli pankata?

Jelemiya 22:23

Mwebo nomushiite muŋanda ya bwaami, nomwikala muŋanda iyakitwe ashisamu sha sida shakaswa kuLebanoni, mulaakutongela mapensho aakumupolela, acisa anga nkunyonwa kwa mwanakashi uyo uli pankata!

Jelemiya 25:32

Mwaami Lesa Shinkusu shoonse waamba ayi, “Amulange! Mapensho atooya cimwaikabo kuswa kumushobo amushobo. Cipuupu cinene caswita kweela cishi ca panshi.”

Jelemiya 4:31

Ntoonyumfwa mubila anga ngumwanakashi uli pankata. Ntoonyumfwa kutongela anga nkwa mwanakashi utootumbuka mwaana wakwiiya. Anu kwakalinga nkulila kwa ndabala ya Jelusalemu itoofoomashika akusenga lucafwo mukwaamba ayi, “Maawe ndawisuka, buumi bwangu bwaabwa mumaansa a bacayi!”

Jelemiya 49:24

Bene Damasikasi banyumfwa mumanungo mwatontola, basanduluka ayi bacice ceebo banyumfwa boowa. Myoyo yabo yacisa alimwi banyonwa mumala, ee, banyonwabo anga ngumwanakashi uli pankata.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.

Jelemiya 6:24

Bene Jelusalemu baamba ayi, “Twakanyumfwa makani apali mbabo, aboobo maanseesu akatontola. Buumba bwatucata, tutoonyumfwabo anga ngumwanakashi uli pankata.

Agayi 2:22

Ndaakunyonyoola bamaami amalelo a bakunsengwe akumanisha nkusu sha ngawo. Ndaakusandamuna shikoci shabo abaabo beshikusheensha. Maaki abo alaakumana kufwa abalo abeshikwaatanta balaakucayana beene abeene.”

Sekaliya 14:13

Pabushiku ubo, Mwaami Lesa ulaakubalengesha miyeeyo yabo kufulungana alimwi balaakuba aboowa cakwaamba ayi umwi ulaakucata mubye uli pafwaafwi anguwe palyaansa akutalika kulwanaakwe.

Mateyo 24:8

Shoonse ishi ngamatalikilobo a mapensho.

Maako 13:7

Na mukanyumfwe nkondo alimwi ampuuwo sha nkondo, mutakalisukami. Ishi shilaakucitika, sombi teshi kwaamba ayi ngomamanino a cishi.

Maako 13:9

“Sombi amwebo mulyeelete kucenjela. Mukwiinga bantu balaakumutola munkuta. Balaakumukwipila mushoonde sha baJuda. Mulaakwiimikana kunembo lya baleli ba shishi alimwi abamaami ceebo ca liina lyangu kwaamba ayi mupe bukamboni pameenso abo.

Milimo ya Batumwi 11:28

Lyalo umwi mulikoto lyabo wiitwa ayi Agabasi, wakeemikana akulaluka kwiinda munkusu sha Mushimu Usalashi ayi kulaakuba nsala inene mucishi coonse. (Ici cakacitika Kulodyasi ndyaakalinga Sisa muleli munene wa kuLoma.)

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.

Ciyubululo 6:4

Mpeeke mwakaswa liaki limwi, lyalo lyakalinga lisalala. Uyo wakalinga kutantiteewo wakapekwa nkusu shakubusha nkondo mucishi ca panshi kwaamba ayi bantu bacayane. Lakwe wakapekwa mupeeni unene.