Maako 13:7 - Baibo Busansulushi Bwa Libuku Ili

⁷ Na mukanyumfwe nkondo alimwi ampuuwo sha nkondo, mutakalisukami. Ishi shilaakucitika, sombi teshi kwaamba ayi ngomamanino a cishi.

Maako 13:7 Marejeleo ya Msalaba

2 Samwelo 14:14

Soonse tulyeelete kufwa. Ono nditufwa buumi bwesu bulababo anga ngamaanshi apukulwa atakonshaniki kuyolwa. Lesa lakwe taanyayi buumi, sombi ulalangoola nshila yakuboosha mwanaakwe kuswa mucishi ncaakalobokelaako.

Kulumbaisha 112:7

Teshi akaloonde nabi akanyumfwe makani abiibi moyo wakwe nguyumu ceebo ulicinkite manungo muMwaami Lesa.

Kulumbaisha 27:3

Ono nabi likoto lya bashilumamba lyoonse lyanshinguluka, moyo wangu tooswiiwo kuboowa napaceyuubo. Ncakwiila nabi nkoondo yambukila nebo ndanoocinkitebo manungo muli Lesa.

Tushimpi 3:25

Webo teshi ukanooloondawo mapensho esa cakuteengashila nabi kunyonyoolwa uko kupolela bamucita shibi anga ncipuupu cinene.

Isaya 8:12

“Webo utanoonjila mumiyeeyo njebapangana. Utanooloonda nshebaloonda. Utatutumi ceebo ca boowa.

Jelemiya 51:46

Mutakatutumi nabi kuloonda mwaakunyumfwa mikutukutu iyo njeshi mukanyumfwe. Mwaaka amwaaka kulanyumfwika mikutukutu, inga yaba yakulwana mucishi canu nabi mwaami kubukila mwaaminyina.

Mateyo 18:7

Mapensho kubantu ba mucishi ca panshi ceebo ca baabo balengesha babyabo kubisha! Shintu ishi shilyeelete kuboneka, sombi mapensho kubaabo bashilengesha.

Mateyo 2:3

Ndyaakanyumfwa makani aya, mwaami Elodi wakalisukama abuumbi pantu pomwi abantu boonse ba muJelusalemu.

Maako 13:6

Mukwiinga bantu baanji balaakwisa muliina lyangu, akunokwaamba ayi, ‘Ndime wooyo Usalitwe wakwe Lesa,’ alimwi balaakucenjeeka bantu baanji.

Maako 13:8

Mushobo umwi ulaakubukila ubye, abwalo buleelo bulaakubukila bulelonyina. Kulaakuba shitentanshi mumisena ipusenepusene alimwi ansala. Shoonse ishi ngamatalikilobo a mapensho.

Joni 14:1

“Myoyo yanu itapengi. Amushome muli Lesa alimwi mushome amuli ndime.

Joni 14:27

“Ndamushiila luumuno. Ndamupa luumuno lwangu. Nshipi bweenka mbuli bamucishi ca panshi, sobwe. Myoyo yanu itapengi nabi kuloonda.

Milimo ya Batumwi 17:3

Wakalinga kubasansulwita akubatondesha kwiinda muMalembo ayi Usalitwe wakwe Lesa wakalinga kweelete kupenshekwa akubushikwa kuswa kubafu. Paulo wakabaambila ayi, “Uyu Jesu ngoontoomulwiitaawo, ngoUsalitwe wakwe Lesa.”