Maako 12:7 - Baibo Busansulushi Bwa Libuku Ili

⁷ Sombi balimi abo bakatalika kulwiitana ayi, ‘Uyu ngweshi akapyane buboni boonse. Atumucaaye kwaamba ayi buboni boonse bukabe bwesu.’

Maako 12:7 Marejeleo ya Msalaba

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Milimo ya Batumwi 5:28

“Mwebo twakamukasha akumukonkomesha ayi mutakeeleshi lyobilo kwiisha makani aamba pali Jesu. Sombi mwebo mweeisha muJelusalemu yoonse alimwi mukucita boobo mutooyanda kutupa mulandu wa lufu lwa muntu uyu.”

Milimo ya Batumwi 2:23

Kweelana akuyanda kwakwe mwiine Lesa, wakabambila limwi ayi Jesu ulaakwaabwa mumaansaanu. Mpeeke mwebo mwakalengesha ayi bamucita shibi bamupope pamucilingano.

Maako 12:12

Beendeleshi ba baJuda bakeshiba kwaamba ayi Jesu wakalinga kwaamba mbabo mucikoshanyo ncaakabalwiita. Aboobo bakalinga kusuni kwaamba ayi bamucaate. Nakubi boobo bakaloonda likoto lya bantu lyakalingaawo. Mpeeke bakamushiyabo, baswaawo.

Mateyo 2:16

Ono Elodi ndyaakabona ayi bamwiinda kumaano bantu balya basongo, wakakalala abuumbi. Lyalo wakatuma bantu ayi baye bakacaye baana basankwa boonse muBetileemu alimwi amumisena yakalinga kushingulukite, abo bakalinga kucite myaaka yobilo kuboola panshi. Wakapima myaaka iyo kweelana aciindi nceyakaboneka nyenyeenshi mbuli mbobakamulwiita basongo.

Isaya 49:7

Mwaami Lesa Usalalite wa bene Isilaeli alimwi Mupulushi utokwaambila wooyo wiinditeewo kusebaana, ee, uyo upatitwe kumishobo imwi yoonse alimwi musebenshi wa baleli ayi, “Bamaami baakukubona ayi waangululwa, balaakunyamuka mukukupa bulemu. Baleli baakukubona balaakukukotamina mukukupa bulemu. Balaakukupa bulemu ceebo cakushomeka kwa Mwaami Lesa, Usalalite wa bene Isilaeli uyo wakamusala.”

Matalikilo 37:20

Ono atumucaaye, mubili wakwe tuuwaale mumukalo womwi wakayuminina. Inga twaya mukwaamba ayi walumwa munyama wamuluundu. Lyalo tukabone shiloto shakwe mbweshi shikabe.”

Matalikilo 3:15

Ono ntoolengesha webo amwanakashi kupatana. Lunyungu lwako alwa mwanakashi bananoolibo balwani lyoonse. Lakwe ulaakukulyata kumutwi awebo ulaakumuluma kukashindi.”

Mateyo 21:34

Ono ciindi cakutebula shisepo ndicakashika, muntu uyo wakatuma basebenshi bakwe kubalimi ayi bakamupeewo shisepo sha mumuunda wakwe.

Maako 12:6

Mwine muunda uyu wakacaalabo amuntu womwi wakutuma, mwanaakwe musankwa ngwaakalinga kusunishi. Kumamanino, wakamutuma kubalimi. Wakaamba ayi, ‘Mwanaangu lakwe balaakumupa bulemu.’

Maako 12:8

Mpomunyaawo bakamucata, bamucaya akuwaala mutuntu pansengwe lya muunda wa minyansa.”

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.